وحدت نیوز (ملتان) مجلس وحدت مسلمین جنوبی پنجاب کے ترجمان ثقلین نقوی نے گزشتہ روز بہائوالدین زکریا یونیورسٹی کے طالبعلم علی رضا کھرل کو ''ایم فل ماس کمیونیکیشن ''میں اول پوزیشن پر گولڈ میڈل حاصل کرنے پر مباکباد دی، ایم ڈبلیو ایم کے رہنما نے کہا کہ علی رضا کھرل جیسے ہونہار طالبعلم اس قوم کی اُمید ہیں، اُنہوں نے گزشتہ روز یونیورسٹی میں ایم فل اور پی ایچ ڈی کی ڈگری حاصل کرنے والے طلباء و طالبات کو مبارکباد دیتے ہوئے کہا کہ قوموں کی ترقی علم میں پوشیدہ ہے، جن قوموں نے تعلیم میں ترقی کی ہے وہی قومیں دنیا میں ممتاز ہوئی ہیں، علاوہ ازیں ایم فل میں گولڈ میڈل حاصل کرنے والے نوجوان علی رضا کھرل کو علامہ اقتدار حسین نقوی، سلیم عباس صدیقی، توقیر حیدر کھرل، سلمان حیدر ،کاشف قریشی اور دیگر نے مبارکباد دی ۔

وحدت نیوز (اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصرعبا س جعفری نے کہا ہے کہ قومی معاملات میں حکمرانوں کی عدم توجہی عوام کی مشکلات میں اضافے کا باعث بن رہی ہے۔سرکاری اداروں کو دانستہ طور پرتباہی کا شکار کیا جا رہا ہے۔تاکہ ملک کو اقتصادی طور پر مکمل مفلوج کر کے یہ ثابت کیا جا سکے کہ نواز شریف کو نا اہل قرار دیے جانے کا فیصلے نے ملک عدم استحکام کا شکار کیا۔ انہوں نے کہا کہ اس ملک پر عملاََ نا اہل حکمران ہی ابھی تک اقتدار پر قابض ہیں۔ قومی و عالمی سطح کے اہم معاملات پر فیصلہ کرنے میں وزیر اعظم قطعی خودمختار نہیں بلکہ لندن سے ملنے والے حکم کے منتظر رہتے ہیں۔نااہل حکمرانوں کی ناکام پالیسیوں کے باعث ملک معاشی و اقتصادی تباہی کے دھانے پر پہنچ چکا ہے۔قومی اداروں میں میرٹ کو نظر انداز کر کے من پسند افراد کو نوازا جا رہا ہے۔اہم اداروں میں کلیدی پوسٹوں پر نا اہل افراد کی تعیناتی اس امر کی عکاس ہے کہ حکومت کو قومی اداروں اور ملکی ترقی سے کوئی لگاؤ نہیں۔موجودہ حکومت ’’لوٹوں اور لوٹنے دو‘‘ کی پالیسی پر گامزن ہے۔حکومت کے غیر ذمہ دارانہ طرز عمل نے عوام اور نون لیگ میں فاصلے پیدا کر دیے ہیں۔نواز شریف کی سیاست اب روبہ زوال ہو چکی ہے۔پاکستان کی آئندہ سیاست میں نواز شریف اینڈ فیملی کی جگہ باقی نہیں رہی۔انہوں نے کہا کہ مجلس وحدت مسلمین الیکشن 2018 کے حوالے سے اپنے لائحہ عمل طے کر رہی ہے۔قومی انتخابات میں بھرپور طور پر حصہ لیا جائے گا اور کسی ایسی جماعت کے ساتھ قطعی اتحاد نہیں کیا جائے گا جو تکفریت کے فروغ یا دفاع کے لئے کام کر رہی ہو۔

