وحدت نیوز(اسلام آباد) مجلس وحدت مسلمین پاکستان کے زیر اہتمام قائد تحریک جعفریہ شہید سید عارف حسین الحسینی کی ستائیسویں برسی کے سلسلے میں ’’بیداری امت کانفرنس‘‘کا انعقاد اسلام آباد میں ہوا جس میں ملک بھر سے ہزاروں خواتین وافراد نے شرکت کی،تقریب سے ملک کے نامور شیعہ سنی علما ء نے خطاب کیا،ایم ڈبلیو ایم پاکستان کے مرکزی سیکرٹری جنرل علامہ راجہ ناصر عباس جعفری نے شرکا سے خطاب کرتے ہوئے کہا کہ ہمارا یہ اجتماع  تمام شہدائے پاکستان بالخصوص شہید قائد علامہ عارف حسین الحسینی اور پاک فوج ، پولیس، شہدائے اہل سنت ، شہدائے آرمی پبلک اسکول، شہید مولاناحسن جان، مولانا سرفراز نعیمی اور رفیق خاص شہید حسینی ڈاکٹر شہید محمد علی نقوی کی یاد کو تازہ کرنے کیلئے ہے،انہوں نے کہا کہ عدل کی حکمرانی قانون کی بالادستی کے بغیر ممکن نہیں، ظلم کے خلاف اپنے حقوق کے لیے قیام کرنا دراصل اللہ تعالیٰ کے لیے قیام ہے،شہید عارف حسینی نے لاقانونیت،اقربا پروری اور ظلم کے خلاف مزاحمت کا پرچم بلند کیا، شہید قائد سرزمین پاک پر نہ فقط اہل تشیع بلکہ اہل سنت کے حقوق کے بھی پاسبان تھے،ان کی خواہش تھی کہ پاکستان میں ظلم کا خاتمہ ہو اور امن کا رواج ہو،ناانصافی سے نجات ملے اور عدل کا نفاذ ہو،شہید قائد سرزمین پاک پر ظلم وجبر کے خلاف مزاحمتی تحریک کا علمبردار تھا،شہید کے افکار و سیرت سے آشنا ان کے معنوی فرزند آج بھی ان کے مشن پر گامزن ہیں،ہم ان ظالم وجابر حکمرانوں کےمقابل ہر صورت مزاحمت کریں گے،ستائیس برس گذرگئے حکومت پاکستان  قائد شہید کےقتل کی تحقیقاتی رپورٹ منظرعام پر لائے،عوام کو بتائے کے کون لوگ شہید کے قتل میں ملوث تھے،ہمارے پس شواہد موجود ہیں کے ہمارے محبوب قائد کے قتل کی سازش کے تانے بانے پاکستان میں موجود تین ممالک کے سفارت خانوں میں بنے گئے، انہوں نے کہا کہ ضرب عضب سے دہشت گردی کے خلاف زبردست نتائج حاصل ہوئے ہیں۔اس کا دائرہ کار پورے ملک تک وسیع کیا جانا چاہیے۔

انہوں نے کہا کہ نیٹو فورسز اور ہندوستانی فوج کو پاکستان آنے کی دعوت دینا ہرزہ سرائی ہے، پاکستان کی خود مختاری کے خلاف جارحیت کی مرتکب کسی بھی بیرونی طاقت کو ملک سے سلامت حالت میں واپس نہیں جانے دیا جائے گا، ہم نے ہزاروں جوانوں ، بزرگوں، بچوں اور ماوں بہنوں کے جنازے اٹھائے لیکن کبھی کسی ملک دشمن قوت کا دروازہ نہیں کھٹکٹایا،ہم کسی بیرونی ایجنسی کے آلہ کار نہیں بنے ، ہم نے کبھی پاک وطن کے پرچم نہیں جلائے، ہم نے کبھی کسی بے گناہ پاکستانی پر حملہ نہیں کیا، ثابت کیا جائے کہ کبھی کسی شیعہ یا سنی نےکسی شہری پر حملہ کیا ہو،کسی عبادت گاہ کو نشانہ بنایا ہو،ہماری غیرت کسی صورت گوارہ نہیں کرتی کہ وطن دشمن افواج کے بوٹ ہماری سرزمین پاک پر آئیں۔

انہوں نے مزید کہا کہ مجلس وحدت مسلمین سرزمین پاکستان پر آج ایک حقیقت کا روپ دہارچکی ہے، جس کا انکار کوئی اندھا یا بہرا ہی کرسکتا ہے، ہم نے ہر ظلم کے خلاف جہاد اور ہم مظلوم کی حمایت کا جو بیڑا ٹھایا تھا الحمد اللہ ہم اس مشن پر کاربند ہیں ، پاکستان کی سرزمین پر مظلوں کے حقوق کی کوئی ٹھوس آواز موجود ہے تو وہ مجلس وحدت مسلمین ہے، ظلم کے خلاف ہماری جنگ اب وائٹ ہائوس کی آنکھوں کا بھی کانٹا بننے لگی ہے، ملکی تقدیر کے فیصلوں میں ہمیں نظرانداز کرنے کا زمانہ گزرگیا، اب ہم اپنے حقوق کی مزید پامالی کسی صورت نہیں ہونے دیں گے۔

