The Latest
وحدت نیوز (گوجرانوالہ) گجرانوالہ سے تعلق رکھنے والے ممبر امن کمیٹی سید مظہرحسین نقوی عرف پارے شاہ ہر دل عزیز اور علاقہ میں اچھے انسان کے طور پر جانے جاتے تھے۔شہید کی نماز جنازہ گھنٹہ گھر چوک میں ادا کی گئی نماز جنازہ میں ، مجلس وحدت مسلمین پاکستان کے مرکزی سیکریٹری جنرل حجتہ السلام علامہ ناصرعباس جعفری سمیت علامہ حسن رضا ہمدانی ، علامہ سخاوت حسین قمی اور سیاسی ،سماجی،مذہبی اور ہر مکتبہ کے افراد نے شرکت کی۔شہید کی نمازہ جنازہ مجلس وحدت مسلمین کے صوبائی راہنما مولانا ملک مظہر عباس کی زیر اقتدا ءادا کی گئی۔جنازہ کے شرکاء سے خطاب کرتے ہوئے مولانا ملک مظہر عباس نے کہا کہ ہم چودہ سو سال سے یزیدیت کے خلاف بر سر پیکار ہیں ۔ہم نے سینکڑوں جنازے اٹھا ئے ہیں ۔ہم ڈرنے والے نہیں ۔دشمن اگر سمجھتا ہے کہ وہ شیعہ قوم کو ختم کر دے گا تو دشمن کی بھول ہے انہوں نے کہا حکمران دہشت گردوں کو تحفظ فراہم کرنا چھوڑ دیں ۔کب تک حکومت خونی کھیل کھیلتی رہے گی۔انہوں کہا کہ حکومت کے دن گنے جا چکے ہیں ۔اب یہ زیادہ دیر چل نہیں سکے گی۔اور عوام خود ان خونی حکمرانوں سے انتقام لے لیں گے۔انہوں نے کہا کہ پاک فوج ان خونی بلوں سے عوام کی جان چھڑوائے اور جمہوری مارشل ء نافذ کرے۔
واضح رہے کہ ضلعی امن کمیٹی گوجرانوالہ کے رکن اور معروف شیعہ راہنما سید مظہر حسین نقوی عرف پارے شاہ مجلس عزا سے واپسی پر دہشت گردوں نے گھوڑا شاہ چوک میں گھات لگائے دہشت گردوں نے فائرنگ کر کے شہید کر دیا ۔دہشت گرد آسانی سے فرار ہونے میں کامیاب ۔مجلس وحدت مسلمین کے کارکنوں کا احتجاج۔تفصیلات کے مطابق ضلعی امن کمیٹی کے رکن اور معروف شیعہ راہنما سید مظہر حسین نقوی عرف پارے شاہ اپنے بھانجے کے ساتھ شہر میں مجلس عزاکے اختتام کے بعدکارپر اپنے گھر گھنٹہ گھر چوک آرہے تھے کہ گھوڑا شاہ چوک میں گھات لگائے دہشت گردوں نے اندھا دھندفائرنگ کر دی جس سے سید مظہر حسین نقوی عرف پارے شا ہ موقع پر ہی شہید ہو گئے جبکہ ان کا بھانجا معجزانہ طور پر فائرنگ سے محفوظ رہا۔واقع کی اطلاے ملتے ہی مجلس وحدت مسلمین اور دیگر شیعہ تنظیموں کے کارکن جائے وقوعہ پر جمع ہو گئے اور ٹائر جلا کر روڑ بلاک کردی اور احتجاج کرتے ہوئے حکومت کے خلاف نعرے بازی کی۔
وحدت نیوز (صناء) یمن کے دارالحکومت صنعا کی شیعہ مساجد پر تین خوکش حملوں کے نتیجے میں کم از کم 137 افراد شہید جب کہ متعدد زخمی ہوگئے۔ غیر ملکی خبر ایجنسی کے مطابق عینی شاہدین کا کہنا ہے کہ پہلا دھماکا دارالحکومت کے جنوب میں بدر مسجد پر ہوا جب کہ دوسرا اس وقت ہوا جب کہ نمازی وہاں امدادی کاموں میں تھے۔ تیسرے دھماکے میں شہر کے شمال میں واقع الہشاہش مسجد کو نشانہ بنایا گیا۔ مغربی میڈیا کے مطابق تینوں خودکش حملوں میں شہید ہونے والے افراد کی تعداد 137 ہے جب کہ 300 سے زائد زخمی ہوئے۔ یمنی وزارت صحت کی آپریشن کمیٹی کے رکن ڈاکٹر نشوان الاتاب کا کہنا ہے کہ 30 زخمیوں کی حالت تشویشناک ہے۔