وحدت نیوز(اسلام آباد) مجلس وحدت مسلمین ڈیرہ اسماعیل خان کے ضلعی صدر مولانا سید غضنفر نقوی کی سربراہی میں ضلعی کابینہ نے علامہ راجہ ناصر عباس جعفری سے خصوصی ملاقات کی۔ ضلعی کابینہ نے ملاقات کے دوران ڈی آئی خان میں ملت تشیع کی ٹارگٹ کلنگ اور موجودہ صورتحال جس میں بے گناہ افراد کو اُٹھا کر جھوٹے مقدمات میں شامل کیا جارہا ہے کے حوالے سے آگاہ کیا۔ سربراہ ایم ڈبلیو ایم علامہ راجہ ناصر عباس جعفری نے وفد کو اپنے بھرپور تعاون کی یقین دہانی کروائی۔ اس موقع پر انہوں نے کہا کہ ڈی آئی خان کی غیور عوام انتہائی پُرامن، فرقہ واریت سے نفرت کرنے والے من پسند ہے اور اتحاد بین المسلمین کے دائی ہیں۔ انہوں نے حکومت بالخصوص خیبر پختونخوا کی صوبائی حکومت سے پُرزور مطالبہ کیا کہ ڈی آئی خان میں شیعہ سنی فساد کی آڑ میں پُرامن شہریوں کو دن دھاڑے اغواء کرکے ہرزہ سرائی بند کی جائے، ہم کسی صورت غیر قانونی اقدامات برداشت نہیں کریں گے، حکومت فوری طورپر بے گنا افراد کی بازیابی کو یقینی بنائے۔ ایم ڈبلیو ایم کے وفد نے علامہ راجہ ناصر عباس جعفری کو ڈی آئی خان دورے کی خصوصی دعوت دی جو انہوں نے قبول کرلی۔ علامہ راجہ ناصر عباس جعفری 12 جنوری 2018ء بروز جمعہ ڈی آئی خان تشریف لائیں گے جہاں وہ ضلعی انتظامیہ سے ملاقات اور جلسہ عام سے خصوصی خطاب کریں گے۔

وحدت نیوز(کراچی) پاکستان کا معاشی حب کراچی حکمرانوں کی لاپرواہی کے باعث سیوریج کے گندے پانی اورکچرے کا ڈھیر بن چکاہےسندھ حکومت اور شہری حکومت کراچی میں صفائی ستھرائی کے موثرانتظامات میں مکمل طورپرناکام ہوچکی ہے، ان خیالات کا اظہارمجلس وحدت مسلمین کراچی ڈویژن کے پولیٹیکل سیکریٹری میر تقی ظفر نے وحدت ہائو س کراچی میں ڈویژنل پولیٹیکل کونسل کے اراکین سے اجلاس میں خطاب کرتے ہوئے کیا، انہوں نے کہا کہ شہر قائد میں جگہ جگہ کچرے کے ڈھیر اور گلی کوچوں میں کھڑا سیوریج کا گندابدبودارپانی شہریوں میں وبائی امراض کا باعث بن رہاہے ، جب کے کڑوڑوں روپے مالیت کی لاگت سے بنائی گئی سڑکیں بھی تباہ حالی کاشکار ہوچکی ہیں ، بلدیاتی ادارے فنڈز کی کمی کے بہانے بناکراپنی ذمہ داریوں سے فراراختیارکررہے ہیں، لیاقت آباد، سولجربازار، ملیر، شاہ فیصل کالونی، اورنگی ٹائون ، لانڈھی کورنگی اور دیگر علاقوں کےعوام سیوریج کے گندے پانی اور کچرے کے ڈھیرکے باعث شدید ذہنی اذیت میں مبتلا ہیں ، شہریوں کو پیدل آمد ورفت میں بھی شدید مشکلات کا سامنا ہے۔انہوں نےکہاکہ کراچی کے شہری صوبائی اور شہری برسراقتدار جماعتوں کے درمیان سیاسی رسہ کشی کے باعث رل رہے ہیں،انہوں نے وزیر اعلیٰ سندھ مراد علی شاہ، وزیر بلدیات جام خان شورو، میئر کراچی وسیم اختر سے مطالبہ کیا ہے کہ شہر کراچی کے باسیوں کو سیوریج کے گندے پانی اورکچرے کا ڈھیرسے فوری طور پر نجات دلائی جائے۔

