The Latest
وحدت نیوز (لاہور) امامیہ اسٹوڈنٹس آرگنائزیشن پاکستان کے سابق مرکزی صدر اور ایم ڈبلیو ایم کے سیکرٹری سیاسیات سید ناصر عباس شیرازی نے لاہور ڈویژن کے زیراہتمام آئی ایس او کے مرکزی سیکرٹریٹ لاہور میں انقلاب اسلامی ایران کی سالگرہ کے موقع پر خطاب کرتے ہوئے کہا کہ انقلاب اسلامی ایران جب سے شروع ہوا، تب دنیا 2 بلاکوں میں تقسیم تھی، ضروری تھا کہ روس کے ساتھ رہیں یا امریکہ کے ساتھ، دنیا میں چلنا ان کے بغیر ناممکن تھا، یہ دونوں سسٹم حالت جنگ میں ہونے کے باوجود دین کے مخالف تھے۔ اُن کا کہنا تھا کہ انقلاب اسلامی نے باطل قوتوں کو روند ڈالا اور باطل پرست شاہ کو، جو امریکہ کی آس لگائے بیٹھا تھا، ملک چھوڑ کر بھاگنا پڑا۔ انہوں نے مزید کہا حزب اللہ لبنان کی کامیابی انقلاب اسلامی کی بدولت ہے، امام خمینی کا انقلاب دنیا بھر کے مستضعفین کے لئے مشعل راہ اور امید ہے۔
انہوں نے کہا کہ دنیا کے مظلوم آج بھی پرامید ہیں کہ ان میں بھی کوئی نہ کوئی خمینی ضرور اٹھے گا اور باطل قوتوں کے تخت الٹ کر انصاف کا بول بالا کرے گا۔ انہوں نے کہا کہ فلسطین ہو یا کشمیر، چیچنیا ہو یا بوسنیا ہر جگہ کے مظلوموں نے انقلاب اسلامی ایران کے چراغ سے روشنی لے کر اپنی جدوجہد آزادی کو دوام بخشا، کچھ کامیاب ہوئے اور کچھ کا سفر جاری ہے، لیکن کامیابی ان کے مقدر میں لکھ دی گئی ہے۔ انہوں نے کہا کہ وہ قومیں جو اپنے اسلاف کے نقش قدم پر چلتی ہیں، وہ ناکام نہیں ہوا کرتی۔ امام خمینی نے امام حسین علیہ السلام سے درس حریت لیا اور ایران کی سرزمین پر یہ نعرہ بلند کیا کہ ’’ہے ہماری درس گاہ کربلا کربلا‘‘ اور اسی کربلا کے طفیل آج ایران قوم پوری دنیا میں فخر سے جی رہی ہے اور استعمار اپنی تمام تر سازشوں کے باوجود ناکام و نامراد ہے اور انقلاب کے خلاف اس کا کوئی حربہ کامیاب نہیں ہو رہا، بلکہ انقلاب روز بروز مضبوط سے مضبوط تر ہوتا جا رہا ہے۔
وحدت نیوز (اسلام آباد) پشاور امامیہ مسجد حیات آباد پردہشتگردوں کے حملے نمازیوں کی شہادت پر مجلس وحدت مسلمین پاکستان کے سربراہ علامہ راجہ ناصر عباس جعفری ،مرکزی ڈپٹی سیکرٹری جنرل علامہ امین شہیدی ،پنجاب کے سیکرٹری جنرل علامہ عبدالخالق اسدی کی شدید مذمت ،اس المناک سانحے کے خلاف ملک بھر میں تین روزہ یوم سوگ کا اعلان، حیات آباد دہشت گردی کے واقعے پر ہنگامی اجلاس سے خطاب کرتے ہوئے مجلس وحدت مسلمین پاکستان کے سربراہ علامہ راجہ ناصر عباس جعفری کا کہنا تھا کہ حکمران ملک سے دہشت گردی کے خاتمے میں مخلص نہیں ،وزیراعلیٰ پنجاب،وزیر داخلہ دہشت گردوں کو بلا کر کاروائی نہ کرنے کی یقین دہانی کراتے ہیں ،دہشت گردوں کے سہولت کاروں کو مکمل حکومتی پروٹوکول حاصل ہیں ہمیں حب الوطنی کی سزا دی جارہی ہے،حکومت ہمیں دہشت گردوں کی خوشنودی کے لئے ہراساں کر رہی ہے ملک بھر میں ملت جعفریہ کے ہونے والے قتل عام کی ذمہ دارن لیگ کی حکومت ہے۔
