وحدت نیوز (مشہد مقدس) مجلس وحدت مسلمین شعبہ مشہد مقدس کے وفد نے گزشتہ روز مشہد مقدس میں منعقدہ یوم القدس کے حوالے سے ریلی میں شرکت کی۔ مجلس وحدت مسلمین کے وفد کی قیادت مسئول دفتر مولانا ظہیر الحسن، مولانا سید منور عباس نقوی، مولانا انصاف رضا، سید محمد علی کاظمی اور دیگر نے کی۔ میدان بسیج سے نکالی جانے والی ریلی میں مجلس وحدت مسلمین شعبہ مشہد مقدس کے مسئولین، اراکین، علمائے کرام اور پاکستانی طلاب کی ایک بڑی تعداد موجود تھی جنہوں نے مجلس وحدت مسلمین اور پاکستان کے پرچم اُٹھا رکھے تھے۔ ریلی میں پاکستانی پرچم نمایاں تھا، ریلی اپنے مقررہ راستوں سے ہوتی ہوئی حرم مطہر امام رضا علیہ السلام پر اختتام پذیر ہوئی۔

وحدت نیوز(لاہور) مجلس وحدت مسلمین کے مرکزی سیکریٹری امور سیاسیات سید  ناصر شیرازی نے مرکزی سیکریٹریٹ سے جاری اپنے ایک بیان میں کہا کہ موجودہ پاکستانی حکومت کا رویہ بھارتی حکومت کے سامنے محکومانہ ظاہر ہوتا ہے، ملک بھر میں جاری دہشت گردی میں بھارتی خفیہ ایجنسی را کے ملوث ہونے کے واضح ایٹیلیجنس ثبوتوں کے باوجود وزیر اعظم نواز شریف کا نریندر مودی سے کوئی شکوہ شکایت نہ کرنا انکی غلامانہ ذہنیت کا عکاس ہے، پاکستان کے اصلی کشمیر کاز سے روگردانی شہداء کشمیر کے خون سے بے وفائی ظاہر کرتی ہے، پاکستان کی تمام اہم وفاقی وزارتیں اس وقت ون مین شو کا شکا ر ہیں ، روس میں ہونےوالی پاک بھارت وزارائے اعظم ملاقات ہماری خارجہ پالیسی کی کھلی ناکامی ظاہر کرتی ہے، کسی ایجنڈے کے بغیر ملاقات نے نرریندر مودی کو مجرم ہونے کے باوجود سراٹھا کر ملنے پر مجبور کردیا، ورنہ مشرقی پاکستان کی علیحدگی کے حوالے سے دیئے گئے بیان کے بعد نریندر مودی اخلاقی طور پر نواز شریف کا سامنا کرنے کی جرائت نہیں کرتے ۔

بینک ٹرانزکشن پر عائدود ہولڈنگ ٹیکس کو غیر منصفانہ قرار دیتے ہوئے انہوں نے کہا کہ اعلانیہ اشاریہ چھ فیصدیا تین فیصد ٹیکس نہ فقط سرمایہ دار ، صنعت کار بلکہ عام شہری ، کسان، تاجر اور ملازمت پیشہ افراد پر بھی ظلم ہے، حکومت عالمی بنکوں کے غیر معقول مشوروں پر عوام پر روزانہ نت نئے تجربے کرتی رہتی ہے،حکومت کو عوام پر تین فیصد ٹیکس کا ہی نفاذ کرنا تھا قوم کو بے وقوف بنانے کیلئے پہلے چھ فیصد اور تاجروں کے احتجاج کے بعد تین فیصد ٹیکس کا ریلیف دے کر تین فیصد ٹیکس برقرار رکھنے کا اعلان محض حکومتی فریب کاری ہے اور کچھ نہیں ، انہوں نے اعلا ن کیا ایم ڈبلیوایم بینک ٹرانزکشن پر عائد غیر منصفانہ غنڈہ ٹیکس کو مسترد کرتی ہے اور احتجاج کی صورت میں تاجر برادری کے شانہ بشانہ کھڑی ہو گی۔