وحدت نیوز(مانٹرنگ ڈیسک) رہبر انقلاب نے اسلامی تبلیغات کونسل کے اجلاس سے خطاب کرتے ہوئے حضرت امام حسن عسکری علیہ السلام کی ولادت باسعادت کی مناسبت سے مبارکباد پیش کی اور کہا کہ ایرانی قوم اور اسلامی نظام سے امریکہ کو ہر میدان میں مایوسی نصیب ہوگی۔ امام خامنہ ای نے اسلامی تبلیغات کونسل کے اراکین سے خطاب میں امریکہ کی ایران اور اسلام دشمن پالیسیوں کی طرف اشارہ کرتے ہوئے مزید کہا کہ بعض افراد دانستہ یا غیر دانستہ طور پر دشمن کی ہاں میں ہاں ملا رہے ہیں۔ رہبر معظم انقلاب اسلامی نے گذشتہ 40 برسوں میں ایرانی قوم اور اسلامی نظام کے خلاف امریکہ کی عداوتوں اور اور سازشوں کی شکست اور ناکامی طرف اشارہ کرتے ہوئے کہا کہ اللہ تعالی کے فضل و کرم سے ایرانی قوم مستقبل میں بھی امریکہ کی ناک کو زمین پر رگڑ دے گی ، ایرانی قوم استقامت اور پائداری کے ساتھ ترقی اورپیشرفت کی شاہراہ پر گامزن رہےگی۔

رہبر معظم نے امریکی حکومت کو دنیا کی بدترین اور فاسد ترین حکومت قرار دیتے ہوئے کہا کہ امریکہ داعش جیسے خوانخوار تکفیری درندوں کی حمایت کے علاوہ اسرائیل اور آل سعود جیسے دنیا کے جابر، ظالم ڈیکیٹر حکمرانوں کی حمایت کررہا ہے جو یمن کے مظلوم عوام کو خاک وخوں میں غلطاں کررہے ہیں۔ امام خامنہ ای نے مزید کہا کہ اسلامی تبلیغات کا سلسلہ مغربی ممالک کے پروپیگنڈے سے بالکل الگ اور جداگانہ ہے مغربی ممالک کے پروپیگنڈے میں جھوٹ اور مکر و فریب کے عناصر بڑی مقدار میں موجود ہوتے ہیں جبکہ اسلامی تعلیمات اور تبلیغات میں سچائی اور صداقت پر زور دیا جاتا ہے۔ رہبر معظم انقلاب اسلامی نے تبلیغ کے میدان کو بھی، سیاسی، اقتصادی اور ثقافتی میدانوں کی طرح میدان جنگ توصیف کرتے ہوئے فرمایا: "دشمن نے سیاسی، اقتصادی، فوجی، ثقافتی اور نشر و اشاعت کے میدانوں میں ہمارے خلاف جنگ چھیڑ رکھی ہے اور ہمیں ان میدانوں میں دشمن کی سازشوں اور کوششوں کے حوالے سے غافل نہیں رہنا چاہیے۔

رہبر انقلاب اسلامی کا کہنا تھا کہ دشمن نے جنگ کے طریقہ کار کو بدل دیا ہے آج استعمار سرد جنگ کے ذریعے شکست دینا چاہتا ہے، ایرانی قوم نے گذشتہ 40 برسوں میں ثابت کردیا ہے کہ نہ وہ کسی پر دھونس جمانا چاہتی ہے اور نہ کسی کی دھونس میں آنا چاہتی ہے، ایرانی قوم نے اپنی استقامت اور پائداری کے ذریعے اسلامی نظام کے خلاف ہونے والی ہر سازش کو ناکام بنادیا ہے۔ ہمیں ہر دور میں دشمن کی گھناؤنی سازشوں پر گہری نظر رکھنی چاہیے اور دشمن کی ان سازشوں کو ناکام بنانے کے لئے پہلے سے ہوشیار رہنا چاہیے۔

