وحدت نیوز(ملتان) مجلس وحدت مسلمین پنجاب کے ڈپٹی سیکرٹری جنرل علامہ سید اقتدار حسین نقوی نے کہا ہے کہ پاکستان کے قیام میں اہلیبیت کے چاہنے والوں کی عظیم قربانیاں ہیں، بانی پاکستان اور اُن کی بہن محترمہ فاطمہ جناح نے اس سرزمین کی لیے اپنی جان تک کی پرواہ نہ کی لیکن افسوس کہ کل تک اس ملک کو کافرستان اور اور بابائے قوم کو کافر اعظم کہنے والے آج اس ملک کے اقتدار پر قابض ہیں۔ ملتان سے جاری بیان کے مطابق ایم ڈبلیو ایم پنجاب کے ڈپٹی سیکرٹری جنرل کا کہنا تھا کہ قیام پاکستان سے لے کر آج تک ہماری قوم نے اس ملک کی تعمیر وترقی میں اپناتن من دھن قربان کیا۔ اُنہوں نے مزید کہا کہ آزادی کی قدر غلام قوموں کو ہوا کرتی ہے، ہماری آزادی ہمارے شہداء کی مرہون منت ہے، ہم نے اس ملک کی تعمیر وترقی اور بقاء کی خاطر ہزاروں جوانوں کی قربانیاں دیں ہیں اور انشاء اللہ اس ملک کی بقاء کے لیے بڑی سے بڑی قربانی دینے سے دریغ نہین کریں گے۔
وحدت نیوز (کراچی) یوم آزادی پر پاکستان کی بقاء ،سلامتی اور خوشحالی تجدید عہد اور ملک دشمنوں سے جنگ کے عزم کا دن ہے۔یوم آزادی پر شہدائے پاکستان کو خراچ عقیدت پیش کرتے ہیں ۔14اگست تجدید عہد وفا کا دن ہے یہ ارض وطن خداوند کریم کی بر صغیر کے مسلمانوں کیلئے نعمت ہے کسی ملک و اسلام دشمن قوتوں کے ایجنڈے کو اس ملک میں کامیاب نہیں ہونے دیں گے ۔بانیان پاکستان قائد اعظم محمد علی جناح ؒ و مفکر پاکستان علامہ محمد اقبالؒ اور شہدائے پاکستان کو سلام عقیدت پیش کرتے ہیں۔ان خیالات کا اظہار 68ویں یوم آزادی کی تقریبات سے خطاب میں ایم ڈبلیوایم کے سیکر ٹری سیاسیات علی حسین نقوی، نے کیا یوم آزادی کی تقریبات کے حوالے سے مجلس وحدت مسلمین کی جانب سے نمائش چورنگی بالمقابل مزار قائد مرکزی کیمپ لگایا گیا جہاں یوم آزادی شہدائے پاکستان کے نام سے شمع روشن کی گئی اور 68پاؤنڈ کا کیک کا ٹا گیاجس میں ایم ڈبلیو ایم کی جانب سے شہر کے مختلف علاقوں سے نکالی جانے والی ریلیوں میں موجود کارکنان سمیت مختلف سیاسی و مذہبی جماعتوں کے رہنماؤں حسن ہاشمی ،نا صر شیرازی، ڈاکٹر قیصر ،مطلوب اعوان،علامہ علی انور ، علامہ صادق جعفری ،علامہ احسان دانش ،علامہ مبشر حسن ،ڈا کٹر مدثر حسین ،آصف صفوی،نا صر الحسینی ،رضوان پنجوانی ،کاظم راجیہ،روح اللہ الحسینی ،احسن عباس ،زین رضوی ،امتیاز عباس اور زمان رضوی سمیت عوام کی بڑی تعداد موجود تھی ،جشن آزادی کی خوشی میں ملی نغموں کی گونج پر مرکزی کیمپ نمائش چورنگی پر شاندار آتش بازی کی گئی۔ دریں اثناء ایم ڈبلیو ایم کے رہنماؤں کے وفد نے مزار قائد پر حاضری دی اور فاتحہ خوانی کی اور علامہ احسان دانش نے وطن عزیر کی سلامتی و خوشحالی کیلئے خصوصی دعا کرائی ۔ اس موقع پر میڈیا سے گفتگو کرتے ہوئے رہنماء علی حسین نقوی کا کہنا تھا کہ پاکستان ہماری شناخت اور رب کریم کی طرف سے عطاکی گئی ایک عظیم نعمت ہے۔ہمارا یہ وطن ہماری مذہبی آزادی ، ہمارے عقیدوں کے تحفظ اور نسلوں کی بقا کا ضامن ہے۔ہمیں اپنی جان و مال سے بڑھ کر اس کی حفاظت کرنا ہو گی۔حب الوطنی کے جذبے سے شرسار ہوکر ہر اس دشمن کے خلاف ہم نے سیسہ پلائی ہوئی دیوار بننا ہے جو ہماری سالمیت اور بقا کا دشمن ہے۔ہم نے اپنے اتحاد ،وحدت، باہمی احترام اور رواداری سے ملک دشمن سازشوں کو شکست دینا ہو گی۔