علامہ راجہ ناصر کا کہنا تھا کہ صوبہ خیبر پختونخواہ کی حکومت بھی اس المناک سانحے کے برابر کے ذمہ دار ہیں جنہوں نے اس اہم جگہ کی حفاظت کے لئے کوئی اقدام نہیں کئے انہوں نے کہا کہ نمازیوں نے جس بہادری کیساتھ دہشت گردوں کا مقابلہ کیا ان کی ہمت کو سلام پیش کرتے ہیں وفاقی حکومت اور ریاستی ادارے پانی سر سے گذرنے کا انتظار نہ کرے ،ہم مزید لاشیں اُٹھانے کے متحمل نہیںملک میں ہمارے خلاف ایک طرف دہشت گرد کاروائیاں کرتے ہیں تو دوسری طرف حکومت دہشتگردی سے متاثرہ فریق کو ہراساں کر رہی ہے۔انہوں نے کہا کہ مجلس وحدت مسلمین اتوار کو دہشت گردی کے اس واقعے کے خلاف ملک گیر مظاہرے کریگی ،اجلاس میں فیصلہ کیا گیا کہ لاہور میں اتوار 15 فروری میں کو سنٹرل کابینہ اور اتحادی جماعتوں کا اجلاس بلایا جائے گا اور متوقع ہے کہ لوگوں کو اسلام آباد کی طرف کال دی جائے۔
وحدت نيوز (نوشہروفیروز) مجلس وحدت مسلمین کی جانب سے کل ہونے والی شٹر بند ھڑتال اور 15 مارچ کو هونے والالانگ مارچ کامیاب بنانے کے لئے آل پارٹیز کانفرنس طلب کی گئی جس کی صدارت صوبائی سيکریٹری فلاح و بہبود سيد امتياز شاہ بخاری نے کی جس میں ایم ڈبلیو ایم کے ضلعی سیکریٹری جنرل اعجاز ممنائی، مولانا یوسف حسینی، مولانا عبدالحسین، مولانا محب علی، اظہر بلوچ، ایس یو پی، قومی عوامی تحریک، ایس ٹی پی، شیعہ علماء کونسل، اصغریہ پاکستان اور سیاسی و سماجی تنظیموں کے رھنمائوں نے شرکت کی جس میں ھڑتال کی مکمل حمایت اور لانگ مارچ کو بھرپور استقبال کرنے کی یقین دھانی کرائی اس موقع پر رھنمائوں نے کہا کہ شکارپور کے واقعے پر حکمرانوں کی خاموشی سے پتا چلتا ہے کہ حکمران دھشتگردوں سے ملے ہوئے ہیں اس لئے دھشتگردوں کے خلاف کاروائی کرنے سے گریز کررہے ہيں جب وزيرداخلہ کہ چکا ہے 10 پرسنٹ مدارس دھشتگردی میں ملوث ہیں جن کو بیرونی ملکوں سے فنڈ مل رہے ہيں مگر ان مدارس کے خلاف کاروائی نہ کرنا لمحہ فکریا ہے کل سندھ بھر پور پرامن شٹربند ھڑتال کی جائيگی۔