وحدت نیوز (ملتان) مجلس وحدت مسلمین پاکستان اور امامیہ اسٹوڈنٹس آرگنائزیشن کے زیراہتمام گزشتہ روز ملک بھر میں ’’عالمی یوم القدس ‘‘ منایا گیا، ملک بھر کے چھوٹے بڑے شہروں میں نماز جمعہ کے بعد احتجاجی ریلیاں نکالی گئیں اور مظاہرے کیے گئے۔ تفصیل کے مطابق جنوبی پنجاب کے مرکزی شہر ملتان میں نماز جمعہ کے بعد امام بارگاہ شاہ گردیز سے مرکزی القدس ریلی نکالی گئی ۔ ریلی کی قیادت مجلس وحدت مسلمین پنجاب کے ڈپٹی سیکرٹری جنرل علامہ سید اقتدار حسین نقوی، ضلعی سیکرٹری جنرل علامہ قاضی نادر حسین علوی، امامیہ اسٹوڈنٹس آرگنائزیشن ملتان کے ڈویژنل صدر ڈاکٹرقمرعلی رضا اور جواد مصطفی ، جنرل سیکرٹری محمد علی نقوی نے کی ۔ ریلی کے شرکاء نے پینافلیکس، بینرز اور پلے کارڈز اُٹھا رکھے تھے جن پر قبلہ اول بیت المقدس کی آزادی، فلسطینی مسلمانوں سے اظہار اور اسرائیلی مظالم کے خلاف نعرے درج تھے۔ اس موقع پر شرکاء نے امریکہ اور اسرائیل کے خلاف شدید نعرے بازی اور عالم اسلام سے قبلہ اول بیت المقدس کی آزادی کے لیے آواز بلند کرنے کا مطالبہ کیا۔ القدس ریلی چوک گھنٹہ گھر پہنچ کر جلسے کی شکل میں تبدیل ہوگئی ۔ جلسہ عام سے خطاب کرتے ہوئے علامہ سید اقتدار حسین نقوی نے کہا کہ آج قبلہ اول صیہونیوں کے قبضے میں ہے جو کہ عالم اسلام کے لیے شرمناک ہے، پوری دنیا کے مسلمان اگر اپنا فریضہ سمجھتے ہوئے قبل اول کی آزادی کے لیے آواز بلند کریں تو قبلہ اول آزاد ہوسکتا ہے، آج کوئی بھی دن ایسا نہیں گزرتا جس دن استعماری طاقتیں مسلمانوں کو ظلم و ستم کے شکنجے کا شکار نہیں بناتیں، آج جہاں کہیں بھی ظلم و تشدد ہو رہا ہے، وہ مسلمانوں کے امریکہ و اسرائیل سے خفیہ تعلقات کے نتیجے میں ہی ہو رہا ہے۔ علامہ قاضی نادر حسین علوی نے کہا کہ اگر نام نہاد اسلامی ممالک ان شیطانی قوتوں سے اپنے تمام تر تعلق ترک کرتے تو دنیائے اسلام کی یہ حالت نہ ہوتی، یہ شیطانی قوتیں مسلم نسل کشی پر نہ اتر آتیں، برما میں مسلمانوں کا بے دریغ قتل عام نہ ہوتا، مقبوضہ علاقہ جات ان کے قبضے میں نہ ہوتے، قبلہ اول پنجہ استبداد میں نہ ہوتا۔ آئی ایس او کے ڈویژنل صدر ڈاکٹر قمر علی رضا نے کہا کہ آج ایسا کوئی دن نہیں گزرتا کہ جب اسر ائیل فوجی فلسطینی عوام کو گولیوں کا نشانہ نہ بناتے ہوں، مظلوم فلسطینی عوام پر مصیبتوں کے پہاڑ ٹوٹ رہے ہیں، لیکن نام نہاد اسلامی ممالک کے ٹھیکیداروں کو اب بھی اپنی غلطی کا احساس نہیں ہو رہا ہے اور اب بھی وہ خواب غفلت میں پڑے ہوئے ہیں، اگر یہ بیدار ہوئے ہوتے تو قبلہ اول کی آزادی دور نہ ہوتی، لیکن اب وہ دن دور نہیں ہے کہ جب ان ٹھیکیداروں کے ساتھ وہی سلوک ہوگا جو صدام، قذافی یا حسنی مبارک کے ساتھ انجام پایا۔آئی ایس او کے رہنما جواد مصطفی نے کہا کہ فلسطین عالم اسلام کے لئے آنکھ کی حیثیت رکھتا ہے، فلسطین مسلمانوں کے لئے شہ رگ جاں کے مثل ہے، جب تک مقبوضہ فلسطین کی آزادی عمل میں نہیں لائی جاتی تب تک اسلامی ممالک کی سرحدیں محفوظ ہرگز نہیں ہیں، ، بیت المقدس کی آزادی تک ہمارے مقدسات کی توہین ہوتی رہے گی، ہماری عزتیں تار تار ہوتی رہیں گی۔ آخر میں اسرائیل کے خلاف مذمتی قرارداد منظور کی گئی اور امریکہ اور اسرائیل کے پرچم بھی نذرآتش کیے گئے۔ اس کے علاوہ کبیروالا، تلمبہ، عبدالحکیم، خانیوال، مظفرگڑھ، علی پور،سیت پور،خانگڑھ، کوٹ ادو،لیہ، بھکر،ڈیرہ غازیخان، شجاع آباد،جلال پورپیروالا میں بھی مجلس وحدت مسلمین اور آئی ایس او کے زیراہتمام ’’عالمی یوم القدس‘‘کے موقع پر احتجاجی ریلیاں نکالی گئیں۔

