اعلامیہ
آل شیعہ پارٹیز کانفرنس
15 ستمبر 2012ء ،  بروز ہفتہ ،  اسلام آباد ہوٹل،  اسلام آباد

 آج مورخہ 15 ستمبر 2012ء بروز ہفتہ اسلام آباد میں آل شیعہ پارٹیز کانفرنس منعقد کی گئی، جس میں ملک بھر سے آئے ہوئے مختلف وفود، مختلف جماعتوں کے نمائندے اور رہنماء شریک ہوئے۔ اس اجلاس میں مختلف تجاویز زیربحث آئیں اور درج ذیل نکات پر اتفاق کیا گیا۔

۱۔ ملت کے درمیان اتحاد و وحدت کے اصول کے لیے مستقبل میں شعوری طور پر اس جدوجہد کو جاری رکھا جائے گا۔
۲۔ ملک بھر میں جاری دہشت گردی اور ٹارگٹ کلنگ کے خلاف ملک بھر میں بھرپور آواز اٹھائی جائے گی اور ریاستی سطح پر تمام سطوح تک مظلومیت کی یہ آواز پہنچائی جائے گی۔
۳۔ ہم اس ملک کے بانی بھی ہیں اور محافظ بھی لہٰذا ایسی تمام قوتوں کے مقابلے میں ہم اپنی پوری طاقت استعمال کریں گے جو اس ملک کے خلاف برسرپیکار ہیں اور دہشت گردی پھیلاتے ہیں۔
۴۔ ہم وطن عزیز کی سا  لمیت اور وحدت پر مکمل یقین رکھتے ہیں اور ہر ایسی کوشش کے مقابلے میں مزاحمت کریں گے جو اس وطن عزیز کی سا  لمیت اور وحدت کے خلاف ہو۔
۵۔ ہم اسلام دشمنی میں پیش پیش تمام بین الاقوامی قوتوں کے خلاف ہمیشہ آواز اٹھاتے رہیں گے۔
۶۔ گزشتہ تین دہائیوں میں ہزاروں دہشت گردی کے واقعات میں ملوث کسی بھی بڑے مجرم کو سزا نہ دینے پر ہم پاکستان کی آزاد عدلیہ سے بھرپور احتجاج کرتے ہیں۔
۷۔ سیکورٹی کے ذمہ دار اداروں کی جانب سے گرفتار کر کے عدالت میں پیش کیے جانے کے باوجود انہیں بہت کم عرصے میں باعزت بری کیے جانے پر ہم شدید احتجاج کرتے ہیں۔
۸۔ جن مجرموں کو سزائیں سنائی گئیں، ان سزائوںپر عملدرآمد نہ کرنا عدلیہ کی سب سے بڑی کمزوری ہے، جس کا ازالہ قومی ضرورت ہے۔ ہمارا عدلیہ سے مطالبہ ہے کہ شیعہ نسل کشی کے خلاف سوموٹو ایکشن لے۔
۹۔ کوئٹہ سے تفتان، پشاور سے پاراچنار اور راولپنڈی سے گلگت  بلتستان کے زمینی سفر کو محفوظ بنانے کے لیے ریاستی اداروں کو اپنی قانونی ذمہ داری ہر حال میں ادا کرنی چاہیے۔
۱۰۔ بلوچستان بالخصوص کوئٹہ میں شیعہ نسل کشی کو روکنے کے لیے پولیس اور دیگر ریاستی ادارے ناکام ہو چکے ہیں۔ پاکستانی افواج کو اس سلسلے میں اپنا کردار ادا کرنا چاہیے اور کوئٹہ کو فوری طور پر فوج کے حوالے کیا جانا چاہیے۔
۱۱۔ ہم تمام دنیا بالخصوص برما، بحرین، یمن، فلسطین، عراق اور خطے کے دیگر ممالک میں جاری دہشت گردی کی شدید مذمت کرتے ہیں۔
۱۲۔ ہم اس بات پر متفق ہیں کہ ہمارے ملک میں مغربی ممالک بالخصوص امریکہ کی مداخلت حد درجہ بڑھ چکی ہے۔ امریکی دہشت

