وحدت نیوز (کوئٹہ)  مجلس وحدت مسلمین کوئٹہ ڈویژن کے جاری کردہ بیان میں ایم ڈبلیوایم کے رکن بلوچستان اسمبلی آغا محمد رضا نے کہاہے کہ گوادر کاشغر روٹ کی تبدیلی بلوچستان کے عوام کے ساتھ ناانصافی ہے۔گوادر کاشغر روٹ کو پرانے روٹ پر بحال کیا جائے جس کا وعدہ وفاقی حکومت نے کیاتھا۔ وفاق کا بلوچستان کے ساتھ رویہ ہمیشہ سوتیلی ماں کا رہا ہے۔ پاکستان میں وسائل کا منصفانہ تقسیم سب سے بڑا مسئلہ ہے۔ اس اہم منصوبے سے چھوٹے صوبوں اور بلوچستان کے عوام کو معاشی طور پر بہت فائدہ پہنچ رہا تھااور دوست ملک نے گوادر، ژوب ،ڈیرہ اسماعیل خان روٹ کو قابل عمل قرار دیا تھا لیکن وفاقی حکومت بد نیتی کی بنیاد پر اس منصوبے کو پنجاب سے گزارنا چاہتے ہیں۔ جو ایک ناروا عمل ہے۔ وسائل پر عدم اختیار اور دولت کی غیر منصفانہ تقسیم نے نہ ختم ہونے والے مسائل کو جنم دیا ۔ ملک کے آبادی کا بڑا حصہ آج بھی غربت کی لیکر سے نیچے زندگی گزارنے پر مجبور ہے ۔ رزق کے لیے عرصہ حیات تنگ ہونا ، معاشرے کی سدھار میں سب سے بڑی رکاوٹ اور قومی المیہ ہے۔ بلوچستان ڈویلپمنٹ فورم میں وزیر اعظم کا اس منصوبے کو بلوچستان سے پنجاب تبدیل کرنے کا اعلان بلوچستان کے عوام کے حقوق پر ایک ڈاکے کے سوا کچھ نہیں ہے اور اس پسماندہ صوبے کے عوام کو مزید پسماندہ رکھنے کی ایک سوچی سمجھی سازش ہے۔ صوبے کے تمام سیاسی ، مذہبی اور تجارتی نمائندے اس اہم منصوبے کی تبدیلی کے خلاف آواز بلند کریں۔

علاوہ ازیں ممبر صوبائی اسمبلی و پارلیمانی لیڈر ایم ڈبلیو ایم آغا رضا کی قیادت میں ایم ڈبلیو ایم کوئٹہ ڈویژن کے عہدیداران نے محمد رضا چنگیزی (مرحوم) کے صاحبزادوں سلیم رضا ، ڈاکڑ سمیع رضا سے اظہار تعزیت کرتے ہوئے ان کی مغفرت کے لیے دعا کی۔

وحدت نیوز (لاہور) دہشت گردی کے خلاف موثر حکمت علمی اور جراء تمندانہ اقدامات کی ضرورت ہے،دہشت گردی سے اس وقت نجات مل سکتی ہے جب ان کے سہولت کاروں کے خلاف کاروائی کریں،سانحہ شکار پور سندھ حکومت کے ماتھے پر کلنک کا ٹیکہ ہے ،وفاق اور سندھ حکومت سانحہ شکار پور کے ذمہ دار ہیں ،سندھ دہشت گردوں کی آماجگاہ بن چکا ہے،پیپلز پارٹی دہشت گردوں کیخلاف ایکشن سے گریزاں ہے ،ہم شہدائے شکار پور کے خون کو رئیگاں نہیں جانے دینگے ان خیالات کا اظہار مجلس وحدت مسلمین پنجاب کے سیکرٹری جنرل علامہ عبدالخالق اسدی نے سانحہ شکار پور پر منعقدہ تعزیتی اجلاس سے خطاب کرتے ہوئے کیا۔