وحدت نیوز(گلگت) صدر و وزیر اعظم آزاد جموں و کشمیر گلگت بلتستان کے بارے میں بھارتی موقف کی حمایت کرکے غداری کے مرتکب قرار پائے ہیں۔گلگت بلتستان نہ تو آزاد کشمیر کا حصہ رہا ہے اور نہ ہی یہ خطہ کسی کشمیری لیڈر نے آزاد کرایا ہے۔یہ خطہ یہاں کے عوام نے بزور بازو ڈوگروں سے آزاد کرایا ہے۔گلگت بلتستان کو صوبہ بنانے میں بظاہر کوئی دشوار ی حائل نہیں البتہ وفاقی حکمرانوں کی بدنیتی ضرور حائل ہے۔ان خیالات کا اظہار مجلس وحدت مسلمین گلگت بلتستان کے صوبائی سیکریٹری جنرل علامہ شیخ نیئر عباس نے اپنے ایک بیان میں کیا ہے۔

انہوں نے کہا کہ گلگت بلتستان کے عوام کا شروع دن سے مطالبہ رہا ہے کہ اس محروم خطے کو پاکستان کے دوسرے صوبوں کی طرح مکمل صوبہ بنایا جائے۔صدر اور وزیراعظم آزاد کشمیر گلگت بلتستان کے متعلق سیاست کرنے سے پہلے کشمیر کے مستقبل کافکر کرتے ہوئے اپنے عوام کو ایک پیج پر لائیں،گلگت بلتستان کے مستقبل کا فیصلہ یہاں کے عوام کرینگے۔ انہوں نے کہا کہ گلگت بلتستان کے عوام کے مستقبل کا فیصلہ کرنے کا کسی کشمیر ی کو کوئی حق نہیں پہنچتا کہ وہ گلگت بلتستان کے معاملات میں مداخلت کرے۔یہ علاقہ کسی بٹوارے کے نتیجے میں آزاد نہیں ہوا بلکہ یہاں کے عوام نے ڈوگروں سے جنگ لڑ کر 28 ہزار مربع میل پر مشتمل یہ خطہ آزاد کرواکر پاکستان میں شامل کیا ہے جبکہ کشمیری رہنما مسئلہ کشمیر کے نام پر انٹرنیشنل کمیونٹی سے بھیک مانگ کر مال بنانے والی پالیسی پر عمل پیرا ہیں اور یہ مفاد پرست کشمیر ی ٹولہ قیامت تک مسئلہ کشمیر کا حل نہیں چاہتے ہیں۔ انہوں نے کہا کہ گلگت بلتستان کے عوام مفت میں کشمیریوں کیلئے قربانی کا بکرا نہیں بنیں گے،حقیقت یہ ہے کہ آج تک کسی کشمیری صدر اور وزیر اعظم نے گلگت بلتستان کا دورہ تک نہیں کیا ہے اور بھارتی ایجنٹوں کے ایماء پر اخباری بیانات جاری کرتے رہتے ہیں۔انہوں نے کہا کہ گلگت بلتستان کے عوام ان نام نہاد مفاد پرست کشمیری رہنماؤں سے نفرت کرتے ہیں اور ان کے بیانات کی سختی سے مذمت کرتے ہوئے حکومت سے مطالبہ کرتے ہیں کہ گلگت بلتستان کو صوبے کا درجہ دیکر سالہا سال کی محرومیوں کا ازالہ کیا جائے۔