انہوں نے کہا کہ بلوچستان کے عوام قیام پاکستان سے اب تک استحصال کا شکار ہیں۔انہیں جاگیرداروں اور نوابوں کے شنکجے سے آزادی دلائی جائے اور تمام حقوق دیے جائیں۔ ہزارہ قبائل ایک آزاد ملک کے باسی ہونے کے باوجود محاصرے میں ہیں۔سیکورٹی ادارے اور حکومت انہیں تحفظ فراہم کرے، کوئٹہ شہر کی دو سٹرکیں بے گناہ شہریوں کی مقتل گاہ بنی ہوئی ہیں اور کوئی انہیں دہشت گردوں سے پاک کرنے وال نہیں ،ملک کی ترقی و استحکام کے لیے کرپشن کا خاتمہ انتہائی ضروری ہے۔کرپٹ عناصر پر جب تک آہنی ہاتھ نہیں ڈالا جاتا تب تک وطن عزیز میں ترقی کا سفر شروع نہیں ہو سکتا۔انہوں نے کہا کہ دہشت گردوں کی سرکوبی کے لیے بنایا جانے والا نیشنل ایکشن پلان کو درود و سلام پڑھنے والے شیعہ سنی افراد پر لاگو کیا جا رہا ہے ،جو دہشت گردی کے خلا ف حکومتی اقدامات کی قلعی کھولنے کے لیے کافی ہے۔بھکر ،چنیوٹ،جھنگ،کمالیہ ،جہلم اور سرگودھا سمیت ملک کے تمام علاقوں سے ہمارے بے گناہ قید کیے جانے والے افراد کو فوری رہا کیا جائے۔

 گلگت بلتستان پاکستان کا حصہ ہے اسے آئینی حقوق سے محروم رکھنا وہاں کی عوام کا استحصال ہے،انہیں پارلیمنٹ میں نمائندگی دی جائے،کیپٹن مرزا حسن نے گلگت بلتستان کو آزاد کر ا کر پاکستان میں شامل کرنے کا اعلان کیا آج انہی کے بیٹے کرنل نادرحسن کو وہاں کی ن لیگی  حکومت نے پابند سلاسل کر رکھا ہے جو محسن کشی ہے۔ایک محب وطن قومی ہیروکے بیٹے کو رہا کیا جائے۔

کانفرنس سے علامہ مختار امامی، علامہ عبد الخالق اسدی، علامہ سبطین حسینی،علامہ تصور جوادی، علامہ مقصود ڈومکی، سید ناصر شیرازی،تہور عباس، علامہ اعجاز حسین بہشتی، علامہ اصغر عسکری، نثار فیضی، علامہ مبشر حسن، ملک اقرار، مولانا ظہیر الحسن نقوی اور علامہ شبیر بخاری ،پیر انصرفرید چشتی سمیت دیگر مقررین نے خطاب کیا۔

وحدت نیوز (لاہور) مجلس وحدت مسلمین پنجاب کے سیکرٹری جنرل علامہ عبدالخالق اسدی کا کہنا ہے کہ سپریم کورٹ نے فوجی عدالتوں کے حق میں ایک تاریخی فیصلہ دیا ہے، جس کے ذریعہ ہی دہشت گردی کے ناسور کا خاتمہ ممکن ہے، فوجی عدالتوں کا قیام اور ان کے اختیارات میں اضافہ شہدا کے خاندانوں کا دیرینہ مطالبہ تھا، ملٹری کورٹس کے ذریعہ ہی خطرناک ترین دہشت گردوں کو کیفر کردار تک پہنچایا جا سکتا ہے۔ علامہ عبدالخالق اسدی کا مزید کہنا تھا کہ تاریخ اس بات کی گواہ ہے کہ ہزاروں افراد کے قاتلوں نے موجودہ عدالتی نظام کی کمزوریوں کا فائدہ اٹھاتے ہوئے آزادی حاصل کی اور اپنے مراسم عالمی دہشت گرد تنظیموں سے قائم کیے اور ملک کو پہلے سے زیادہ نقصان پہنچایا، موجودہ حالات میں ملک اس بات کا متحمل نہیں ہو سکتا کہ دہشت گرد مزے سے آزاد پھریں اور پوری قوم کو سیکیورٹی کے نام پر ان کے گھروں میں یرغمال بنا دیا جائے۔ انہوں نے کہا کہ دہشت گردی کے خلاف جنگ میں فوجی عدالتی کلیدی حیثیت رکھتی پاکستان میں ایسے دہشت گردوں کی کمی نہیں جن کے خوف سے جج انہیں سزا سناتے ہیں اور نہ ہی کوئی ان کے خلاف گواہی دینے کی جرات کرتا ہے۔