امام خامنہ ای نے اسلامی جمہوریہ ایران کی ترقی کا ذکر کرتے ہوئے فرمایا: "ایرانی قوم نے دشمن کی طرف سے اقتصادی پابندیوں کے باوجود ہر شعبہ میں خاطر خواہ ترقی اور پیشرفت کا مظاہرہ کیا ہے اور ہم مزاحمتی اقتصادی پالیسیوں پر عمل کرکے اقتصادی میدان میں بھی دشمن کی سازشوں کو ناکام بنا سکتے ہیں۔ امام خامنہ ای نےکہا کہ دشمن نے جنگ کا طریقہ کار بدل دیا ہے، دشمن قومی، قبائلی اور لسانی سطح پر اختلافات پیدا کرکے فتنہ برپا کرنے کی کوشش کررہا ہے لہذا ہمیں باہمی اتحاد اور یکجہتی کے ساتھ دشمن کی اس ناپاک کوشش کو بھی ناکام بنانا چاہیے۔

وحدت نیوز (پاراچنار) مجلس وحدت مسلمین کے مرکزی ڈپٹی سیکریٹری جنرل سید ناصرعباس شیرازی نے پاراچنارکا ایک روزہ دورہ کیا، اس موقع پرانہوں نے سب سے پہلے شہید قائد حضرت علامہ سید عارف حسین الحسینیؒ کے مزار قدس پر حاضری دی، قرآن خوانی  اور فاتحہ خوانی کی، بعد ازاں انہوں نے عوامی نیشنل پارٹی کے مرکزی راہنما اور ہنگو سے سابق ایم پی اے جناب حسینی سے باب کرم گیسٹ ہاؤس میں ملاقات  کی دونوں رہنماو ں کے درمیان موجودہ ملکی حالات اور باہمی دلچسپی کے امور پر تبادلہ خیال  کیا گیا، اس موقع پر اے این پی کے دیگر عہدے دار بھی موجود تھے ،اے این پی کے عہدے داروں نے ناصر شیرازی کو ان کے اغواء کے دورانیہ میں اپنی جماعت کے دلیرانہ موقف سے بھی آگاہ کیا ،ناصر شیرازی نے مقامی رہنماوں کے ہمراہ پر اسمارٹ سکول آمد،بعد ازاں اسمارٹ اسکول،ورچوئل یونیورسٹی اور علامہ اقبال اوپن یونیورسٹی پارا چنار کے مشترکہ کیمپس کی ملٹی پرپز زیر تعمیر عمارت کا معائنہ کیا ،آخر میں المصطفے ٹرسٹ کے زیراہتمام امامیہ اسٹوڈنٹس آرگنائزیشن کے زیر تعمیر ہاسٹل کے تعمیراتی کام کا جائزہ  لیا، تعمیراتی کام بلکل ابتدائی مراحل میں ہے،  لہذاناصر شیرازی نے  آئی ایس او کی جانب سے مخیر مومنین سے مالی معاونت کی اپیل بھی کی، سید ناصرشیرازی کی دورہ ابراہیم زئی کے موقع پر ایم ڈبلیوایم کے مقامی رہنماوں کے ہمراہ مجلس وحدت مسلمین کے ہمدرد اور قائد وحدت علامہ راجہ ناصرعباس جعفری کے دیرینہ عقیدت مند ، معروف سیاسی و سماجی شخصیت اور مشر سید ہاشم شاہ کی وفات پر ان کے اہل خانہ اور مقامی عمائدین سے تعزیت اور فاتحہ خوانی  کی ،سید ناصرعباس شیرازی کے مختصر دورہ ابراہیم زئی کے موقع پرقبائلی عمائدین کی جانب سے ظہرانہ دیا گیا، اس موقع پر شہدائے ملت جعفریہ کے لیئے فاتحہ خوانی بھی کی گئی۔