وحدت نیوز (نصیرآباد) وارثان شہداء کمیٹی شکارپور کی جانب سے سانحہ شکار پور کے دہشتگردوں کی عدم گرفتاری کے خلاف کل بروز جمعہ کو کی گئی شٹر ڈاؤن ہڑتال کی اپیل پر ہم مجلس وحدت مسلمین ضلع قمبر شہداد کوٹ کی جانب سے ان کی مکمل تائید کرتے ہوئے ہم کل ضلع قمبر شہداد کوٹ میں شٹر ڈاؤن کا اعلان کرتے ہیں ۔مجلس وحدت مسلمین ضلع قمبر شہداد کوٹ کے سیکریٹری جنرل سید اختر عباس نقوی اور سیکریٹری تنظیم سازی حبدار علی لغاری نے وحدت آفس میں پریس کانفرنس کرتے ہوئے کہا کے سندھ حکومت امن امان بحال کرانے میں مکمل طور ناکام ہو چکی ہے ، سندھ کے اندر دن با دن دہشتگردی ، انتہا پسندی ، فرقے واریت بڑہتی جا رہی ہے مگر سندھ حکومت خاموش تماشائی بنی ہوئی ہے ، جس کی تازہ مثال سانحہ شکارپور ہے ، جس کو 15 دن ہو چکے ہیں مگر سانحہ میں ملوث دہشتگرد آزاد گھوم رہیں ، اس لئے ہمیں یہ سخت اقدامات اٹھانے پڑ رہے ہیں کے جمعہ کے دن پورے پاکستان میں شٹر ڈاؤں کر رہے ہیں اور اتوار 15 فیبروری کو شکارپور سے کراچی تک لبیک یا حسینؑ لانگ مارچ کرکے وزیر اعلیٰ ہاؤس گھیراء کرینگے ، اور جب تک پوری سندھ میں فوجی آپریشن ضرب عضب نہیں ہوتی اور نا اہل وزیر اعلیٰ کو نہیں ہٹایا جاتاہم وہاں سے نہیں اٹھینگے ۔ ہم اس عظیم جدوجہد میں انسان دوست ، مظلومین کے حامیوں ،اور سندھ دھرتی کے لئے نیک خواہشات رکھنے والے افراد کو ساتھ دینے کی اپیل کرتے ہیں ۔
وحدت نیوز (اسکردو) مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی نے اپنے ایک بیان میں کہا ہے کہ سرکاری اداروں میں کرپشن کا نہ ختم ہونے والا سلسلہ شروع ہو ا ہو اہے او ر محکمہ تعلیم میں غیرقانونی بھرتیاں نگران حکومت کے منہ پر طمانچہ ہے۔محکمہ تعلیم کا قبلہ درست کرنے کے لیے قوم تیار رہے کرپشن مافیا نے محکمہ تعلیم میں بدترین بدعنوانی کو تاحال جاری و ساری رکھا ہو اہے جو کہ نئی نسل کے ساتھ خیانت اور بدترین جرم ہے۔ محکمہ تعلیم میں اصلاحات کے لیے نہ سیکیورٹی ادارے مخلص نظر آتے ہیں، نہ قانون نافذ کرنے والے ادارے اور نہ احتسابی ادارے۔ محکمہ تعلیم میں جاری بدعنوانیوں اور غیرقانونی تقرریوں کے خلاف ریاستی ادارے اور اعلی حکام یرغمال ہونے کی بجائے اس ادارہ سے کرپشن کو پاک کرنے کی کوشش کی جائے بصورت دیگر یہ مافیا دیگر اداروں کو دیمک کی طرح چاٹ کربرباد کرے گا۔انہوں نے کہا کہ نگران دور حکومت میں بجلی لوڈشیڈنگ، چور بازاری،بدعنوانی اوراخلاقی بے راہ روی کا دور دورہ نظر آتا ہے۔خطہ میں جاری بدعنوانی اور مظالم کے خلاف عوام کو اٹھ کھڑا ہونے کی ضرورت ہے، عوام خود آگے آکے جمہوری طاقت سے بدعنوانی اور مظالم کیخلاف قیام کرنے کی ضرورت ہے۔سیکیورٹی ادارے بلتستان کے حالات کو آسان نہ لیں علائم کچھ اچھے نہیں دکھ رہے ہیں ۔ اتحاد مسلمین کے خلاف سازشی عناصر سرگرم عمل ہے۔ عوام ہشیار رہیں اور کسی قسم کی سازش میں آئے بنااپنے صفوں میں اتحاد قائم رکھیں۔ انہوں نے کہا آئی جی پی گلگت بلتستان کو بلتستان میں خوش آمدید کہتے ہیں اور امید کرتے ہیں کہ وہ بھی روایتی دورہ سے ہٹ بلتستان کے دورہ میں مثبت تبدیلی لانے اوریہاں کے پولیس کو درپیش مسائل حل کرنے میں اقدامات اٹھائیں گے۔ ان سے امید کرتے ہیں کہ سکردو میں قائم پی ٹی سی کو فنکشنل کریں گے اور یہاں موجود پولیس نفری کو کمی کودور کرنے اور استحقاق رکھنے والے پولیس آفیسران کی پروموشن کریں گے اور محکمہ پولیس کی کارکردگی کو مزید بہتر کرنے کے لیے وسائل کی فراہمی کو یقینی بنائیں گے۔
وحدت نیوز (پشاور) مجلس وحدت مسلمین خیبر پختونخوا کے صوبائی سیکرٹری جنرل علامہ سید سبطین حسینی نے شہدائے بنگش و اورکزئی کانفرنس سے خطاب کرتے ہوئے کہا ہے کہ ملک سے زیادہ بیرون ملک سرمایہ رکھنے والے حکمران وطن عزیز اور اس میں رہنے والے مہذب و مکرم شیعیان علی ابن ابیطالب کا دفاع کیسے کر سکتے ہیں۔ آج کا یہ پروگرام سالہا سال گزرنے کے باوجود شہداء کی یہ عظیم یاد اس بات کا واضح ثبوت ہے کہ ہم اپنے شہداء کو نہیں بھولے، ان کی یاد کو نہیں بھولے، ان کے مشن کو نہیں بھولے، ان کی عظیم قربانیوں کو نہیں بھولے، عصر حاضر کا تقاضا ہے کہ وطن عزیز کا دفاع اور شیعیان علی ابن ابیطالب کی حفاظت ہم خود کریں۔ ان حکمرانوں کے آقاوں کو شریکۃ الحسین (س) نے دربار شام میں فرمایا تھا کہ میں ان لوگوں سے خیر کی کیا توقع رکھوں جن کے ابدان کا گوشت شہداء کے خون سے بنا ہے۔ تو اس ملک عزیز کا اربوں روپیہ ہڑپ کرنے والے نااہل حکمرانوں سے خیر کی توقع کیسے کی جاسکتی ہے۔
لوہے ، تانبے اور سونے کے ذخائرکی رائیلٹی پر پہلا حق رجوعہ سادات کے مکینوں کا ہے،علامہ عبدالخالق اسدی
وحدت نیوز (لاہور) چینوٹ رجوعہ سادات سے معدنی ذخائر کا نکلنا خدا وندکریم کی جانب سے پاکستان کے غریب عوام پر خاص عنایت ہے،خدا ہمارے حکمرانوں کو توفیق دے کہ وہ ان وسائل کو عوامی فلاح بہود اور ملکی ترقی کے لئے بروئے کار لائیں،پاکستان کی سر زمین کو اللہ نے بے پناہ قدرتی وسائل سے نوازا ہے اگر ہم اپنے ملکی معدنی وسائل پر توجہ دیں تو پاکستان دنیا کا امیر ترین ملک بن سکتا ہے ،لوہے ، تانبے اور سونے کے ذخائرکی رائیلٹی پر پہلا حق رجوعہ سادات کے مکینوں کا ہے،ان خیالات کا اظہار مجلس وحدت مسلمین پنجاب کے سیکر ٹری جنرل علامہ عبدالخالق اسدی نے صوبائی سیکرٹریٹ میں پنجاب کابینہ کے اراکین کے اجلاس سے خطاب میں کیا انہوں نے کہا کہ پاکستان کے اگر حکمران مخلص اور ایماندار ہوں ملک سے توانائی کے بحران کا خاتمہ مہینوں میں ممکن ہے، ہائیڈور پاور پروجیکٹ سے گلگت بلتستان اورخیبر پختونخواہ سے 80 ہزار میگاواٹ سے زائد بجلی پیدا کی جاسکتی ہے لیکن افسوس کا مقام یہ ہے کہ اس سستی بجلی کے منصوبوں کو فقط اپنے مفادات کے لئے نظر انداز کیا جا رہا ہے ،انہوں نے کہا کہ پاکستان کے جفاکش اور غیور عوام کو چاہیئے کہ وہ صالح اور محب وطن لوگوں کا انتخاب کریں جو ملکی اور عوامی مفادات کے لئے کام کریں ۔
وحدت نیوز (لاہور) پاکستان تحریک انصاف کے چیئرمین عمران خان کی جانب سے شہداء کمیٹی کے لانگ مارچ کی حمایت پر ہم اُن کے شکر گذار ہیں،لانگ مارچ ہر صورت ہوگا،اگر لواحقین شہداء کے لانگ مارچ کو سبوتاژ کرنے کی کوشش کی تو سندھ حکومت کیخلاف ملک گیر احتجاج ہوگا ،پیپلز پارٹی دہشت گردوں کے سامنے بے بس ہے،سندھ کے حکمرانوں نے عوام کو دہشت گردوں کے رحم وکرم پر چھوڑ دیاہے ،تھر کے عوام بھوک سے مررہے ہیں باقی ماندہ سندھ پر دہشت گردوں ،ڈاکوں،بھتہ خوروں اور لینڈ مافیا راج کر رہے ہیں ،پاکستان کی معاشی شہ رگ کو ان نااہل حکمرانوں نے تباہی کے دہانے پر پہنچا دیا ہے ،ان خیالات کا اظہار مجلس وحدت مسلمین پاکستان کے مرکزی سیکرٹری سیاسیات سید ناصر شیرازی نے اجلاس سے خطا ب میں کیا،انہوں نے کہا کہ سانحہ شکار پور میں ملوث دہشت گردوں کے خلاف کاروائی نہ کرنے کے خلاف اندرون سندھ میں آج(جمعہ)کو مکمل شٹر ڈاوُن ہڑتال ہوگی،اور اتوار کو شکار پور سے وزیراعلیٰ ہاوُس تک لانگ مارچ ہو گا،تحر یک انصاف 'ملی یکجہتی کونسل'جے یو آئی (نورانی)،سنی اتحاد کونسل پاکستان،پاکستان عوامی تحریک،اور سندھ کے قوم پرست جماعتوں نے بھی شہداء شکار پور کمیٹی کی13فروری کی ہڑتال ' لانگ مارچ کی حمایت کا اعلان کر دیا ہے،ہم انشااللہ شہداء کے خون کا سودا نہیں ہونے دینگے ۔
وحدت نیوز (کراچی) سانحہ شکار پور شہداء کمیٹی اور وزیر اعلیٰ سندھ کے درمیان ہونے والے مذاکرات میں ڈیڈ لاک برقرار ،شکار پور شہداء کمیٹی کا سندھ میں فوجی آپریشن کا مطالبہ، فوجی آپریشن تک اپنے فیصلے پر قائم ہیں، تیرہ فروری کو سندھ بھر میں شٹر ڈاؤن ہڑتال جبکہ پندرہ فروری کو ہر صورت شکار پور سے وزیر اعلیٰ ہاؤس کراچی تک لانگ مارچ کیا جائے گا۔شکار پور شہداء کمیٹی کا سندھ میں فوجی آپریشن کا مطالبہ، فوجی آپریشن تک اپنے فیصلے پر قائم ہیں، پندرہ فروری کو ہر صورت شکار پور سے زیراعلیٰ ہاؤس کراچی تک لانگ مارچ کیا جائے گا۔ان خیالات کا اظہارسانحہ شکار پور کے شہداء کے وارثین کی جانب سے بنائی گئی کمیٹی کے سربراہ علامہ مقصود علی ڈومکی نے و حدت ہاؤس کراچی میں جاری جنرل باڈی اجلاس میں اپنے ٹیلی فو نک خطاب میں کیا ۔
