وحدت نیوز (شکارپور) مجلس وحدت مسلمین ضلع شکارپور کے سیکریٹری جنرل فدا عباس لاڑک کی زیرصدارت آئندہ انتخابات کے سلسلے میں کاظمین امام بارگاہ شکارپور میں اہم اجلاس منعقد ہوا جس میں تحصیل،شکارپور،خانپور،گڑھی یاسین،لکہی غلام شاہ کے تمام زمیداران نے شرکت کی ،جبکہ مجلس وحدت مسلمین کے ضلع

سیکریٹری جنرل فدا عباس لاڑک نے اجلاس سے خطاب کرتے ہوئے کہاکہ آئندہ 2018 کے انتخابات میں ملت جعفریہ شکارپور کی نمائندگی کرتے ہوئے پوری قوت اور طاقت کے ساتھ سیاسی میدان میں حاضر ہونگے اور تمام حلقوں پر اپنے امیدواروں کو کھڑا کرینگے ۔انہوں نے مزید گفتگو کرتے ہوئے کہاکہ مجلس وحدت

مسلمین کے کارکنان الیکشن میں بھرپور حصہ لینے کے لیے تیار ہے اور ضلعی سیاسی صورتحال کاجائزہ لینے کے لیے 19رکنی سیاسی کونسل تشکیل دے دی گئی ہے، جس کا پہلا اہم اجلاس 1اپریل 2018کو منعقد ہوگا اور دیگر تحصیلوں  میں بھی سیاسی کونسل کا قیام عمل میں لایا جائے گا ۔

وحدت نیوز(لاہور) مجلس وحدت مسلمین صوبہ پنجاب کے ڈپٹی سیکرٹری جنرل پروفیسر ڈاکٹر افتخار نقوی کا کہنا تھا کہ شہباز شریف نے گزشتہ 10 سال میں 6 ہزار ارب روپے سے زائد رقم خرچ کی لیکن ایک اسپتال ایسا نہیں بناسکے جس میں ان کا اپنا علاج ہو، نواز شریف کی اہلیہ بیمار ہونے کے بعد لندن چلی گئیں، اب شہباز

شریف بھی علاج کرانے باہر چلے گئےہیں۔ ڈاکٹر افتخار نقوی کا کہنا تھا کہ یہ ایک اسپتال نہیں بناسکے لیکن ملتان میٹرو اور اورنج ٹرین بنادی تاکہ کمیشن کھا کر شریف خاندان کی تجوریاں بھری جا سکیں، یہ پیسہ چوری کرکے باہر لے کر گئے ہیںاور اب نواز شریف عوام سے پوچھتے ہیں مجھے کیوں نکالا۔ ان کا کہنا تھا کہ ملک کا

پیسہ لوٹنے والے کو چوری کرتے رنگے ہاتھوں پکڑے جانے پر عدالتوں نے نکالا اب شہباز شریف کی باری ہے۔ان کا کہنا تھا کہ 2018 میں شریفوں سے پنجاب کو آزاد کرانا ہو گا اور جو پیسہ باہر جاتا ہے وہ عوام کی فلاح و بہبود پر لگاناچاہیے۔ ڈاکٹر افتخار نقوی کا مزید کہنا تھا کہ ڈالر کی مقابلے روپیہ کی قدر گرگئی ہے، یہ

سب اسحاق ڈار اور نواز شریف کی کرپشن اور اقربا پروری کی وجہ سے ہے جس کا حساب بہت جلد ہونے والا ہے۔

وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے یوم پاکستان کے موقعہ پر میڈیا سیل سے جاری اپنے ایک بیان میں کہا ہے کہ ارض پاک کو قائد اعظم و اقبال کے خوابوں کی حقیقی تعبیر بنانے کے لیے ہر شخص کواپنا انفرادی کردار ادا کرنے کی ضرورت ہے۔قائد اعظم کی جدوجہد محض کسی زمینی ٹکرے کے حصول کے لیے نہ تھی بلکہ ان کے پیش نظر ایک ایسے ملک کا حصول تھا جہاں نظریہ اسلام کے مطابق ہر کسی کو آزادنہ زندگی بسر کرنے کا حق حاصل ہو۔