وحدت نیوز (کوئٹہ) مجلس وحدت مسلمین کوئٹہ ڈویڑن کے میڈیا سیل سے جاری شدہ بیان ڈویژنل سیکریٹری سیاسیات کامران حسین نے کہا ہے کہ صوبہ بلوچستان کے مختلف سرکاری اداروں میں ملازمین کو میرٹ کے بنیاد پر منتخب نہیں کیا جا رہا ہے۔ جو افراد قابلیت رکھتے ہیں اور ان چیزوں کے اصل حقدار ہے انہیں انکے حق سے محروم رکھا جا رہا ہے۔ یہ صوبے میں کرپشن اور بد عنوانی کو فروغ دینے والا عمل ہے جس سے صوبے میں ترقی کی شرع میں کمی واقع ہوتی ہے اور اسی طرح نا اہل سرکاری ملازمین اپنے ہی طرز کے نااہل لوگوں کو آگے اس ادارے میں جگہ دیتے ہیں اور سارا نظام خراب ہو جاتا ہے۔ شاید ہمارے موجودہ پسماندگی کے ذمہ دار اس وقت رٹائیرمنٹ کے مزے لوٹ رہے ہو مگر ان کے اس عمل نے صوبے کو بے انتہا پستی میں مبتلا کر دیا ہے،سرکاری نظام کے خرابی سے صوبے میں کرپشن، بدعنوانی، رشوت ستانی اور دیگر برے افعال میں اضافہ ہوگا، سرکاری ملازمین اپنے عہدے کا نا جائز فائدہ اٹھانے کے بجائے ملک کو فائدہ پہنچانے کی کوشش کرے تاکہ ہمارا ملک ترقی کی راہ میں چل سکے آئیندہ اگر ہم ان چیزوں پر قابو پا لے تو شاید بلوچستان ، پاکستان کا اہم ترین صوبہ بن جائے گا اور وطن عزیز پاکستان کے لئے ترقی کی ایسی راہ ہموار ہوگا جسکی پورے تاریخ میں شاید ہی کوئی مثال ملے۔
انہوں نے مزید کہا ہے کہ لوکل گورنمنٹ کے محکمے میں اسسٹنٹ ہائیجین پروموٹر گریڈ 1 کی اسامی کیلئے بلوچستان ٹیسٹنگ سروس کا امتحان ہوا، جس میں پہلی پوزیشن حاصل کرنے والی خاتون کو اس اسامی کیلئے منتخب تو کیا گیا مگر دوسری پوزیشن حاصل کرنے والی خاتون کے بجائے تیسری پوزیشن لینے والی خاتون کو منتخب کیا گیا. . اس اسامی کی اصل حقدار حاجرہ مبارک ہے جنہوں نے اپنے محنت سے اس امتحان میں اچھے نمبر اور پوزیشن حاصل کی مگر ان سے انکا حق چھین لیا گیا۔ بیان میں مزید کہا گیا کہ یہ صوبہ بلوچستان میں میرٹ کی پامالی کا منہ بولتا ثبوت ہے اور حقدار کی حق تلفی سے ادارے میں مزید خرابیوں کا آغاز ہوگا اور یہی بات کل کو صوبے کی پسماندگی کا باعث بنی گی۔ حکومت سب سے پہلے تو اس بات کا نوٹس لے کر حاجرہ مبارک کو انکا حق دلائے تاکہ کوئی بھی محنت کش مایوسی کا شکار نہ ہو سکے اور لوکل گورنمنٹ کی نااہلی اور من مانی کا بھی نوٹس لے ۔