وحدت نیوز (لاہور) مجلس وحدت مسلمین پنجاب کے سیکرٹری جنرل علامہ عبدالخالق اسدی نے گوجرانوالہ میں سید مظہر حسین نقوی کی ٹارگٹ کلنگ کی شدید مذمت کرتے ہوئے کہا کہ پنجاب میں دہشت گرد آزاد انہ اپنی کاروائیاں جاری رکھے ہوئے ہیں جبکہ حکومت صرف بیانات سے کام لے رہی ہے، علامہ عبدالخالق اسدی نے کہا گوجرانوالہ جو حکمران جماعت کا مرکز ہے میں دہشت گردوں کا امن کمیٹی کے ممبر سید مظہر حسین کو نشانہ بنا نا لمحہ فکریہ ہے انہوں نے کہا کہ دہشت گرد اپنے آپ کو حکمران جماعت کے حلقوں میں محفوظ تصور کرتے ہیں،انہوں نے کہا جس حکومت کی نمائند گی دہشت گردوں کے ساتھی کریں اس سے بھلائی کی توقع رکھنا بے مقصد ہے۔
علامہ عبدالخالق اسدی کا کہنا ہے کہ دہشت گرد جان لیں کہ شیعہ قوم ملک کے لئے قربانیاں دینے سے تھکنے والی نہیں لیکن حکمرانوں کی بے حسی پر ہم خاموش بھی نہیں رہیں گے،علامہ اسدی نے کراچی میں بوہری برادری کے عبادت خانے پر دہشت گردوں کی مذمت کرتے ہوئے کہا کہ کراچی کی امن کو تباہ کرنے والوں کے ساتھ آہنی ہاتھوں سے نمٹنا ہو گا،بصورت دیگر پچھتاوے کے سوا کوئی ہاتھ نہیں آئے گا۔
وحدت نیوز (لاہور) مجلس وحدت مسلمین کے سربراہ علامہ راجہ ناصرعباس کی خصوصی ہدایت پرملک بھر میں جمعہ کے خطاب میں علمائے کرام نے سانحہ یوحنا میں گرجا گھروں پر حملے اور اس کے بعد دوانسانوں کو زندہ جلائے جانے والے واقعہ پر خصوصی روشنی ڈالتے ہوئے لوگوں کو پر امن رہنے کی تلقین کی۔جامعہ مسجد سمن آباد میںنماز جمعہ کے خطبہ سے خطاب کرتے ہوئے مجلس وحدت مسلمین لاہور کے سیکرٹری جنرل علامہ سید امتیاز کاظمی کاکہنا تھا کہ ملک میں سب سے زیادہ دہشتگردی کا سامنا شیعہ قوم کو کرنا پڑا ہے مگراس کے با وجود علمائے کرام نے نوجوانوں کو کبھی قانون ہاتھ میں لینے کی اجازت نہیں دی،انہوں نے کہا کہ حکومت عوام کو تحفظ فراہم کر نے میں مکمل ناکام ہو چکی ہے یوحنا آباد میں خود کش حملہ اور پولیس کے سامنے دو انسانوں کا زندہ جلنا ریاستی اداروں کی ناکامی کا منہ بولتا ثبوت ہے۔