 انہوں نے کہا کہ دہشت گردی کے خلاف جنگ میں ہم نے سب سے بڑی قربانیاں دی ہے ،ہمیں دہشت گردی کے خلاف آواز اُٹھانے کی سزا دی جارہی ہے ،دہشت گرد ٹولہ ملک بھر میں سرگرم ہے ،دہشت گردوں کے سیاسی سرپرست دہشت گردی کے خلاف ایکشن پلان کی راہ میں سب سے بڑی رکاوٹ ہے ،انہوں نے کہا کہ حکمران دہشت گردوں کے سامنے بے بس ہے،وزیر داخلہ کا کالعدم جماعتوں کو بلا کر کاروائی نہ کرنے کی یقین دہانی اس بات کی دلیل ہے کہ حکمران جماعت دہشت گردی کے خلاف جنگ میں سنجیدہ نہیں ،سندھ سمیت ملک بھر میں مسلمانوں کی تکفیر پر انتظامیہ خاموش ہیں ،علامہ اسدی نے اپنے خطاب میں کہا کہ قوم مزید لاشیں اُٹھانے کے متحمل نہیں سانحہ پشاور اور سانحہ شکار پور کے شہداء کے لواحقین اب ان حکمرانوں کے خلاف میدان میں آچکے ہیں،ہم شہداء کمیٹی کے ہر فیصلے کی بھر پور حمایت کریں گے۔

وحدت نیوز (پشاور)  مجلس وحدت مسلمین خیبر پختون خوا کے ڈپٹی سیکرٹری جنرل علامہ جہانزیب جعفری نے کہادہشت گردی کے خلاف موثر حکمت علمی اور جراء تمندانہ اقدامات کی ضرورت ہے،دہشت گردی سے اس وقت نجات مل سکتی ہے جب ان کے سہولت کاروں کے خلاف کاروائی کریں،سانحہ شکار پور سندھ حکومت کے ماتھے پر کلنک کا ٹیکہ ہے ،وفاق اور سندھ حکومت سانحہ شکار پور کے ذمہ دار ہیں ،سندھ دہشت گردوں کی آماجگاہ بن چکا ہے،پیپلز پارٹی دہشت گردوں کیخلاف ایکشن سے گریزاں ہے ،ہم شہدائے شکار پور کے خون کو رئیگاں نہیں جانے دینگے اگر ضرورت پڑی تو شکار پور سے کراچی تک لانگ مارچ کا حصہ بنے گے وحدت ہاوس سے جاری بیان میںانہوں نے کہا کہ دہشت گردی کے خلاف جنگ میں ہم نے سب سے بڑی قربانیاں دی ہے ،ہمیں دہشت گردی کے خلاف آواز اُٹھانے کی سزا دی جارہی ہے ،دہشت گرد ٹولہ ملک بھر میں سرگرم ہے ،دہشت گردوں کے سیاسی سرپرست دہشت گردی کے خلاف ایکشن پلان کی راہ میں سب سے بڑی رکاوٹ ہے ،انہوں نے کہا کہ حکمران دہشت گردوں کے سامنے بے بس ہے،وزیر داخلہ کا کالعدم جماعتوں کو بلا کر کاروائی نہ کرنے کی یقین دہانی اس بات کی دلیل ہے کہ حکمران جماعت دہشت گردی کے خلاف جنگ میں سنجیدہ نہیں ،سندھ سمیت ملک بھر میں مسلمانوں کی تکفیر پر انتظامیہ خاموش کیوں ہے انہوں نے کہا کہ قوم مزید لاشیں اُٹھانے کے متحمل نہیں سانحہ پشاور اور سانحہ شکار پور کے شہداء کے لواحقین اب ان حکمرانوں کے خلاف میدان میں آچکے ہیں،ہم شہداء کمیٹی کے ہر فیصلے کی بھر پور حمایت کریں گے۔