وحدت نیوز(گلگت) گلگت بلتستان قانون ساز اسمبلی نے ایک قراداد کو متفقہ طور پر منظور کیا ہے جس میں پاکستانی حکومت سے پاک چین اقتصادی کوریڈور کے مشاورتی کمیٹی میں گلگت بلتستان کو نمائندگی دینے اور گلگت بلتستان میں اقتصادی کوریڈور کے کم سے کم دو اکنامک زون بنانے کا مطالبہ کیا گیا ہے۔قراداد میں کہا گیا ہے کہ گلگت بلتستان جغرافیائی لحاظ سے نہایت ہی اہمیت کا حامل خطہ ہے۔یہ خطہ پاک چین اقتصادی راہداری منصوبے کا گیٹ وے ہے اور منصوبے پر عملدرآمد کے نتیجے میں خطہ گلگت بلتستان دونوں ممالک کے علاوہ سنٹرل ایشیائی ممالک مشروقی وسطیٰ اور یورپی ممالک کے مابین تجارتی مرکز میں تبدیل ہوسکتا ہے۔یہ قراداد مجلس وحدت مسلمین کے رکن اسمبلی حاجی رضوان نے ایوان میں پیش کی، قرارداد میں بحث کا آغاز کرتے ہوئے نون لیگ کے رکن اسمبلی میجر (ر) محمد امین نے پاکستانی حکومت کو شدید تنقید کا نشانہ بناتے ہوئے کہاکہ پاکستان مسلسل 68 سالوں سے گلگت بلتستان کو نظرانداز کر رہا ہے ہر دور حکومت میں ہمارے حقوق پامال ہو رہے ہیں قائد حزب اختلاف شاہ بیک نے کہا کہ اس منصوبے سے گلگت بلتستان کو کیافائدہ اور نقصان ہے ہمیں آگاہ کیا جائے۔اس قراداد کی کسی بھی رکن نے مخالفت نہیں کی جس پر اسپیکر فدا نادشاد نے قراداد کو متفقہ طور پر منظور ی کا اعلان کیا۔
وحدت نیوز(کوئٹہ) مجلس وحدت مسلمین کوئٹہ ڈویژن کے سیکریڑی جنرل عباس علی نے ہزارہ ٹاون بروری میں مختلف وفود سے باتیں کرتے ہوئے کہا کہ بارشوں اور سیلاب کے بہانے سے پنجاب اور سندھ میں مسلم لیگ ن اور پاکستان پیپلز پارٹی جیسی سیاسی حکومتوں کو بلدیاتی انتخابات نہ کرانے کا ایک موقع میسر آگیا ہے اور یہ پاکستان کے عوام کے لیے انتہائی تکلیف دہ ہے۔ پاکستان کی تاریخ میں پہلی مرتبہ سیاسی حکومتوں میں سپریم کورٹ کی حکم سے بلوچستان اور خیبر پختونخواہ میں بلدیاتی انتخابات ہوئے اور اس کے ساتھ ساتھ ملک بھر میں کنٹومنٹ بورڈ کے بھی انتخابات ہوئے ۔ سپریم کورٹ کے احکامات اور اعلی ٰ عدلیہ کے کوششوں کے باوجود پنجاب اور سندھ میں بلدیاتی انتخابات کا انعقاد ابھی تک ایک خواب ہے۔ یہ دونوں سیاسی جماعتیں اپنے بارے میں اس تاثر کو مضبوط کر رہی ہے کہ وہ نچلی سطح پر عوام کو اختیارات نہیں دینا چاہتی ہیں۔ پاکستان کو اس وقت سب سے زیادہ ضرورت مضبوط مقامی حکومتوں کی ہے۔ ہمارے سامنے ان ملکوں کی مثالیں بھی موجود ہیں جنہوں نے جنگوں اور خانہ جنگی کے حالت میں بھی انتخابات کرائے، دور جانے کی ضرورت نہیں ہے بلوچستان اور خیبر پختونخواہ میں امن وامان کی صورتحال پنجاب اور سندھ سے زیادہ خراب تھی۔ اس کے باوجود وہاں انتخابات منعقد ہوئے۔ بارش اور سیلاب کا بہانہ کوئی ایسا بہانہ نہیں ہے جسے قبول کیا جاسکے۔ حقیقیت یہ ہے کہ پنجاب اور سندھ کے حکومتیں بلدیاتی انتخابات کرانے کے لیے تیار ہی نہیں ہے۔ یہ ہماری سیاسی تاریخ کا انتہائی ناقابل فخر پہلوہے کہ ہماری سیاسی جماعتیں لوگوں کو نچلی سطح اختیارات منتقل کرنے اور انہیں با اختیار بنانے کے معاملے میں غیر جمہوری رویوں کی حامل ہیں۔ اس کا بنیادی سبب یہ ہے کہ ان سیاسی جماعتوں پر ملک کی اشرافیہ کا قبضہ ہے یہ اشرافیہ صرف ڈیڑھ دو ہزار خاندانوں پر مشتمل ہیں اور وہ جمہوریت کو صرف اپنی حکمرانی اور کرپشن کے لیے استعمال کرتے ہیں۔یہ اشرافیہ نچلی سطح پر سیاسی اور مالیاتی اختیارات حاصل کرنے کی راہ میں سب سے بڑی رکاوٹ ہے۔ یہی اشرافیہ جمہوریت کے ثمرات بھی عام لوگوں تک نہیں پہنچنے دے رہی ہے۔ اسے خوف ہے کہ مقامی حکومتوں کے ذریعے نچلے طبقات سے سیاسی قیادت ابھر کر سامنے آسکتی ہے۔ جو اس کی اجارہ داری کو چیلنج کرسکتی ہے۔ اسی لیے وہ نہیں چاہتی کہ بلدیاتی انتخابات ہوں۔صوبائی حکومتیں مقامی سطح کے مسائل حل کرنے میں مکمل طور پر ناکام ہوچکی ہیں اس صورتحال میں سیاسی جماعتوں کو چاہیے کہ وہ بلدیاتی اداروں کو اختیارات دے کر جمہوری اداروں کو مضبوط کریں اور رائے عامہ کو مزید اپنے خلاف نہ ہونے دیں۔دریں اثنا ء مجلس وحدت مسلمین پشتونخواہ ملی عوامی پارٹی کے ایم پی اے نصراللہ زیرے کے والدہ ماجدہ کے انتقال پر دلی رنج اور غم کا اظہار کرتی ہے۔ اور دعا گو ہے کہ اللہ تعالیٰ مرحومہ کو اپنے جوار رحمت میں جگہ دے اور پسماندگان کو صبرجمیل عطا فرمائے۔
وحدت نیوز (اسلام آباد) مجلس وحدت مسلمین پاکستان شعبہ تبلیغات کے مرکزی سیکریٹری علامہ اعجاز حسین بہشتی نے یوم آزادی پاکستان کے مو قع پر تمام محب وطن پاکستانیوں کو آزادی کی مبارک باد پیش کرتے ہوئے کہا ہے کہ اس وقت وطن عزیز پاکستان کو اندورونی اور بیرونی خطرات اور معاشی و سیاسی مشکلات کا سامنا ہے ، لیکن پاکستانی عوام اورہمارے مضبوط سیکورٹی ادارے بیک وقت تمام محازوں پر پاکستان دشمن عناصر کے خلاف بر سر پیکار ہیں، اس مشکل وقت میں ملت تشیع کے علماء اور جوان پاکستان کی حفاظت اور وطن عزیز میں امن و امان کی بحالی کے لئے ہر میدان میں پاکستان کے سیکورٹی اداروں کے شانہ بہ شانہ کھڑے ہیں۔
انہوں نے کہا کہ میں سلام پیش کرتاہوں اُن بہادر جوانوں کو جنہوں نے قیام پاکستان سے لیکر اب تک اس وقوم و ملت کی سلامتی کے لئے اپنے جانوں کی قربانی پیش کی، اور سلام ہو خانوادہ شہداء پر ان کے عظیم عزم و حوصلوں پر جنہوں نے پاکستان کی حفاظت کے لئے اپنے لخت جگر کی قربانیوں سے دریغ نہیں کیا۔وطن عزیز پاکستان کی حفاظت اور امن آمان کی بحالی کے لئے ہم اپنی تمام تر کوششیں جاری رکھیں گے اور وطن کی دفاع ہماری اولین ترجیح ہے۔
علامہ اعجاز بہشتی کا مزیدکہنا تھا کہ وطن عزیز پاکستان سے دھشت گرد تکفیریوں اور ان کے سیاسی اور مسلح ونگ کا خاتمہ نہایت ضروری ہے، جب تک تکفیریت کی سوچ اور ان کے سہولت کاروں کو انجام تک نہیں پہنچایا جاتا تب تک پاکستان میں امن امان کی بحالی ناممکن ہے۔ آج کراچی ،کوئٹہ، وزیرستان سمیت ملک کے ہر کونے میں دھشت گردوں کے خلاف آپریشن جاری ہے اورخصوصا آپریشن ضرب عضب نے ان دہشت گردوں کی کمر توڈ دی ہے،پاک فوج اور دیگر سیکورٹی اداروں کی ان کامیابیوں پرہمیں فخر ہے ۔