علامہ امتیازنے کہا کہ اگر حکومت کو ٹ رادھا کشن اور اس سے پہلے انسانوں کو زندہ جلائے جانے کے واقعات میں انصاف کے تقاضے پوری کرتی تو لاہور میں ایسا واقعہ پیش نہ آتا،انہوں نے کہا کہ دہشت گردوں کی جانب سے اقلیتوں کو نشانہ بنانے کے اشاروں کے باوجودپنجاب حکومت کی جانب سے گرجا گھروں کی سیکیورٹی کے کوئی خاطر خواہ انتظامات نہیں کیے، شریف برادران کو صرف اپنے اہل خانہ کی حفاظت کی فکرہے،علامہ امتیاز کاظمی نے کہاکہ یوحنا آباد میں صرف دو انسانوں کو نہیں جلایا گیا بلکہ نفرت کی ایک آگ لگائی گئی ہے جس کو بجھانا علمائے کرام اور ہر محب وطن کی ذمہ داری ہے اگر ان واقعات کے تدارک اورذ مہ داران کو قرار واقعی سزا نہ دی گئی تو حالات حکومت کے کنٹرول سے باہر ہو جائیں گے،انہوں نے کہاکہ آپریشن ضرب عضب کی مخالف قوتیں ملک میں افراتفری پھیلانا چاہتی ہیں حکومت کی ذمہ داری ہے دہشت گردوں کے خلاف زبانی جمع خرچ بند کر کے ٹھوس اقدامات کرے ایک باقاعدہ سازش کے تحت اقلیتوں کو نشانہ بنا یا جارہا ہے۔سیکٹری جنرل مجلس وحدت مسلمین لاہور نے کہا کہ نوجوان صبر کا دامن ہاتھ سے نہ جانے دیں اور حکومت انصاف کے تقاضے پورے تاکہ عوام کا حکومتی اداروں پر اعتماد بحال ہو سکے وقت آگیا ہے کہ دشمن کی سازشوں کا منہ توڑ جواب دیا جائے۔
وحدت نیوز (اسلام آباد) وطن عزیز تکفیری دہشتگردوں کی آماجگاہ بن گیا، عبادت گاہیں محفوظ نہیں،اثناعشری کے بعدبوہری شیعہ قوم پر حملے استحکام پاکستان کے خلاف سنگین سازش ہے، حکومت و آرمی دہشتگردوں کے خلاف آپریشن ضرب عزب کا دائرہ وسیع کریں،کراچی بوہرہ جماعت خانہ مسجد پر دہشتگردی کی مذمت کرتے ہیں ،گجرانوالہ مقامی امن کمیٹی کے رکن معروف رہنماء مظاہر حسین نقوی کا ہدف بنا کر قتل اور کراچی میں پر امن بوہری کمیونٹی کو دہشتگردی کا نشانہ بنانے والے ملک و اسلام دشمن تکفیری ہیں، مجرموں کی فوری گر فتاری اور فوجی عدالتوں کے زریعہ جلد از جلد سخت سزادیئے جانے کا مطالبہ کرتے ہیں ،پاکستان میں دینی مدارس کے نام پر دہشتگردوں کے پر وڈکشن ہاؤس کھولے گئے ہیں،حکومت دہشتگردی کے فروغ کا باعث بننے والے مدارس کے خلاف فوری آپریشن کرے ،نوازحکومت ملکی عوام سے مخلص ہیں تو کالعدم جماعتوں اور دہشتگردوں کے پروڈکشن ہاؤس مدارس کے خلاف کاروائی کرے ،آئی ڈی پیز کی آڑ میں وزیرستان سے خطرناک دہشت گردملک بھر میں پھیل چکے ہیں، دہشتگردوں اور ان کے سہولت کاروں کے خلاف بھر پور فوجی آپریشن کی ضرورت ہے۔ان خیالات کا اظہار مجلس و حدت مسلمین پاکستان کے مرکزی سیکر ٹری جنرل علامہ راجہ ناصر عباس جعفری نے کراچی و پنجاب میں ہونے والے دہشتگردی کے واقعات پر وحدت ہاؤس سے جاری اپنے مذمتی بیان میں کیا۔
علامہ ناصر عباس جعفری کا کہنا تھا کہ دہشتگردوں کی ان بزدلانہ کاروائیوں سے ملک کی عوام کے حوصلہ پست نہیں ہونگے، اسلام دشمن عناصر وطن عزیز کو دہشتگردی کی دلدل میں ڈالنے کی منظم سازشوں میں مصروف ہیں مگر اس ملک کے حکمران شاید اپنے اقتدار کی حوس میں عوام کے جان و مال کی حفاظت کرنے میں ناکام نظر آتے ہیں، ملک میں عبادت کرنا جرم بن گیا دہشتگردوں کی پہنچ سے کسی مکتب فکر کی عبادت گاہیں محفوظ نہیں اور اس ملک بھردہشتگردی کے پیچھے وہی تکفیری عناصر ملوث ہیں جو و طن عزیز اور اسلا م دشمن ہیں۔