وحدت نیوز (کوئٹہ) عالمی یوم القدس کے موقع پر بلوچستان سمیت ملک بھر میں احتجاجی جلسے اور ریلیاں نکالی گئیں۔ اس سلسلے میں ملک بھر کی طرح کوئٹہ، گنداخہ، ڈیرہ اللہ یار، نصیر آباد، رکنی بارکھان وغیرہ میں مظلوم فلسطینی عوام سے اظہار یکجہتی کیا گیا۔

کوئٹہ میں یوم القدس کی مرکزی تقریب سے خطاب کرتے ہوئے مجلس وحدت مسلمین بلوچستان کے سیکریٹری جنرل علامہ مقصود علی ڈومکی نے کہا ہے کہ آج جمعہ ۲۲ رمضان المبارک کو دنیا بھر میں مظلوم فلسطینی عوام سے اظہار یکجہتی کے لئے عالمی یوم القدس منایا جارہا ہے۔ بلوچستان کے فرزندان اسلام کو یہ اعزاز حاصل ہے کہ انہوں نے قبلہ اول بیت المقدس اور مسجد اقصیٰ کی آزادی کے لئے اپنے پاکیزہ لہو کا نذرانہ پیش کیاہے۔ ہم شہدائے یوم القدس کو سلام عقیدت پیش کرتے ہوئے ان سے تجدید عہد کرتے ہیں کہ آزادی قدس کی تحریک جاری رکھیں گے۔

انہوں نے کہا کہ اسرائیل غاصب دنیا بھر میں فتنہ و فساد کی جڑ ہے۔ دہشت گرد گروں کی پشت پر اسرائیل غاصب کا ہاتھ ہے ہم حماس اور حزب اللہ کی جدوجہد کی حمایت کرتے ہیں۔ انشاء اللہ بیت المقدس جلد ہی آزاد ہوگا اور غاصب صیہونی ریاست اسرائیل نابود ہوگی۔

در ایں اثناء گنداخہ میں منعقدہ اجتماع سے خطاب کرتے ہوئے مجلس وحدت مسلمین کے صوبائی رہنماء مولانا عبدالحق بلوچ اور مولانا محمد علی جمالی نے کہا کہ اسرائیلی مظالم کو امریکی سرپرستی حاصل ہے، آج امریکہ اقوام عالم میں منفور ہوچکا ہے۔

