وحدت نیوز (سرگودھا) مجلس وحدت مسلمین ضلع سرگودھا کا اہم اجلاس جامعہ زینبیہ سرگودھا میں منعقد ہوا، جس کی صدارت صوبائی سیکریٹری جنرل علامہ سید مبارک موسوی نے کی ، اجلاس میں آئندہ انتخابات میں تنظیمی حکمت عملی اور ضلعی سطح پر تنظیمی ڈھانچے کی مضبوطی کے حوالے سے تفصیلی بات چیت ہوئی ، اجلاس میں مرکزی سیکرٹری سیاسیات برادرسید اسد عباس نقوی، ڈپٹی سیکرٹری جنرل پنجاب مولانا ملازم حسین نقوی ،صوبائی سیکرٹری سیاسات برادر سید حسن کاظمی ،کوآرڈینٹرمرکزی سیاسی سیل  آصف رضا ایڈوکیٹ ، ضلعی سیکر ٹری جنرل مولانا ملک حسن امیر، برادر ظفر عباس چشتی اور مختلف علاقوں کے نمائندے بھی موجود تھے۔

وحدت نیوز( دینہ) مجلس وحدت مسلمین پنجاب کے صوبائی سیکریٹری جنرل علامہ سید مبارک موسوی کا وفدکے ہمراہ دینہ کا دورہ، تنظیمی وسیاسی صورت حال کا جائزہ لیا گیا، تفصیلات کے مطابق گذشتہ روز مجلس وحدت مسلمین پنجاب کے صوبائی سیکریٹری جنرل علامہ سید مبارک موسوی نے دینہ کا دورہ کیااس موقع پرصوبائی سیکریٹری امور سیاسیات سید حسن رضا کاظمی ، کوآرڈینیٹر مرکزی سیاسی سیل آصف رضا ایڈوکیٹ  اور صوبائی سیکریٹری امور تنظیم سازی مولانا نیازبخاری بھی ان کے ہمراہ موجود تھے، صوبائی رہنماوں نے ایم ڈبلیوایم ضلع جہلم کے اجلاس میں بھی شرکت کی ، اجلاس میں ایم ڈبلیوایم ضلع جہلم کے سیکریٹری جنرل سید وسیم حیدر، ضلعی کابینہ کے اراکین  سیکریٹری تعلیم مجاہد حسین  میر ، سیکریٹری عزاداری سیل سید حسنین مہدی، یاور عباس، حسن وقار اور دیگر کارکنان بھی موجود تھے، اجلاس میں علامہ مبارک موسوی نے مقامی عہدہداران سے تنظیمی وسیاسی صورت حال پر بات چیت کرتے ہوئے ایم ڈبلیوایم کو ضلع جہلم کی تمام تحصیلوں میں یونٹس کی تشکیل اور کارکنان کو فعال کارکردگی کا مظاہرہ کرنے کی ہدایت کی ایم ڈبلیوایم صوبہ پنجاب کے سیکریٹری سیاسیات حسن کاظمی نے شرکاء کو   آئندہ الیکشن 2018کے حوالے سے تنظیمی پالیسی پر تفصیلی بریفنگ بھی دی۔

وحدت نیوز(لیہ) مجلس وحدت مسلمین جنوبی پنجاب کے سیکرٹری جنرل علامہ اقتدار حسین نقوی نے ضلع لیہ کا دورہ کیا، اس موقع پر ڈپٹی سیکرٹری جنرل جنوبی پنجاب سلیم عباس صدیقی بھی ان کے ہمراہ تھے، علامہ اقتدار نقوی کے دورہ لیہ کے دوران ضلعی سیکرٹری محسن سواگ، ڈپٹی سیکرٹری جنرل سید راجو شاہ، سابق سیکرٹری جنرل جمیل خان گشکوری، صفدر حسین خان، مولانا اکبر حسین اور دیگر موجود تھے۔ علامہ اقتدار نقوی نے کہا کہ ضلع بھر میں تنظیم سازی کے عمل کو فی الفور مکمل کیا جائے، اُنہوں نے کہا کہ پاکستان سمیت جنوبی پنجاب میں سیاسی الائنس کے حوالے سے مرکزی سیاسی کونسل کے فیصلے پر عمل کیا جائے گا، ایم ڈبلیو ایم کے وفد نے ضلع لیہ کی ضلعی کابینہ اور مختلف یونٹس کا دورہ کیا۔ اس موقع پر ڈپٹی سیکرٹری جنرل سلیم عباس صدیقی کا کہنا تھا کہ انشاءاللہ آئندہ سال سے قبل تنظیم سازی کے اہداف حاصل کرلیں گے، علامہ اقتدار حسین نقوی جنوبی پنجاب کے تمام اضلاع کے دورہ جات کریں گے۔ اُنہوں نے کہا کہ تنظیم سازی کے حوالے سے ہم نے ایک پلان مرتب کیا ہے اور صوبائی سیکرٹری جنرل کے مختلف اضلاع میں دورہ جات اسی پلان کا حصہ ہے۔ انشاءاللہ آئندہ ہفتے تک تمام اضلاع کے دورہ جات کیے جائیں گے۔