وحدت نیوز (چوک اعظم) مجلس وحد ت مسلمین اور آئی ایس او کے زیر اہتمام شکار پور کے شہد ا کے لیے قرآن خوانی کی جس میں علاقے کے نوجوانوں نے شرکت کی مجلس وحدت مسلمین چوک اعظم کے سیکریٹری تربیت جناب مولانا منظر عباس نے شرکا ء سے خطاب کیا جس میں انھوں نے کہا کے حکومت ناکام ہو چکی ہے عوام کو تحفظ دینے میں آے روزہشت گردجہاں چاہے کاروائی کر دیتے ہیں کہ سندھ حکومت عوام کو امن فراہم کرنے میں ناکام ہوچکی ہے۔شکار پور کا سانحہ دل سوز ہے 75جانوں کا ضیاع حکومت کے لئے سوالیہ نشان ہے۔ حکومت سے یہ خونی دہشت گرد کنٹرول نہیں ہورہے ہیں اور یہ آئے روز کوئی نہ کوئی سانحہ پاکستانی ملت کو دے جاتے ہیں اور جب کہ حکومت ان کی پشت پناہی کرنے میں لگی ہوئی ہے۔ یہ دہشت گرد نہ تو کسی بچے کو دیکھتے ہیں اور نہ ہی کسی جوان کو اور نہ یہ کسی عورت کا حیاء کرتے ہیں اور حتی کہ نمازیوں کو بھی نہیں چھوڑتے ۔ان دہشت گردوں نے ملک کے اندر سیاسی پشت پناہی حاصل کی ہوئی ہے۔ اگر حکومت چاہے تو ان کالی بھیڑوں کونکال سکتی ہیں مگر نہیں!الٹا یہ حکومت ان ہی کو گرفتار کر رہی جو کہ اپنا حق مانگ رہے ہیں اگر اس کو نہ روکا گیا اور جو افراد گرفتار ان کو نہ چھوڑ ا گیا تو سندھ کی رئیسانی حکومت کو بھی جانا ہوگا ۔ملت تشیع اتنی لا وارث نہیں ہے ہم چودا سو سال سے لاشیں اٹھا رہے ہیں اس ملت کا اور صبر مت لو ۔

وحدت نیوز (نصیرآباد) شکارپور سانحہ کے خلاف مجلس وحدت مسلمین ، شیعہ علماء کونسل اور اصغریہ اسٹوڈنٹس کی جانب سے جامع مسجد حسینی سے احتجاجی ریلی نکالی گئی ، مظاہرین نے ہاتھوں میں بینر اور پلے کارڈ اٹھائے ہوئے تھے جن میں سانحے شکارپور میں ملوث دہشتگردوں کے خلاف سزا کے نعرے درج تھے ، مظاہرین شہر کا گشت کرنے کے بعد ابو تراب چوک پر پہنچے وہاں پر دھرنا دیا ،دھرنے کے شرکاء سے رہنماؤں مولانا خادم حسین ،سیکریٹری جنر ل سید اختر عباس نقوی ، سیکریٹری تنظیم سازی حبدار علی لغاری ، محمد ملوک ، وزیر جعفری اور دیگر نے کہا کے شکار پور کا سانحہ سند ھ گورنمٹ کی نا اہلی کا ثبوت ہے ، سندھ حکومت سانحہ شکارپور کے دھشتگردوں کی پشت پناہی کر رہی ہے ، وفاقی حکومت ، چیف آف آرمی اسٹاف سے مطالبہ کرتے ہیں کے سندھ میں بھی ضرب عضب آپریشن کر کے طالبان سمیت تمام دھشتگردوں کے خلاف کاروائی کر کے ان کا خاتمہ کیا جائے ۔

وحدت نیوز (نوشہروفیروز) سانحہ شکارپور کے شہداء کے قاتلوں کی گرفتاری کے لئے مجلس وحدت مسلمین اور مسجد امام بارگاھ نجف سندھ آرگنائیزيشن کمیٹی نوشہروفیروز کی جانب سےقدم مولاعلی  علیہ اسلام  سے لیکر حبیب چونک احتجاجی ریلی نکالی گئی  ریلی میں مجلس وحدت مسلمین، شیعہ علماء کائونسل، اصغریہ پاکستان، انجمن عزاداران امام حسین ، انجمن عاشقان مہدی عج اور ديگر تنظیموں نے ریلی میں شرکت کی اس موقع پر   مشتاق حسین مری، اطہر علی مطہری، اظہر بلوچ، نوکر علی میمن، انصارالحسین میمن، مولوی محمد یوسف حسینی اور دیگر نے کہا کہ  حکمران عوام کے مال و جان کی تحفظ کرنے میں ناکام ہوگئے ہیں  سانحہ پشاور اور شکارپور حکمرانو ں کے ناکامی کا منہ بولتا ثبوت ہے،  انہوں نے مزيد کہا کہ وزيرستان کی طرح سندھ میں ضرب عضب آپریشن کرکے دھشتگردوں کا خاتمہ کیا جائے دیگر صورت میں احتجاج  کا دائرہ بڑھایا جائيگا جب کہ شکارپور کے شہدا کے لئے قرآن خوانی اور عزاداری بھی کی گئی۔