گردوں کو پاک سرزمین سے نکال باہر کرنا ہماری ریاست کی پہلی ذمہ داری ہے۔
۱۳۔ حال ہی میں امریکیوں کی جانب سے ناموس اسلام حضرت ختمی مرتبت رسول خداؐ کی شان میں ناقابل بیان توہین آمیز فلم بنائی گئی۔ ہم اس فلم کے بنانے والے، ترجمہ کرنے والے، اس کو نشر کرنے والے سب کو مجرم سمجھتے ہیں لہٰذا ہم پاکستان کے ریاستی اداروں اور حکومت سے مطالبہ کرتے ہیں کہ فی الفور امریکی جاسوسی کے اڈے، سفارتخانے کو بند کرا دیا جائے اور امریکہ سے ہر قسم کے تعلقات ختم کیے جائیں۔

ہمارا مذہب کسی بے گناہ کے قتل کی ہزگز اجازت نہیں دیتا ،بربریت اور ظلم لوگوں کے گلے کاٹناشرعاجائز نہیں ، کسی مسلمان فرقے کو کافر کہنا جائز نہیں اور نہ ہی کسی مسلک کے مقدسات کی توہین جائز ہے ۔
ہندووں کی طرح ملک چھوڑنا مسئلے کا حل نہیں بلکہ ہمیں ہمت ،طاقت اور حوصلہ سے کام لینا ہوگا
ملک کی بقاء کو خطرے سے دوچار کیا جارہا ہے ایسے میں ہمیں آگے بڑھ کر قربانی دینی ہوگی ملک کی بقاء ہماری استقامت اور بصیرت میں پوشیدہ ہے ۔
ہمیں ملک کے خلاف ہونے والی عالمی اور اندرونی سازشوں کا سامنا ہے ڈٹ کرمقابلہ کرنا ہوگا ریاستی اداروں میں شیعہ مخالف ماینڈ سیٹ کو ختم کیا جانا ضروری ہے ،سیکوریٹی فورسز میں اعلیٰ سطح ضیاء الحق کی سوچ اب بھی فعال ہے جو کسی بھی شیعہ ٹارگٹ کلر کو پکڑنے نہیں دیتی اور نہ ہی شیعہ نسل کشی کے لئے کوئی خاص اقدامات انجام دینے دیتی ہے ۔شرکاء کانفرنس کی گفتگو
پولیٹیکل پاور دہشت گردوں کو مدد فراہم کرتی ہے یہاں تک کہ بعض وزراء اور چیف جسٹس تک پر اس کے اثرات نظرآتے ہیں ۔
اقوام متحدہ کے وفد اور عالمی اداروں سے توقعات وابستہ نہ کیا جائے البتہ ان سے معقول انداز سے بات کی جائے شرکاء کی رائے ۔
اس وقت باہمی اتحاد کے لئے سب کو کشش کرنے کی ضرورت ہے اندرونی اور بیرونی خیر خواہوں سے گذارش ہے کہ ہمارے باہمی اتحاد کے لئے کوشش کریں نہ کہ اختلاف کے لئے

اسلام آباد آل شیعہ پارٹیز کانفرنس ایم ڈبلیوایم کی سربراہی میں جاری ہے اور اس وقت کانفرنس کا دوسرا سیشن شروع ہو چکا ہے کانفرنس سے اب تک بلوچستان،کشمیر،خیبر پختونخواہ،پنجاب اور سندھ کے نمایندے اپنی اپنی گفتگو کرچکے ہیں جبکہ گلگت بلتستان کے نمایندے گفتگو کر رہے ہیں کانفرنس میں مختلف شیعہ جماعتوں کے علاوہ مختلف جماعتوں کے ایم اینز اور ایم پی ایز بھی بیٹھے ہیں جبکہ مختلف سیاسی جماعتوں میں موجود اہل تشیع شیعہ رہنما بھی موجود ہیں
بین الاقوامی ادارے ہمارے خیر خواہ نہیں ہیں وہ موقع کی تلاش میں ہیں،تکفیری گروہ اسلام اور ملک کے لئے نقصان دہ ہیں ،ملکی اداروں میں شیعہ مخالف مائنڈ سیٹ بدلنا ہوگا
قومی اداروں میں شیعہ مخالف سوچ موجود ہے جو آفیشل یا ان آفیشلی طور پرملک بھر کے دہشت گردوں کو سپورٹ فراہم کرتی ہے ،ملک کو جماعتوں کے بجائے قائد اعظم کا پاکستان بنانے کی ضرورت ہے