انہوں نے کہا کہ پاکستانی عوام دہشت گردی کے خلاف جنگ میں افواج پاکستان کے شانہ بشانہ ہے ،انشااللہ وہ دن دور نہیں جب پاکستان سے ان وحشی درندہ صفت دہشت گردوں کا خاتمہ ہو گا۔ انہوں نے کہا کہ سپریم کورٹ کے اس فیصلہ نے ان افراد کو بھی بے نقاب کر دیا ہے جو کہ چند روپوں کو ملکی مفاد سے زیادہ عزیز رکھتے ہیں، قوم جان لے کہ ان حالات میں فوجی عدالتوں کی مخالفت کرنے والے ملک و قوم سے مخلص نہیں، ملٹری کورٹس کے حق میں فیصلہ کے بعد اس بات کی قوی امید ہے کہ ان خطرنات دہشت گردون کوان کے انجام تک پہنچایا جائے گا جنہیں کل تک کسی کا خوف نہیں تھا۔ اب ملک دشمن عناصر کو بھی سمجھ جانا چاہئے کہ وہ انصاف کو یرغمال بنا کر اپنے دہشت گرد ساتھیوں کو نہیں بچا سکتے۔

وحدت نیوز (لاہور) مجلس وحدت مسلمین پنجاب کے صوبائی سیکرٹریٹ پر قائد ملت جعفریہ پاکستان علامہ شہید عارف حسین الحسینی کی  ستائیسویں یوم شہادت پر دعائیہ تقریب کا انعقاد،مرکزی اجتماع 9اگست کو اسلام آباد میں ہوگا،برسی کی تقریب سے خطاب کرتے ہوئے مجلس وحدت مسلمین پنجاب کے ڈپٹی سیکرٹری جنرل علامہ محمد اقبال کامرانی کا کہنا تھا کہ علامہ عارف حسین الحسینی شہید باکردار، شجاع، باہمت شخصیت کے حامل اور اتحاد بین المسلمین کے داعی تھے،پاکستان کی سرزمین پر امریکہ اور استعماری قوتوں کیخلاف اور اتحاد امت کے لئے عملی جدو جہد کے سبب دشمن نے اس عظیم شخصیت شہید کیا،لیکن دشمن اپنے ناپاک عزائم کے تکمیل میں ناکام رہے آج شہید حسینی کے لاکھوں فرزندان ان کے افکار کو زندہ کیے ہوئے عملی میدان میں ملک و ملت کی ترقی اور اتحاد بین المسلمین کے لئے دن رات جدو جہد کر رہے ہیں،انہوں نے کہا کہ فرقہ واریت،انتہاپسندی اور دہشت گردی پھیلانے والے دراصل ملک دشمن قوتوں کے آلہ کار ہیں،دہشت گردی کے خلاف جنگ کو منطقی انجام تک پہنچانے کے لئے دہشت گردوں کے سیاسی سرپرستوں اور سہولت کاروں پر بھی ہاتھ ڈالنا ہو گا ،مصلحت پسندی کے شکار حکمرانوں کے ہوتے ہوئے اس عمل کو آگے نہیں بڑھایا جا سکتا،قوم کے پاس اس دہشت گردی کے ناسور سے مکمل نجات کے سوا کوئی راستہ نہیں،انہوں نے کہا کہ اگر دہشت گردی کیخلاف اس جنگ میں ہم نے اپنے شہداء کی قربانیوں کی قدر نہ کی اور دہشت گردوں کے سرپرستوں کیخلاف کاروائی میں مصلحتوں کا شکار رہا تو اس کا انجام خوفناک ہوگا،تقریب سے استاد اسدی،سید اسد عباس نقوی ،رانا ماجد علی،و دیگر نے بھی خطاب کیا ۔

وحدت نیوز (اسلام آباد) گزشتہ روز پانچ اگست یوم شہادت قائد عارف حسینی کے موقعہ پر مجلس وحدت مسلمین پاکستان کے مرکزی آفس میں دعائیہ تقریب منعقد کی گئی۔ جس کی صدارت مجلس وحدت مسلمین کے مرکزی سیکرٹری جنرل علامہ ناصر عباس جعفری نے کی۔تقریب میں علامہ ناصر عباس، علامہ اقبال بہشتی، علامہ اعجاز بہشتی اور علامہ علی شیر انصاری نے قائد شہید کی زندگی پر روشنی ڈالی۔ قائدین نے خطاب کرتے ہوئے کہا کہ قائد شہید حسینی افکار کے حقیقی امین تھے اور اس کے عملی اظہار کے لیے ہر وقت میدان عمل میں موجود رہتے۔انہوں نے دین حق کی سربلندی اور وطن سے محبت کو ہر شے پر مقدم رکھا۔ ہمارے لیے ان کا طرز عمل مشعل راہ ہے۔

