وحدت نیوز( سکھر) مجلس وحدت مسلمین پاکستان کے مرکزی سیکرٹری جنرل علامہ راجہ ناصرعباس جعفری نے ایک پر ہجوم پریس کانفرنس سے خطاب کرتے ہوئے کہا کہ ملک دشمن اور اسلام دشمن طالبان دہشت گرد پاکستان کے معصوم عوام کو قتل کر رہے ہیں اور حکمران طالبان دہشت گردوں اور عوام کے قاتلوں کو تحفظ دینے میں مصروف عمل ہیں، علامہ راجہ ناصر عباس جعفری کے ہمراہ مجلس وحدت مسلمین پاکستان سندھ کے سیکرٹری جنرل علامہ مختار امامی، سیکرٹری سیاسیات عبد اللہ مطہری ، ڈپٹی سیکرٹری جنرل عالم کربلائی اور سکھر ڈویژن کے سیکرٹری جنرل چوہدری اظہر حسن بھی موجود تھے۔
سکھر پریس کلب میں صحافیوں سے گفتگو کرتے ہوئے مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری کاکہنا تھا کہ اولیاء اللہ کی سر زمین سندھ کے علاقے خیر پور میں سولہ مارچ کو ہونے والی ’’لبیک یا رسول اللہ (ص)‘‘ کانفرنس ملک کی تاریخ میں شیعہ و سنی مسلمانوں کی وحدت کا عظیم الشان مظہر ثابت ہو گی ، ان کاکہنا تھا کہ ’’لبیک یا رسول اللہ (ص)‘‘ کانفرنس میں ملک کی مایہ ناز شخصیات ، دانشور، جید علمائے کرام، شہداء کے خانوادوں سمیت اہم ترین شخصیات شرکت کریں گی۔انہوں نے سکھر انتظامیہ کو تنقید کا نشانہ بناتے ہوئے کہا کہ سکھر انٹظامیہ بدمعاش اور تکفیری دہشت گرد ٹولوں کی ایماء پر مجلس وحدت مسلمین پاکستان کی ’’لبیک یا رسول اللہ (ص)‘‘ کانفرنس کو سبو تاژ کرنے کی کوشش کر رہی ہیں تاہم شیعہ و سنی عوام کا عظیم الشان اجتماع اپنے مقررہ وقت اور تاریخ پر ممتاز گراؤنڈ خیر پور میں منعقد کیا جائے گا اور اگر حکومت نے کسی قسم کی رکاوٹ کھڑی کرنے کی کوشش کی تو سنگین نتائج کی ذمہ داری حکومت پر عائد ہو گی۔
مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے تھر میں بھوک اور پیاس کی شدت سے جانبحق ہونے والے معصوم انسانوں کی جانوں کے زیاں کو حکمرانوں کی نا اہلی اور سستی اور کاہلی قرار دیا اور عوام سے مطالبہ کیا کہ عوام تھر کے عوام کی مد دکے لئے دل کھول کر عطیات جمع کروائیں اور بھوک او ر پیاس کی شدت سے موت اور زندگی کی کشمکش میں پھنسے معصوم انسانوں کی مدد کی جائے۔
علامہ راجہ ناصر عبا س جعفری نے پاکستان کی خارجہ پالیسی کے بارے میں گفتگو کرتے ہوئے کہا کہ پاکستان کو سعودی عرب اور دیگر عرب ممالک کی ایماء پر امریکی اورصسیہونی اسکیم کا حصہ نہیں بننا چاہئیے بلکہ پاکستان کو چاہئیے کہ شام اور مشرق وسطیٰ سے متعلق اپنی سابقہ پالیسی پر کاربند رہے اور امریکی اور اسرائیلی اتحادی سعودی عرب اور دیگر عرب ممالک کی ایماء پر پاکستان کی خارجہ پالیسی کو تبدیک کرنے سے گریز کرے، انہوں نے متنبہ کیا کہ پاکستان دہشت گردوں کی آمجگاہ بنا ہوا ہے اور ایسے حالات میں دہشت گردوں کی سرپرست حکومتوں کی ایماء پر بنائی جانے والی پالیسی کے باعث دہشت گردوں اور ملک دشمن قوتوں کے حوصلے بلند ہوں گے جو پاکستان کی بقاء اور سلامتی کے لئے سنگین خطرہ ہے۔