وحدت نیوز (سکردو)عالمی یوم القدس کے موقع پر دنیا بھر کی طرح اسکردو میں بھی یوم القدس نہایت شاندار طریقے سے منایا گیا۔ اس موقع پر بلتستان کی مرکزی القدس ریلی سے مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی نے خطاب کیا ۔ علامہ آغا علی رضوی نے اپنے خطاب میں کہا کہ یوم القدس دنیا بھر میں مستضعفین و محرومین جہاں کے رہبر امام خمینی بت شکن کے حکم پر آغاز ہو ا اور پاکستان کی سرزمین پر اس عظیم دن کو شہید قائد علامہ عارف حسین الحسینی کے حکم پر منایا جا رہا ہے ۔ یہ دن دنیا بھر کے مظلوموں بلخصوص مظلومین فلسطین سے اظہار یکجہتی کا دن ہے ، اس دن کو نہیں منانے والا امام خمینی رح کے فرمان کے مطابق استعمار کا ایجنٹ ہے۔ اس روز دنیا بھر کے مظلومین مجرمین جہان امریکہ و اسرائیل کی جنایت کاریوں کے خلاف اٹھ کھڑے ہوتے ہیں اور قدس کی بازیابی کے لیے جدوجہد کرتے ہیں۔ یوم القدس امریکہ و اسرائیل کے مظالم کی نابودی کا دن ہے ، اس دن دنیا بھر کے مظلوم وقت کے ظالم کے خلاف آواز بلند کرتے ہیں۔ انہوں نے کہا کہ یوم القدس دنیا میں ظالم و مظلوم کی پہچان کا دن بن چکا ہے ۔ آغا علی رضوی نے اپنے خطاب میں کہا کہ یوم القدس مسلمانان جہاں کو اتحاد و یگانگت کی دعوت دیتا ہے اور مسلمانان جہاں کو قدس کی بازیابی کے لیے ذہن سازی کر تا ۔ یوم القدس دنیابھر میں موجود نام نہاد انسانی حقوق کی تنظیموں سے سوال کررہا ہے بلخصوص اقوام متحدہ سے سوال کر رہا ہے کہ مظلوم فلسطینوں کو سات عشروں سے کیوں انسانی حقوق سے محروم رکھا جا رہا ہے۔ ہم اس روز کی مناسبت سے دنیا بھر میں موجود باضمیر انسانوں ، انسانی حقوق کی دم بھر نے والی تنظیموں بلخصوص اقوام متحدہ سے مطالبہ کرتے ہیں کہ فلسطین میں سات عشروں سے انسانی حقوق پر ڈھائے جانے والے مظالم کا سد باب کیا جائے۔ انہوں نے کہا کہ قدس کی آزادی مسلمانوں کے اتحاد میں پوشید ہ ہے امام خمینی کے فرمان کے مطابق اگر عالم اسلام ایک ایک بالٹی پانی اسرائیل پر بہا دے تو اسرائیل دنیا کے نقشے سے مٹ سکتا ہے۔ آج اسلامی ممالک میں امریکہ و اسرائیل نے مسلمانوں کے درمیان تفرقہ کے ذریعے اتحاد قائم ہو نے سے روکے رکھا ہے بلخصوص نام نہاد عرب اسلامی ممالک مسئلہ فلسطین میں امریکہ و اسرائیل کے ساتھ کھڑے ہیں جو کہ انتہائی شرمناک ہے۔ کبھی عرب اسلامی ممالک کویہ توفیق نہیں ہو ئی کہ و ہ فلسطین کے مسلمانوں کے حق میں اور اسرائیل کے خلاف ایک بیان دے ۔ قدس آج اگر یہودیوں کے قبضے میں ہے تو محض اسی وجہ سے ہے کہ مسلمانوں کے درمیان اتحاد کی فقدان ہے ۔ امریکہ نے اسلام کے اندر مزید افتراق ڈالنے ، مسلمانوں اور آپس میں الجھانے اور اسلام کا چہرہ مسج کر کے پیش کرنے کے لیے طالبان اور داعش جیسی تنظیموں کو وجود میں لایا اور اسکی معاونت میں مصروف ہے ۔ انہوں نے کہا کہ پاکستان میں ہونے والے دھماکوں اور فتنوں میں امریکہ و اسرائیل اور را کا براہ راست ہاتھ ہے۔ امریکہ و اسرائیل اپنے مفادات کے تحفظ کے لیے پاکستان اور اسوقت اسکردو بھی پہنچ چکا ہے جو کہ خطرہ کی گھنٹی ہے ۔ انہوں نے کہا کہ یو ایس ایڈ اور دیگر امریکی تنظیموں کے پیچھے امریکہ اور اسرائیل ہے ۔ امریکہ گلگت بلتستان میں اپنے مفادات کے حصول کے لیے انہی تنظیموں کے ذریعے سازشوں کے جال بننے میں مصروف ہے۔ سات سمند ر پار موجود اسلام و قرآن کا دشمن گلگت بلتستان سے کیسے مخلص ہو سکتا ہے۔ اگر امریکہ کو انسانیت کی فکر ہے اور انسانوں کی خدمت کی فکر ہے تو وہ اسرائیل کے سر سے ہاتھ اٹھائے اور فلسطین کے مسلمانوں کو انکے کیوں دیتے ۔ ستر سال قبل اسرائیل نے فلسطین میں جو کچھ کیا تھا آج امریکہ اپنی تنظیموں کے ذریعے گلگت بلتستان اسکا تکرار ہو رہا ہے جو کہ خطے کے لیے خطرہ کی گھنٹی ہے آج تمام مسلمانوں کو دنیا بھر کے ظالموں بلخصوص امریکہ و اسرائیل اور اسکے ایجنٹ طالبان اور داعش کے خلاف قیام کرنے اور دنیا بھر کے مظلومین کی حمایت میں آواز بلند کرنے کی ضرورت ہے ۔