وحدت نیوز (اسلام آباد) مجلس وحدت مسلمین شعبہ تبلیغات کے مرکزی سیکریٹری علامہ اعجاز نے ۲۷ ویں برسی قائد شہید علامہ عارف حسین الحسینی بعنوان بیداری امت کانفرنس کے حوالے سے اپنے ایک بیان میں کہا کہ قائد شہید عارف حسین الحسینی الہیٰ اور ایمانی جذبے کے ساتھ بہت اعلیٰ معنویات کے درجے پر فائز ہوگئے تھے، وہ عظیم شخصیت کے مالک تھے اور کم وقت میں لاکھوں جوانوں کے دلوں کی دھڑکن بن گئے تھے۔

علامہ اعجاز بہشتی کا کہنا تھا کہ ملک عزیز پاکستان میں ہمیں اپنے جائز حقوق اور تحفظ کے لئے شہید قائد کے سیاسی اور دینی افکار اور نظریہ کو سمجھتے ہوئے ان پر عمل کرنے کی ضرورت ہے، شہید قائد کے افکار و نظریہ وہ واحد حل ہے جس کے ذریعے ہم پاکستان میں اتحاد اور امن کی فضاء کو قائم کرسکتے ہیں ۔

علامہ عارف حسینی نے اپنے اصولوں اور کردار کے ذریعہ ہمیں بتایا ہے کہ کس طر ح مظلوموں کی مدد کرنی ہیں اور ظالموں کی آنکھوں میں آنکھیں ڈال کر مقابلہ کرنا ہے،ہمیں علامہ عارف حسین الحسینی کے راستے کو اختیار کرنا ہوگا اور یہ اُس وقت ممکن ہے جب ہم خود شہید کی سیرت کا مطالعہ کریں گے اور ان پر عمل پیرا ہونگے۔

علامہ اعجاز بہشتی کا مزید کہنا تھا کہ اس برسی کا نام بیدداری امت کانفرنس اسی لئے رکھا ہے کہ تاکہ اہم شہید قائد کی سیرت اور افکار کو لوگوں تک پہنچائیں اورامت کو دینی، دنیوی، سیاسی غرض ہر زاویے سے شعور اور آگاہی پیدا کریں ۔ مکتب تشیع کے ہر فرد کو چاہیے کہ وہ ہر لحاظ سے بیدار رہے اور دشمنوں کی سازشوں سے آگاہ رہیں اور اپنے اندر اتحاد اتفاق کی فضاء کو قائم رکھیں۔

وحدت نیوز ( ڈیرہ اللہ یار ) مجلس وحدت مسلمین کے نظریاتی ورکر اور ذمہ داران نظریاتی اساس کو اجا گر کرنے کیلئے اپنی کوشش تیز کریں ملک سے دہشت گردی لاقانونیت فرقیواریت ٹارگٹ کلنگ کا خاتمہ کر کے ایکمضبوط خوشحال مستحکم پاکستان ہماری منزل ہے ان خیالات کا اظہارایم ڈبلیوایم بلوچستان کے سیکریٹری جنرل علامہ مقصود علی ڈومکی نے ڈیرہ اللہ یار کے دورے کے موقع پر نیشنل پریس کلب میں تنظیمی ساتھیوں اور صحافیوں سے بات چیت کر تے ہوئے کیا صوبائی سیکریٹری تنظیم سازی علامہ بر کت مطہری نمائندہ وحدت نیوز جعفر آباد نذیر حسین بلوچ و دیگر بھی ان کے ہمراہ تھے،۔

علامہ مقصود علی ڈومکی نے مزید کہا کہ اسلامی جمہوریہ ایران پوری امت مسلمہ کیلئے روشنی کی ایک کرن کی حیثیت رکھتا ہے امام خمینی ایک بڑے عالمی ممبر تھے مسلم امہ کو یکجہتی اوراتحاد کا درس دیکر انہوں نے جو کارنا مہ سر انجام دیئے وہ ہمارے لیئے مشعل راہ ہے انہوں نے قائد شہید علامہ عارف حسینی کو خراج عقیدت پیش کر تے ہوئے انکی دینی قومی خدمات پر روشنی ڈالی اس موقع پر آل ڈومکی اتحاد کے شاہنواز گولہ مہر اللہ ڈومکی راجہ ڈومکی محمد علی ترین بھی موجود تھے۔