علامہ راجہ ناصر عباس جعفری نے کہا کہ مورخہ نو مارچ کو ڈیرہ الہ یار اور سولہ مارچ کو خیر پور میں لبیک یا رسول اللہ کانفرنس کا انعقاد ملک کی سلامتی اور بقاء اور شیعہ و سنی مسلمانوں کے اتحاد کا عظیم الشان مظہر ہو گا۔
وحدت نیوز(لاہور) مجلس وحدت مسلمین پاکستان کے ذیلی شعبے وحدت اسکائوٹس پاکستان کے نمائندہ وفد نے علی رضا آباد میں شہید ڈاکٹر محمد علی نقوی نے مرقد پر حاضری دی پھول چڑھائے ، سلامی دی اور فاتحہ خوانی کی ،شہید ڈاکٹر محمد علی نقوی کی یوم شہادت کے موقع پر مجلس وحدت مسلمین پاکستان مرکز کی جانب سے آغا اللہ بخش جعفری صاحب اور وحدت چیف اسکاوٹ پنجاب برادر تنصیر حیدر نے اسکائوٹ وفد کی قیادت کی ، شرکاء نے شہید کی قومی و ملی خدمات کو شاندار الفاظ میں خراج تحسین پیش کیا اور ان کی مشن کی تکمیل کے عزم کا اعادہ کیا ۔
وحدت نیوز(بلتستان) مجلس وحدت مسلمین پاکستان بلتستان ڈویژن کے زیراہتمام گندم سبسڈی کے خاتمے کے خلاف ڈویژنل سیکرٹریٹ میں آل پارٹیز اجلاس کا انعقاد ہوا، جس میں تمام سیاسی و مذہبی پارٹیوں نے شرکت کی۔ ان میں آل پاکستان مسلم لیگ، پاکستان تحریک انصاف، مسلم لیگ قاف، متحدہ قومی موومنٹ، جماعت اسلامی، انجمن تحفظ حقوق بلتستان، گلگت بلتستان یونائیٹڈ موومنٹ، صوفیہ امامیہ نور بخشیہ اور روندو یوتھ فورم نے شرکت کی۔ شرکائے اجلاس نے متفقہ طور پر فیصلہ کیا کہ گندم سبسڈی کے حوالے سے گلگت کی طرح پورے بلتستان میں پیر کے روز مورخہ دس مارچ کو شٹرڈاون ہڑتال ہوگی۔ شرکاء اجلاس نے صوبائی و وفاقی حکومت سے پرزور مطالبہ کیا کہ وہ گلگت بلتستان کو یا تو آئینی حقوق دے دیں یا تمام خوردنی اشیاء پر سبسڈی دیں۔ بصورت دیگر گلگت بلتستان کے عوام اور تمام سیاسی و مذہبی پارٹیاں سخت اقدامات اٹھانے پر مجبور ہو جائیں گی۔
وحدت نیوز(اسلام آباد) علامہ راجہ ناصرعباس جعفری کی خصوصی ہدایت پر مجلس وحدت مسلمین پاکستان اور وحدت لائرز فورم پاکستان کے مشترکہ وفد نے گزشتہ روز اسلام آباد بار ایسوسی ایشن کا دورہ کیا اور اسلام آباد کچہری میں دہشت گردوں کی جانب سے شہید کئے جانے والے وکلاء اور ADJملک رفاقت اعوان کے اقرباء ، ساتھیوں اور لواحقین سے انکے چیمبرز میں جا کر تعزیت کی ۔وفد کی نمائندگی علامہ چوہدری ضیغم عباس ، علامہ علی اکبر کاظمی ، علامہ نعیم رضا جعفری، علامہ سید ساجد شیرازی ، سید سعید الحسن رضوی ، علامہ علی شیرانصاری ، جناب سیدین مرکزی سیکرٹری قانون MWM، سینئر قانون دان سید وسعت الحسن شاہ ایڈووکیٹ سپریم کورٹ آف پاکستان، سید اجمل حسین زیدی اور وحدت لائرز فورم کے اصغر علی مبارک ، مس طاہرہ بانو مبارک ، راجہ شیراز احمد جنجوعہ ایڈووکیٹ نے کی ، اس مو قع پر اسلام آباد بار ایسوسی ایشن کے نائب صدر شوکت خان نے مجلس وحدت مسلمین کے وفد کو خوش آمدید کہا اور F-8کچہری کے تمام متاثرہ مقامات کا دورہ کروایا۔ شہید جج رفاقت اعوان صاحب کی عدالت کے دورہ پر وفد نے خصوصی تعزیتی دعا بھی کی ۔ MWMکے وفد کو بتایا گیاکہ F-8کچہری میں دہشت گردی کے نتیجے میں 11شہادتیں جبکہ 30زخمی ہو ئے ہیں۔ وفد نے مختلف چیمبرز اور گیلانی ھال کے دورے کے دوران ہینڈ گرینیڈ اور فائرنگ سے ہونے والے نقصانات کا معائنہ کیا اور افسوس کا اظہار کیا کہ مٹھی بھر پاکستان اور اسلام دشمن عناصر پاکستان میں قانون کی بالا دستی کے حامی شخصیات کو نشانہ بنا رہی ہیں۔