وحدت نیوز( نصیرآباد) برسی شھداء گوٹھ چھلگری تحصیل بھاگ ضلع کچھی بولان مجلس وحدت مسلمین بلوچستان کے زیر اہتمام انتظامیہ کی سنگین رکاوٹوں کے باوجود شان و شوکت سے منائی گئی ، برسی کے اجتماع میں خانوادہ شہداء سمیت مومنین کی بڑی تعداد نے بھر پور انداز میں شرکت کی ،  شہباز اسکائوٹ کے چاک وچوبند دستے نے قبور شہداء پر سلامی پیش کی، اس موقع پر خطاب کرتے ہوئے مجلس وحدت مسلمین صوبہ بلوچستان کے سیکریٹری جنرل علامہ برکت علی مطہری نے کہا کہ شہدائے اسلام نے اپنے پاکیزہ لہو سے دین مبین کی آبیاری کی ، ہمارا فریضہ ہے کہ ہم اپنے شہداء کے مقدس لہو کے اہل وارث بنیں ان کی یاد کو ہمیشہ زندہ رکھیں اور ان کی راہ کو مٹنے نا دیں ۔

وحدت نیوز(کراچی) لاپتہ شیعہ علماء و جوانوں کی عدم بازیابی کے خلاف احتجاجی طور پر گرفتار مجلس وحدت مسلمین کےمرکزی ڈپٹی سیکریٹری جنرل علامہ سید احمد اقبال رضوی سے ایم ڈبلیوایم شعبہ خواتین اورآئی ایس او شعبہ طالبات کے وفد نے مرکزی سیکریٹری جنرل ایم ڈبلیو ایم محترمہ زہرا نقوی صاحبہ اور سابق مرکزی صدر آئی ایس او خواہر گل زہرا کی زیر قیادت مقامی پولیس اسٹیشن میں ملاقات کی ، اس موقع پر خواتین کارکنان اور عہدیداران کی بڑی تعداد موجود تھی، جنہوں نے علامہ احمد اقبال رضوی کی استقامت کو خراج تحسین پیش کیا، علامہ احمد اقبال رضوی نے خواتین کی آمد پر ان کا شکریہ ادا کیا اور تحریک حسینی ؑ میں زینبی ؑ کردار کے حوالے سے خصوصی خطاب بھی کیا۔

وحدت نیوز(سجاول) ڈپٹی کمشنر ضلع سجاول شہزاد فضل عباسی سے مجلس وحدت مسلمین ضلع سجاول کےسیکٹریری جنرل مظفرعلی لغاری کی وفدکےساتھ ملاقات اس موقع پر صوبائی رھنماء برادر مختیاراحمددایو بھی موجود تھے۔ملاقات میں جاتی سٹی درگاه تاج محمد شاہ اور اس میں لگے ھوئے علم پاک کوتکفیریوں اور قبضہ مافیاگروپ نے تالے لگا کر زیارت کیلئے مکمل بند کرنےپر ڈپٹی کمشنر کومسئلے سے آگاہ کیا۔ڈپٹی کمشنر نے ایک ہفتے کے اندر مسئلے کو حل کروانے کی یقین دھانی کروائی۔