انہوں نے کہا کہ قائد اعظم کے پاکستان میں کسی تفرقہ بازی،انتہا پسندی اور عصبیت کی قطعاََ گنجائش موجود نہیں۔بدقسمتی سے ایسے حکمران اس ملک کے حصے میں آتے رہے جنہوں نے اقتدار کو ملکی ترقی و استحکام کی بجائے ذاتی منفعت کا ذریعہ بنائے رکھا۔قرار داد مقاصد اس امر کا تقاضہ کرتی ہے کہ اس ملک کے باسیوں کو قرآن و سنت کے اصولوں کے مطابق زندگی بسر کرنے کے مواقع میسر ہوں اور اقلیتوں کو مکمل مذہبی آزادی ملے۔ملک میں بسنے والے ہر طبقے کے جائز حقوق کا تحفظ ریاست کے ذمے ہیں ۔لیکن اس کے برعکس اس ملک میں ایسے تکفیری گروہوں کو پروان چڑھایا گیا جنہوں نے اپنے مذموم عزائم کی تکمیل کے لیے اس ملک کی جڑیں ہلا کر رکھ دیں۔

انہوں نے کہا کہ وطن عزیز کی سالمیت و استحکام باہمی احترام اور اخوت و اتحاد میں مضمر ہے جس کے فروغ کے لیے سب کو مل کر کوششیں کرنا ہوں گی۔حکمرانوں کی طرف دیکھنے کی بجائے ہر شخص انفرادی طور پر تجدید عہد کرے کہ وہ اس ملک کو امن کا گہوارہ بنانے کے لیے بھرپور کردار ادا کرے گا۔انہوں نے کہا یہ وطن ہمارے لیے اللہ تعالی کی سب سے بڑی نعمت ہے ۔نعمتوں کی ناقدری کفر کا زینہ ہے۔ان نے حکمرانوں سے مطالبہ کیا کہ وطن عزیز کوبیرونی مداخلت سے پاک کیا جائے یہی اصل آزادی اور تمام مسائل کا حل ہے۔

وحدت نیوز(اسلام آباد) مجلس وحدت مسلمین پاکستان کے مرکزی ترجمان علامہ مختار امامی نے نیو رضویہ کراچی کے قریب ایک نجی بینک کے شیعہ آفسر امیر علی کی ٹارگٹ کلنگ اور دو سالہ معصوم بیٹے کے شدید زخمی ہونے پر سخت ردعمل کا اظہار کرتے ہوئے کہا ہے کہ ایسے موقع پر جب کراچی میں یوم پاکستان کی تقریبات کے باعث ہائی الرٹ ہے دہشت گردوں کا یوں دندناتے پھرنا حکومتی اداروں کی کارکردگی پر سوالیہ نشان ہے۔ شیعہ نسل کشی تکفیری گروہوں کا اولین ہدف ہے۔ پُرامن قوم کے محب وطن اور مختلف شعبوں کے ماہرین کو چن چن کر شہید کیا جارہاہے ۔ملت تشیع گزشتہ تین دہائیوں سے اپنے ڈاکٹرز،انجینئرز،پروفیسرز اور دیگرشعبوں کے پروفیشنلز کی لاشیں اٹھا رہی ہے۔دہشت گردوں کے خلاف جاری جنگ کی راہ میں حکومت کے سیاسی مفادات سب سے بڑی رکاوٹ ہیں۔

انہوں نے کہا کہ ایک بار پھر ملک بھر میں دہشت گردی کی نئی لہر زور پکڑ رہی ہے جس کا بنیادی سبب حکومت کا کالعدم مذہبی جماعتوں سے مفاہمتی طرز عمل ہے۔دہشت گردوں کی بیخ کنی اس وقت تک ممکن نہیں جب تک ان سہولت کاروں کے گرد گھیرا تنگ نہیں کیا جاتا جو ان عناصر کو فکری و مالی معاونت فراہم کرتے ہیں۔ملک میں کالعدم مذہبی جماعتوں کو نام بدل کر کام کرنے کی اجازت قطعاََ حاصل نہیں ہونی چاہیے۔ایسے عناصر کو سیاسی دھارے میں شامل کرنے کے نتائج ملکی تباہی کے سوا اور کچھ نہیں ہیں۔انہوں نے امیر علی کی ٹارگٹ کلنگ کے واقعہ کی مذمت کرتے ہوئے واقعہ کے ذمہ داران کی فوری گرفتار ی کا مطالبہ کیا ہے۔

وحدت نیوز(کراچی) شہر قائد کے علاقے نیو رضویہ سوسائٹی کے نزدیک دہشتگردوں کی فائرنگ سےبینکر امیر علی کے قتل جبکہ ا شیر خوار بچےعلی اصغر اور جوان علی رضا کےشدید زخمی ہونے کی سخت الفاظ میں مذمت کرتے ہیں، کراچی شہر میں دہشت اور امن کے درمیان ایک مختصروقفے کے بعد ایک مرتبہ پھر دہشت گردی کا جن بے قابو نظرآتاہے ،کراچی میں شیعہ ٹارگٹ کلنگ کے واقعات کا دوبارہ آغاز تشویش ناک ہے، صوبائی حکومت او رقانون نافذ کرنے والے ادارے دہشت گردوں کےگردگھیراتنگ کریں ، ان خیالات کا اظہار مجلس وحدت مسلمین کراچی ڈویژن کے سیکریٹری جنرل علامہ محمد صادق جعفری نے وحدت ہائوس سے جاری اپنے مذمتی بیان میں کیا۔

انہوں نے کہاکہ تکفیری دہشت گردی نے وطن عزیز کو گذشتہ تیس برس سے آگ وخون میں جھونکا ہوا ہے، ملت جعفریہ کے ماہر ڈاکٹرز، انجینئرز،پروفیسرز، علماء، تاجر اور قانون دان بے دردی سے قتل کیئے گئے لیکن افسوس کسی ایک مجرم کو بھی کیفرکردارتک نہیں پہنچایا گیا،انہوں نے مزید کہاکہ ریاستی اداروں کو ستر ہزار سے زائد قیمتی جانوں کی قربانیاں دینے کے بعد وطن عزیز کے دوستوں اور دشمنوں میں فرق محسوس کرلینا چاہئے، افسوس کے ساتھ کہناپڑتاہے کہ جنہوں نے مساجد، بازاروں ، درباروں، فوجی چھائونیوں اور آرمی پبلک اسکول میں معصوم بچوں کو گاجرمولی کی طرح کاٹا انہیں آج مین اسٹریم سیاست کا حصہ بنایاجارہاہےاور انہیں اعلیٰ سرکاری اداروں میں دعوتیں دی جارہی ہیں، یہ اقدامات شہدائے پاکستان کے خون سے غداری کے مترادف ہیں ۔

انہوں نےشہید امیر علی کے اہل خانہ سے اس اندہوناک واقعے پر تعزیت کا اظہار کیا ہےاور دونوں زخمیوں کی جلد مکمل صحت یابی کی خصوصی دعاکی ہے،انہوںنے آرمی چیف، چیف جسٹس، وزیر اعلیٰ سندھ، آئی جی سندھ، ڈی جی رینجرز ،کورکمانڈر سندھ اور دیگر اعلیٰ حکام سے مطالبہ کیا ہے کہ کراچی کا من وسکون تباہ کرنے کی کوشش کرنے والوں کو فوری طور پر نشان عبرت بنایا جائے۔

واضح رہے کہ کراچی کے علاقے نیو رضویہ سوسائٹی کے قریب میمن اسپتال کے نزدیک دہشتگردوں نے ٹویوٹاکرولا گاڑی نمبر AMT-782 پر فائرنگ کرکے نیو رضویہ کے ہی رہائشی 55 سالہ شیعہ مسلمان امیر علی ولد عزیز کو شہید کر دیا، جبکہ فائرنگ کے واقعہ میں دو سالہ معصوم بچہ علی اصغر ولد علی عمران اور 30 سالہ نوجوان علی رضا ولد محمد علی زخمی ہوگئے۔ شہید اور زخمیوں کو میمن اسپتال منتقل کر دیا گیا ہے۔ ایس ایس پی عدیل چانڈیو کے مطابق کار پر فائرنگ موٹر سائیکل سوار دو نقاب پوش دہشتگردوں نے کی ہے۔

وحدت نیوز (کوئٹہ) مجلسِ وحدت مسلمین شعبہ خواتین کوئٹہ ڈویژن کی جانب سے جشنِ سیدۃ انساء العالمین شہزادیِ کونین حضرت بی بی فاطمہ زہرا سلام اللہ علیہ کا اہتمام کیا گیا،جسمیں خواتین اور بچیوں نے بھرپور انداز میں شرکت کی اور بارگاہ عالیہ میں نذرانہ عقیدت پیش کیا،پروگرام میں خواتین نے منقبت خوانی کی،بچیوں نے نظم پیش کیں اور بلخصوص ایک منفرد ٹیبلو پیش کیا۔پروگرام کے اختتام پہ تحائف تقسیم کئے گئے اور کیک کاٹا گیا۔