MWMکے وفد نے شہید خاتون وکیل فضہ ملک کے علاوہ سینٹ کے چیئر مین اور معروف وکیل سید نیر حسین بخاری ، معروف قانون دان وسعت الحسن شاہ ایڈووکیٹ ، راؤ رشید اقبال، رفاقت اعوان، شہادت حسین شاہ اور دیگر شہید اور مجروح وکلاء کے دفاتر کا مشاہدہ کیا اس موقع پر اسلام آباد با ر ایسوسی ایشن نے میاں اشتیاق ھال میں خصوصی تعزیتی جلسہ کا انعقاد کیا گیا جس سے خطاب کرتے ہو ئے MWMکے رہنماؤں نے حکومت وقت سے مطالبہ کیا کہ وکلاء کو ٹھوس سکیورٹی مہیا کی جائے اور گورنمنٹ کی رٹ چیلنج کرنے والوں کے خلاف آہنی ہاتھوں سے نپٹا جائے۔
MWMکے سر براہ علامہ ناصر عباس جعفری کی نمائندگی کرتے ہو ئے علامہ ضیغم عباس نے کہا کہ مجلس وحدت مسلمین دکھ کی اس گھڑی میں وکلاء کے ساتھ شانہ بشانہ کھڑی ہے اور وکلاء کے ساتھ آئندہ بھی ہر فورم پر اپنا کردر ادا کرتی رہے گی MWMکے رہنما علامہ امین شہیدی کے نمائندے علامہ سید علی اکبر کاظمی نے کہا دہشت گرد اس بزدلانہ کاروائی سے حق و انصاف کے راستے میں رکاوٹ کھڑی نہیں کر سکتے۔ شہدا نے اپنی جانیں دے کر اس مشن کوجاری رکھنے کا حوصلہ دیا ہے MWMشعبہ قانون کے سیدین زیدی نے کہا کہ حکومت وکلاء برادری کو مکمل تحفظ فراہم کرے۔ MWMاس واقع کی پرزور مذمت کرتی ہے اور دہشت گرد عناصر سے سختی سے نمٹا جائے۔
تعزیتی جلسہ سے اسلام آباد بار کے وسعت الحسن شاہ نے کہا کہ اسلام آباد کے وکلاء کے عزم و استقامت میں کو ئی کمی نہیں آئی۔ اس موقع پر آغانعیم رضا جعفری نے کہا کہ شہدا کے خون سے پاکستان میں امن کو دوام ملے گا انہوں نے کہا کہ حکومت پاکستان میں وکلاء برادری کو تحفظ فراہم کرنے کی پالیسی یقینی بائے ۔
تعزیتی جلسے سے علامہ سید ساجد شیرازی نے خطاب کرتے ہو ئے کہا کہ اسلام نے بے گناہ انسانوں کی ہلاکت کو ہمیشہ سے قابل مذمت قرار دیا ہے انہوں نے کہا کہ شہدا ء کے خون سے ہاتھ رنگنے والے کسی بھی مذہب میں انسان کہلانے کے لائق نہیں ہیں اس موقع پر علامی علی شیرازانصاری نے اپنے پر اثر خطاب میں کہا کہ پاکستان میں دہشت گردانہ کاروائیوں کے نتیجے میں ہزاروں افراد کی ہلاکت ہو چکی ہے جس سے ہماری مساجد، امام بارگاہیں ، گرجا گھر کچھ بھی محفوظ نہیں لہذا مذاکرات کی بجائے دہشت گردوں کے خلاف ٹھوس کاروائی کی جائے ۔
