وحدت نیوز (لاہور) مجلس وحدت مسلمین کو دہشت گرد جماعت قرار دینے کی مذموم سازش، وفاقی وزیر داخلہ احسن اقبال کیخلاف لاہور ہائیکورٹ میں توہین عدالت کی درخواست دائر کر دی گئی۔ ایم ڈبلیو ایم پاکستان کے مرکزی ڈپٹی سیکرٹری جنرل سید ناصر عباس شیرازی نے فدا حسین ایڈووکیٹ کی وساطت سے درخواست دائر کی۔ درخواست میں موقف اختیار کیا گیا کہ لاہور ہائیکورٹ نے 2 جولائی 2015ء کو مجلس وحدت مسلمین کو سیاسی جماعت قرار دیا تھا۔ درخواست میں مزید کہا گیا ہے کہ عدالت نے مجلس وحدت مسلمین کی ملک میں سیاسی سرگرمیوں کو بھی قانونی قرار دیا جبکہ عدالتی حکم کے باوجود محکمہ داخلہ نے مجلس وحدت مسلمین کو کالعدم جماعت قرار دیا ہے۔ درخواست میں فاضل عدالت سے استدعا کی گئی ہے کہ وزیر داخلہ احسن اقبال کیخلاف توہین عدالت کی کارروائی عمل میں لائی جائے۔

وحدت نیوز (خیرپور) مجلس وحدت مسلمین صوبہ سندہ کے سیکریٹری جنرل علامہ مقصودعلی ڈومکی نے ضلع خیرپور کے تین روزہ دورہ کے دوران کوٹ ڈجی، کنب، گوٹھ بنگل خان چانڈیو، شاہ جی مشین، سیٹھارجہ اور خیرپور میں مختلف پروگرامز میں شرکت کی اور عوامی اجتماعات سے خطاب کیا، اور شجر کاری مہم میں حصہ لیا،اس موقع پرکوٹ ڈجی اور مدرسہ جامعہ ولایت خیرپورمیں میڈیا سے خطاب کرتے ہوئے علامہ مقصودعلی ڈومکی نے کہا کہ دھشت گردی اور کرپشن پاکستان کے دو اہم ترین مسائل ہیں، حکمرانوں نے جہاں کرپشن کو فروغ دیا ہے وہاں دھشت گردوں کے سہولت کار کا کردار ادا کیا ہے۔ پارلیمنٹ کو نظر انداز کرکےیمن پر جارحیت کے لئے فوج بھیجنے کا فیصلہ نواز لیگ کے غلامانہ ذہنیت کی عکاس ہے۔ ملکی مفادات کی بجائے ذاتی مفادات کا حصول اور اغیار کی غلامی نے پہلے ہی وطن عزیز کو سنگین بحرانی صورتحال سے دوچار کیا ہے۔

 انہوں نے کہا کہ وطن عزیز پاکستان کا استقلال ، اغیار خصوصا عالمی سامراجی قوتوں کی غلامی سے آزادی اورغلامی کی بجائے قوم اور پاک وطن کی خود مختاری ہماری جدوجہد کے بنیادی اصول ہیں۔ افغان جنگ اور ضیائی آمریت کے ملک دشمن فیصلوں کا خمیازہ آج بھی قوم بھگت رہی ہے، عمران خان کو خیبر پختونخوا میں مظلوم عوام کا دھشت گردوں کے ہاتھوں قتل عام کیوں نظر نہیں آرہا، دھشت گردوں کے مراکز کو سپورٹ کرکے عمران خان نیا پاکستان نہیں بنا سکتے،خیرپور میں پریس کانفرنس کے موقعہ پر ضلعی سیکریٹری جنرل علامہ احمد علی طاہری، ڈپٹی سیکریٹری مولانا سعید احمد، ضلعی سیکریٹری فقیر خیر محمدو دیگر موجود تھے۔