علامہ مقصود علی ڈومکی کا سندھ حکومت کے ساتھ ہونے والے مذاکرات کے بارے میں کہنا تھا کہ وزیر اعلیٰ سندھ اپنے اقتدار کو تحفظ دینے کی بجائے عوام کے تحفظ کو یقینی بنائیں۔انہوں نے کہا کہ وزیر اعلیٰ سندھ قائم علی شاہ نے شہداء کمیٹی شکار پور کے تمام مطالبات تسلیم کئے ہیں تاہم سندھ میں فوجی آپریشن کے مطالبے پر وہ اپنے اقتدار کو ترجیح دے رہے ہیں جس سے واضح طور پر ظاہر ہوتا ہے کہ قائم علی شاہ اپنا اقتدار بچانے کے لئے عوام کی جانوں کی قربانی دینے پر آماد ہ ہیں جو کہ شرمناک فعل ہے۔
علامہ مقصود علی ڈومکی نے کہا ہے کہ سندھ بھر میں دہشت گردوں کے مراکز پر جب تک فوجی کاروائی عمل میں نہیں لائی جاتی شہداء کمیٹی اپنے فیصلہ جات پر قائم ہے۔سانحہ شکارپور دہشتگردی کے خلاف15فروری کو شکار پور سے وزیراعلیٰ ہاؤس کراچی تک شہداء کے لواحقین کے ہمر ہ لانگ ہر حال میں مارچ کیا جائے گا جبکہ 13فروری کو اندورن سندھ میں سانحہ شکار پور دہشتگردوں کی عدم گرفتاری اور حکومت سندھ کی کالعدم تکفیری گرہوں کی سر پرستی کے خلاف پر امن ہر تاک کی جائے گی۔احتجاج ہمارا قانونی اور آئینی حق ہے اگر ریاست حکمران دہشتگردی کے خلاف اپنی ذمہ داریاں پوری نہیں کرتے تو عوام کو ان کے خلاف اب اُٹھنا ہوگا۔علامہ حسن ہاشمی نے شہداء کمیٹی کے سر براہ علامہ مقصود ڈومکی کو اپنے بھر پور تعاون کی یقین دہانی کرائی اور سانحہ شکار پور میں شہید ہونے والے افراد کے بلندی درجات کیلئے خصوصی دعا کی گئی۔
وحدت نیوز (شکار پور) شکار پور شہداء کمیٹی کا سندھ میں فوجی آپریشن کا مطالبہ، فوجی آپریشن تک اپنے فیصلے پر قائم ہیں، پندرہ فروری کو ہر صورت شکار پور سےوزیراعلیٰ ہائوس کراچی تک لانگ مارچ کیا جائے گا۔ان خیالات کا اظہارسانحہ شکار پور کے شہداء کے وارثین کی جانب سے بنائی گئی کمیٹی کے سربراہ علامہ مقصود علی ڈومکی نے سندھ حکومت کے ساتھ ہونے والے مذاکرات کے بعد گفتگو کرتے ہوئے کیا، ان کاکہنا تھا کہ وزیر اعلیٰ سندھ اپنے اقتدار کو تحفظ دینے کی بجائے عوام کے تحفظ کو یقینی بنائیں۔انہوں نے کہا کہ وزیر اعلیٰ سندھ قائم علی شاہ نے شہداءکمیٹی شکار پور کے تمام مطالبات تسلیم کئے ہیں تاہم سندھ میں فوجی آپریشن کے مطالبے پر وہ اپنے اقتدار کو اولین ترجیح دے رہے ہیں جس سے واضح طور پر ظاہر ہوتا ہے کہ قائم علی شاہ اپنا اقتدار بچانے کے لئے عوام کی جانوں کی قربانی دینے پر آماد ہ ہیں جو کہ شرمناک فعل ہے۔ علامہ مقصود علی ڈومکی نے کہا ہے کہ سندھ بھر میں دہشت گردوں کے مراکز پر جب تک فوجی کاروائی عمل میں نہیں لائی جاتی شہداء کمیٹی اپنے فیصلہ جات پر قائم ہے ۔
