وحدت نیوز(دادو) مجلس وحدت مسلمین شعبہ خواتین کی مرکزی سیکرٹری روابط محترمہ سیمی نقوی و معاون سیکرٹری روابط و تنظیم سازی محترمہ غزالہ جعفری کی جانب سے ضلع دادو میں ضلعی سیٹ اپ تشکیل دیا گیا محترمہ معصومہ کاظمی کو ضلعی سیکرٹری جنرل نامزد کیا گیا اور 15 رکنی کابینہ کی حلف برداری کی گئی۔

 اس موقع پر محترمہ سیمی نقوی نے تنظیم کے اھداف و مقاصد بیان کیے جبکہ محترمہ غزالہ جعفری نے ایک مضبوط تنظیمی سٹرکچر بنانے کے لیے خواتین کی راہنمائی کرتے ہوئے تین ماہ کا برنامہ پیش کیا ۔

اس موقع پر مجلس وحدت مسلمین پاکستان کے مرکزی سیکرٹری جنرل علامہ راجا ناصر عباس جعفری حفظ اللہ اور صوبائی سیکرٹری جنرل مولانا سید باقر زیدی نے بھی خواتین سے ملاقات کی ۔

قائد وحدت علامہ راجا ناصر عباس جعفری نے خواتین سے خطاب کیا اور تنظیم کے بنیادی اھداف بیان کیے اور خواتین کو سنت زینبی پر عمل کرتے ہوۓ معاشرہ سازی کرنے کی تلقین کی۔

وحدت نیوز(لاہور) مجلس وحدت مسلمین شعبہ خواتین لاہور کی سیکرٹری جنرل محترمہ حنا تقوی کی سربراہی میں امور فلاح و بہبود کے حوالے سے جوہر ٹاؤن لاہور میں اجلاس منعقد ہوا جس میں ڈپٹی سیکرٹری جنرل محترمہ عظمی نقوی اور ضلعی سیکرٹری فلاح و بہبود محترمہ عالیہ رضوی کے علاوہ محترمہ عندلیب آغا اور محترمہ صبا کاظمی نے بھی شرکت کی ۔

میٹنگ میں 9 نکاتی ایجنڈے پر تبادلہ خیال ہوا ایجنڈے میں دور حاضر کی مالی مشکلات کے پیش نظر خواتین اپنی روزمرہ کی ضروریات زندگی کو پورا کرنے کے لیے کس طرح گھر بیٹھے اپنی صلاحیتوں کو بروے کار لاتے ہوئے روزگار حاصل کر سکتی ہیں پر تبادلہ خیال کیا گیا  باہمی مشاورت کے بعد ایک ماہ کا لائحہ عمل "خود مختار خاتون" کے عنوان سے طے کیا گیا جس میں طے شدہ مقاصد کے حصول کے لیے سیمینارز کا انعقاد ، کچن کارڈنینگ اور ہیلتھ کے شعبہ پر کام کیا جائےگا۔

وحدت نیوز(اسلام آباد)مجلس وحدت مسلمین پاکستان کے مرکزی ڈپٹی سیکرٹری جنرل سید ناصر شیرازی نے گلگت بلتستان کے نومنتخب وزیر اعلی خالد خورشید کو مبارکباد پیش کرتے ہوئے امید ظاہر کی ہے کہ خطے کی ترقی میں وہ مثالی کردار ادا کریں گے۔انہوں نے کہا کہ ماضی کی حکومتوں نے اقتدار کا حصول عوام کی خدمت کی بجائے ذاتی مفاد حاصل کرنے کے لیے کیا۔ جوسیاسی جماعتیں ماضی میں ایک دوسرے کی حریف رہیں اور اقتدار کی کھینچا تانی میں اخلاقی قدروں کا جنازہ نکالا آج ایک دوسرے کے گلے میں بانہیں ڈال کرگھوم رہی ہیں۔ان کا مقصد عوام کو ایک بار پھر گمراہ کر کے اقتدار کے مزے لوٹنا ہے۔گلگت بلتستان کے عوام نے انہیں مسترد کر کے ثابت کیا کہ ان کا سیاسی شعور اب بلند ہے اور وہ شعبدوں بازوں کے جھانسے میں نہیں آئیں گے۔

انہوں نے کہا کہ پی ٹی آئی کی حکومت نے گلگت بلتستان کے عوام کے لیے بہت سارے ترقیاتی منصوبے طے کر رکھے ہیں۔اگلے چند سالوں میں علاقے کی تقدیر بدل کر رہ جائے گی۔ وزیر اعلی خالد خورشید ایک مدبر, دوراندیش اور نوجوان سیاست دان ہیں۔انہیں علاقے کے عوام کی ضروریات زندگی اور مشکلات کا بخوبی احساس ہے۔ عوام کو ان سے کبھی مایوسی نہیں ہو گی۔

انہوں نے کہاکہ کورونا کے بڑھتے ہوئے کیسز تشویشناک صورتحال اختیار کر رہے ہیں۔ پی ڈی ایم میں شامل سیاسی جماعتیں اگر حقیقی معنوں میں عوام کی خیر خواہ ہوتیں تو وہ کورونا کے پیش نظر اپنے جلسے جلوس فور ی طور پر ملتوی کردیتیں اور عوام کی قیمتی جانوں کو یوں داؤ پر نہ لگایا جاتا لیکن ان اتحادی جماعتوں کو ہمیشہ عوامی زندگی سے زیادہ اقتدار عزیز رہا۔پوری دنیا میں ایس او پیز پر عمل کیا جا رہا ہے لیکن پی ڈی ایم کورونا کے خلاف حکومت کی ساری کوششوں کو تباہ کرنے پرتُلی ہوئی ہے ۔انہوں نے کہا کہ اگر ملک میں کورونا بے قابو ہو گیا تو اس کی ساری ذمہ داری ان اتحادی جماعتوں پر ہو گی جو ملک کے مختلف حصوں میں دھڑلے سے جلسوں میں مشغول ہے۔

وحدت نیوز(گلگت) گلگت بلتستان کی صوبائی کابینہ کے وزراء نے اپنے اپنے عہدوں کا حلف اٹھالیا۔ گورنرگلگت بلتستان راجہ جلال حسین مقپون نے نامزد صوبائی وزراء سے ان کےعہدوں کا حلف لیا۔ تقریب میں وزیر اعظم پاکستان جناب عمران خان نے خصوصی شرکت کی ۔ حلف اٹھانے والے وزراء میں مجلس وحدت مسلمین کے رکن اسمبلی محمد کاظم میثم بھی شامل ہیں جنہیں وزارت زراعت کا قلمدان تفویض کیا گیاہے ۔

دوسری جانب مجلس وحدت مسلمین کے سینئر رہنما، صوبائی ترجمان اور سابق چیئرمین بلدیہ گلگت محمد الیاس صدیقی کو وزیر اعلیٰ گلگت بلتستان بیرسٹر خالد خورشید خان کا معاون خصوصی برائے معدنیات نامزد کیا گیا ہے ۔ تقریب حلف برداری میں ایم ڈبلیوایم کے مرکزی پولیٹیکل سیکریٹری سید اسدعباس نقوی، رکن اسمبلی شیخ اکبرعلی رجائی، محترمہ کنیز فاطمہ ، علامہ شیخ نیئرعباس، غلام عباس سمیت دیگر رہنما اور اراکین بڑی تعداد میں موجود تھے ۔