وحدت نیوز(کراچی) مجلس وحدت مسلمین کراچی ڈویژن کے وفد کی جماعت اسلامی کراچی کے امیر اور نائب امیر سے ادارہ نور الحق میں ملاقات،مجلس وحدت مسلمین پاکستان کراچی ڈویژن کے وفد جس میں  سیکریٹری جنرل مولانا صادق جعفری،  سیکریٹری سیاسیات برادر میر تقی ظفر، برادر رضوان پنجوانی اور ضلع جنوبی کے رہنما برادر عباس زیدی کی جماعت اسلامی کراچی کے امیر حافظ نعیم  الرحمان اور نائب امیر برجیس طاہر سے ادارہ نور حق میں ملاقات کی ،ملاقات میں کراچی کے عوامی مسائل اور الیکشن 2018  کے حوالے سے تفصیلی گفتگو کی گئی، دونوں جماعتوں کے رہنماوں نے اس بات پر اتفاق کیا کہ شہر قائد کو گذشتہ تیس برسوں سے سیاسی اشرافیہ اور بدماش مافیانے گدھ کی طرح نوچ نوچ کر کھایا ہے، عوامی مشکلات حل ہونے کا نام نہیں لے رہیں،انتخابات قریب آتے ہی یہ موروثی سیاسی جماعتیں وہی پرانے نعرے لیکر میدان میں اتررہی ہیں، عوام باشعور ہوچکے ہیں آئندہ انتخابات میں سیاسی شعبدہ بازوں کو مسترد کردیں گے۔

وحدت نیوز(کراچی) پاکستان عوامی تحریک کے نمائندہ وفد نے نائب صدر پاکستان عوامی تحریک اور تحریک منہاج القرآن کراچی ڈویژن جناب خان محمد بلوچ کی زیر قیادت وحدت ہاؤس جعفرطیار سوسائٹی کا دورہ کیا، اس موقع پر طیب قادری، طاہر قادری، جمیل قادری و سلیم قادری و ضلع ملیر کے دیگر رہنمابھی ان کے ہمراہ موجود تھے،جبکہ ایم ڈبلیوایم ضلع ملیر کے سیکریٹری جنرل ثمرعباس زیدی نے ڈویژنل رہنما عارف رضا زیدی، ضلعی ڈپٹی سیکریٹری جنرل مولانا غلام محمد فاضلی،ضلعی رہنما مولانا گلزار حسین شاہدی و دیگر رہنماؤں کے ہمراہ معزز مہمانوں کا ضلعی سیکریٹریٹ آمد پر استقبال کیا اور انہیں خوش آمدید کہا، اس موقع پر دونوں جماعتوں کے رہنماؤں کے درمیان دو طرفہ دلچسپی کے امور سمیت علاقائی صورتحال اور آمدہ قومی انتخابات کے حوالے سے بھی تفصیلی بات چیت ہوئی۔

اس موقع پر پاکستان عوامی تحریک کے رہنماؤں خصوصاً خان محمد بلوچ نے یونین کونسل جعفرطیار میں سندھ حکومت کی جانب سے جاری ترقیاتی منصوبوں کے نتیجے میں اہلسنت مکتب فکر اور اہل تشیع مکتب کے درمیان غلط فہمیوں اور فرقہ وارانہ اختلافات ایجاد کرنے کی مذموم کوششوں کے خلاف مجلس وحدت مسلمین کے مصالحتی کردار اور کوششوں کی نا فقط تعریف کی بلکہ پاکستان عوامی تحریک کی جانب سے اپنے مکمل تعاون کا یقین بھی دلایا, انہوں نے کہا کہ علاقے پیدا شدہ صورتحال فقط غلط فہمیوں کی بناء پر ہے جس کے ازالے کیلئے ایم ڈبلیوایم نے بروقت اقدامات اٹھائے ہیں اور اپنے نام کی طرح وحدت بین المسلمین کی بقاء کی خاطر بہترین کردار ادا کیا ہے ۔

وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے پنجاب میں احد چیمہ کی گرفتاری کے بعد پنجاب بیورو کریسی کی طرف سے ہڑتال کو بلیک میلنگ قرار دیتے ہوئے کہا ہے کہ ہڑتال پر جانے والے افسران ریاست کی وفاداری کی بجائے مسلم لیگ نون کی تابعداری کر رہے ہیں۔ اس طرح کے اقدامات قانون و آئین کی تضحیک اور ریاست سے وفاداری کے منافی ہیں، جو لوگ خود کو آئین و قانون سے ماورا سمجھتے ہیں، انہیں کسی بھی اعلٰی عہدے پر رہنے کا کوئی حق حاصل نہیں۔ انہوں نے کہا کہ ڈان لیکس کے بعد یہ حقیقت کھل کر سامنے آگئی تھی کہ ریاستی اداروں کے خلاف سازشیں کی گئیں۔ اب عدلیہ کے خلاف نفرت کے برملا اظہار کا مقصد عوام کو اعلٰی عدلیہ سے بدظن کرنا ہے۔ اداروں کے خلاف شکوک و شبہات پیدا کرکے کرپشن پر پردہ نہیں ڈالا جا سکتا۔ انہوں نے کہا کہ شریف خاندان کی حقیقت اب کھل کر سامنے آگئی ہے۔

علامہ ناصر عباس کا کہنا تھا کہ پوری قوم حکمرانوں کی کرپشن کے خلاف ہم آواز ہے اور اس ملک کے لوٹے ہوئے سرمائے کی واپسی چاہتی ہے۔ انہوں نے کہا عدلیہ، نیب اور دیگر ریاستی اداروں پر الزام تراشی سے نون لیگ اپنے لئے مشکلات پیدا کر رہی ہے۔ نون لیگ اپنی مرضی کے جج اور فیصلے چاہتی ہے، جو اب ممکن نہیں رہا، ہر کرپٹ شخص اور اپنے اختیارات سے تجاوز کرنے والے کو جوابدہ ہونا پڑے گا۔ انہوں نے کہا کہ پوری قوم شفاف احتساب کی منتظر ہے، عوام کا لوٹا ہوا پیسہ واپس لاکر اسے عوام کی صحت و معیاری تعلیم اور دیگر ترقیاتی منصوبوں کے لئے استعمال ہونا چاہیے۔ پاکستان کے حالات کسی بھی محاذ آرائی کی سیاست کے متحمل نہیں ہے۔

وحدت نیوز(کراچی) مجلسِ وحدت مسلمین شعبہ خواتین  ضلع ملیر کے زیر نگرانی فلاحی پروجیکٹ بیتِ زہرہ س  کی جانب سے مجلسِ ایصالِ ثواب کا انعقاد کیا گیا۔جس سے محترمہ ام البنین ڈپٹی سیکرٹری جنرل مجلسِ وحدت مسلمین شعبہ خواتین پاکستان نے خطاب کیااور شہزادیِ کونین حضرت بی بی فاطمہ سلام اللہ علیہ کے کردارو افکار پر روشنی ڈالی۔انہوں نے کہاکہ سیدۃ النساء العالمین س بہترین بیٹی،بہترین شریکِ حیات اور بہترین ماں ہو نے کیساتھ ساتھ میدان عمل میں دیکھیں تو اول ترین مدافع ولایت ہیں۔یہ زمانہ فاطمی س ہے اور ہر زمانہ کے مدافعانِ دین و ولایت کے لئے شہزادیِ کونین کا اسوہ ہی بہترین راستہ ہے،بعد ختم مجلس ملک وملتِ جعفریہ کی سلامتی،بے گناہ اسیروں کی جلد از جلد رہائی اور شہداء ملت کے بلندی درجات کی اجتماعی دعا کرائی گئی۔