آل شیعہ پارٹیز کانفرنس کے آغاز میں خطبہ استقبالیہ دیتے ہوئے مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے مہمانوں کو خوش آمدید کہا
اپنے خطاب میں آپ نے ملک بھر میں جاری دہشت گردی اور شیعہ ٹارگٹ کلنگ کے حوالے سے گفتگو کرتے ہوئے کہا کہ ،جو اپنے زمانے کی شناخت رکھتا ہے وہ پے درپے فتنوں اور حوادث کا شکار نہیں ہوتا وہ فتنوں کے وقت حق و باطل کی شناخت میں شک و تردد کا شکار نہیں ہوتا
وقت سے پیچھے رہنے والے ہمیشہ ناکام رہتے ہیں،وقت کے ساتھ چلنے والے لوگ مشکلات کا مقابلہ نہیں کرسکتے لیڈ نہیں کرسکتے قیادت نہیں کرسکتے کچھ لوگ وقت سے آگے ہوتے ہیں یہ لوگ لیڈکرسکتے ہیں، یہ لوگ قیادت کرسکتے ہیں حوادث کا درست مقابلہ کرسکتے ہیں
سیکرٹری جنرل ایم ڈبلیوایم نے کہا کہ پاکستان میں ہم فتنوں کا شکارہیں ہمارا دشمن مکمل پلانینگ اور منظم طریقے سے کام کررہا ہے ،ہماری مشکلات کا زمانہ ضیاء الحق کے زمانے سے شروع ہوتا ہے
گذشتہ چند سالوں میں ملک میں مذ ہبی گروتھ غیر طبیعی ور ان نیچرل ہوئی اور اداروں میں شیعہ اور سنی بریلوی مخالف مائنڈ سیٹ بنایا گیا جس کی تازہ مثال آرمی میں اعلیٰ پوسٹوں پر شیعہ آفیسرز کو آنے نہ دینا ہے
ایک خاص سوچ کے لوگوں کو حکومت اور سیکوریٹی فورسز میں خاص مقام دیا گیا اور ایک طرح کی مس منجمنٹ کی گئی اور سماجی طاقت کے توازن کو بگاڑاگیا
جب تک بیلنس آف پاور کو واپس اپنی درست جگہ پر نہ بٹھایا جائے مسائل اسی طرح رہے گے اسی ایک مثال وزیر مذہبی امور کا تعلق بریلوی مذہب سے ہے تو اسے جیل جانا پڑتا ہے
سیکوریٹی کے ادارے جنکا کام سیکوریٹی تھی وہ شیعہ کلنگ کے مقابلے میں خاموش اور آنکھیں بندکرتے رہے
گلگت بلتستان کا حال بھی ایسا ہی ہے آپ جب مسلسل ایک علاقے میں ایک مکتب فکر کو لاشیں بھیجتے رہے گے تو پھر آپ ان سے وفاداری کی توقع نہ رکھیں
پی پی پی کی نگاہ میں جتنی ہند ووں کی قدر ہے اتنی اہل تشیع کی قدر نہیں ایک سیٹ کی خاطر ہندوں کے مسائل کے لئے کیمٹیاں بنتیں جب اہل تشیع کے قتل عام پر خاموش رہتے ہیں
پنجاب شیعہ کافر نعروں کا مرکزی بناہوا ہے جبکہ بلوچستان اہل تشیع کی مقتل گاہ بن چکی ہے وہاں کا وزیر اعلی اسلام آباد میں موٹر سائیکل چلاتا ہے
ملک میں ووٹ سب لینگے لیکن کوئی سیاسی پارٹی ہمارے قتل عام کو روکنے کے لئے تیار نہیں ہے
سیکوریٹی فورسز اور فوج کو یہ سمجھانے ضرورت ہے کہ جن لوگوں کی آپ سرپرستی کر رہے ہیں انکا مرکز ہندوستان میں ہے ، اور وہ ملک کے لئے نقصان دہ ہیں فورسز پر حملے ،ملکی دفاعی صنعت پر حملہ کیا پاکستان کے فائدہ میں ہے ؟
علامہ راجہ ناصر عباس جعفری نے پاکستان میں آئے ہوئے یواین کے وفد کو سخت تنقید کا نشانہ بناتے ہوئے کہاکہ یواین کا وفد جہاں گیا ہے وہاں تباہی ہوئی ہے یہ سامراج کے ایجنٹ ہیں ہمارے ملک میں اس لئے آئے ہیں کہ یہاں خانہ جنگی کرائیں کاش کی ہماری فورسز قاتلوں کو نہ پالتی ،کاش لاپتہ افراد کے مسئلے کو ہم خود حل کرتے تو یواین کو آنے کی ضرورت نہیں تھی
  (مکمل خطاب کا ٹیکسٹ اور ووڈیو اپ لوڈ کی جائے گی)