اسلام آباد ہائی کورٹ بار کی نمائندگی کرتے ہو ئے راجہ شیراز احمد جنجوعہ ایڈووکیٹ نے کہاکہ F-8میں دہشت گردی کی بزدلانہ کاروائی ہمارے حوصلے کو کم نہیں کر سکتی۔ MWMکے وفد کو بار کے دورہ پر خراج تحسین پیش کر تے ہو ئے انہوں نے کہا کہ علماء کی سر پرستی میں ہم دہشت گردی کے ناسور کو جڑ سے اکھاڑ پھینکیں گے۔شوکت خان نائب صدر نے حکومت وقت سے مطالبہ کیا کہ اسلام آباد بار کو سخت سے سخت سکیورٹی فراہم کی جائے آخر میں MWMلائرز فورم کے صدر اصغر علی مبارک نے شکریہ ادا کیا اورشہدا ء کی بلندی درجات اور زخمیوں کی صحت یابی اور ملک و قوم کی دہشت گردی کے ناسور سے نجات کے لئے دعا کروائی۔ راولپنڈی بار کی نمائندگی کرتے ہوئے اجمل زیدی ایڈووکیٹ نے کہا کہ راولپنڈی اور اسلام آباد بار جڑواں بارز ہیں اور اسلام آباد بار پر حملہ راولپنڈی بار پر حملہ اس دکھ کی گھڑی میں ہم ان کے ساتھ ہیں۔
وحدت نیوز(بلتستان) مجلس وحدت مسلمین پاکستان بلتستان ڈویژن کے زیراہتمام ایک تعزیتی اجلاس کا انعقاد ڈپٹی سیکرٹری جنرل ایم ڈبلیو ایم بلتستان کے زیرصدارت ہوا۔ اجلاس میں مجلس وحدت مسلمین پاکستان گلگت بلتستان کے صوبائی سیکرٹری فلاح و بہبود، بلتستان کی معروف دینی درسگاہ جامعۃ النجف اسکردو کے وائس پرنسپل حجتہ الاسلام شیخ احمد علی نوری اور امامیہ اسٹوڈنٹس آرگنائزیشن پاکستان بلتستان ڈویژن کے سابق ڈویژنل صدر و چیئرمین الہٰدی فاونڈیشن علی احمد نوری کی والدہ ماجدہ گذشتہ دنوں علالت کے باعث داعی اجل کو لبیک کہہ گئی۔مرحومہ کی رحلت پر گہرے دکھ کا اظہار کیا۔ اجلاس میں مرحومہ کے لیے مغفرت اور لواحقین کے لیے صبر کی دعا کی گئی۔ اجلاس کے آخر میں مرحومہ کے ایصال ثواب کے لیے فاتحہ خوانی بھی کی گئی۔مرحومہ کو اسکردو الڈینگ پکورا میں سپرد خاک کیا گیا۔ انکی نماز جنازہ ایم ڈبلیو ایم پاکستان گلگت بلتستان کے ڈپٹی سیکرٹری جنرل علامہ آغا مظاہر حسین موسوی کی اقتدا میں ادا کی گئی۔
وحدت نیوز(قم المقدسہ) مجلس وحدت مسلمین پاکستان کے مرکزی ڈپٹی سیکرٹری جنرل علامہ امین شھیدی نے سفیر انقلاب سیمینار میں شہیدڈاکٹر محمد علی نقوی کو خراج تحسین پیش کر تے ہو ئے کہا کہ شہید کا جسم تو مر جاتا ہے لیکن اس کی روح کبھی نہیں مرتی۔ انہوں نے سیرت شہید کی اہمیت کو بیان کرتے ہوئے کہا کہ ہمیں سیرت اور تاریخ کے فرق کو سمجھنے کی ضرورت ہے۔ سیرت ایسے اصول و ضوابط کا نام ہے کہ جو آئمہ اطہار علیھم السلام کی زندگیوں پر حاکم تھے۔ ہم ان اصولوں کو مدنظر رکھتے ہوئے اپنی زندگی میں پیش آنے والے بحرانوں کا مقابلہ کرسکتے ہیں۔ ان اصولوں میں استقامت، شجاعت، بصیرت اور معاشرے کو خدا سے پیوست کرنا ہے۔ انہوں نے کہا کہ شہید ڈاکٹر محمد علی نقوی کی زندگی ان اصولوں پر مبنی تھی۔ جب عوام یہ دیکھتے ہیں کہ ان کی لیڈر اپنی قوم سے پیچھے رہ گئے ہیں تو عوام مایوسی کا شکار ہوجاتے ہیں۔ آج پاکستان میں عوام کا مجلس وحدت مسلمین پر اعتماد اسی وجہ سے ہے کہ قوم ایم ڈبلیو ایم کو تمام میدانوں میں حاضر دیکھتی ہے۔ انہوں نے حوزہ علمیہ قم کی ذمہ داریوں کی طرف اشارہ کیا اور کہا کہ قم کی ایک ذمہ داری یہ ہے کہ یہاں پر آئندہ آنے والے رہبروں کی تربیت کی جائے۔