ان کا کہنا تھا کہ دہشتگر د مسلسل عبادت گاہوں ،مقدس مقامات ،سکیورٹی اداروں سمیت ہدف بنا کرڈاکٹرز ،انجینئرز،وکلاء،پروفیسرزاور سماجی افراد کو نشانہ بنا کر قومی نقصان کر رہے ہیں تو دوسری جانب ہمارے حکمران اپنی سیاسی رنجشیں اور جھگڑوں میں اپنی توانایاں خرچ کر رہے ہیں، ایسے حالات میں بے یارو مدد گار عوام کی نگاہ افواج پاکستان کی طرف ہیں اور انہیں سے امید کرتے ہیں، دہشتگردی کے خلاف جنگ میں ملکی عوام افواج پاکستان کے شانہ بشانہ کھڑیں ہے، حکومت و افواج پاکستان سے مطالبہ کرتے ہیں کہ آپریشن ضرب عزب کا دائرہ پورے میں موجود ان تکفیری عوامل کالعدم دہشتگرد جماعتوں ایسے مدارس جہاں دہشتگردوں کو تر بیت دی جاتی ہے، ان کو تحفظ فراہم کرنے والے سہولت کاروں کے خلاف کیا جائے، ان کا میڈیا ٹرائل کیا جائے تاکہ پھر کسی دہشتگرد اور اس کی حامی جماعت کو پس پشت ان کو پالنے کی جرات نہ ہو، اس ملک سے ان دہشتگردوں کی جڑیں ختم کی جاسکیں۔علامہ راجہ ناصرعباس جعفری نے حکومت سے کراچی بوہرہ جماعت خانہ و گوجرانوالہ معروف سماجی رہنماء مظاہر حسین نقوی قتل میں ملوث دہشتگردوں کی جلد از جلد گرفتاری کا مطالبہ کیا اور جماعت خانہ میں شہید اور ز خمی ہونے والے افراد کے لواحقین سے دلی ہمدردی اظہار کیا۔
وحدت نیوز (لاڑکانہ) وارثان شہداء کمیٹی شکارپور کے چیئرمین علامہ مقصود علی ڈومکی نے ڈی آئی جی لاڑکانہ ڈاکٹرسائیں رکھیو میرانی سے ان کےدفتر میں ملاقات کی اور سانحہ شکارپورکی اب تک کی تحقیقاتی رپورٹ طلب کی، ملاقات کے بعدمیڈیا کے نمائندوں سے باتیں کرتے ہوئےعلامہ مقصودڈومکی نے کہا کہ ، لانگ مارچ میں حکومت کی جانب سے مانے گئے 22 مطالبات پر سوائے ایک آدھ کے ابھی تک کوئی مؤثر عمل در آمد نہیں ہو سکا. واقعے میں ملوث صرف 2 دہشتگردوں کو پکڑا گیا ہے. اس کے پس پرده جتنے عناصر اور طاقتیں ہیں ان کی نشاندہی هونے کے باوجود ان کو بے نقاب نہیں کیا جا رہا. شکارپور کہ اطراف میں بہت سے ایسےنام نہاد دینی مدارس قائم ہیں جہاں دہشتگردوں کو ٹریننگ دی جا رہی ہے. جن میں سے صرف 2 مدرسوں کے خلاف آپریشن کیا گیا ہے. ہم حکومت کو اپنے سارے مطالبات پر عمل درآمد کرنے کے لئیے 26 مارچ کی ڈیڈ لائن دیتے ہیں. دوسری صورت میں احتجاج کا ایک ایسا سلسلہ شروع کیا جائیگا جس میں سندھ بھر کو جام کیا جائیگا. جس سے بچنے کےلئیے بہترہے کہ وزیر اعلی قائم علی شاه اپنے کیئے ہوئے وعدوں کو پورا کریں۔
وحدت نیوز (لاڑکانہ) مجلس وحدت مسلمین صوبہ سندھ کے سیکریٹری امورسیاسیات عبداللہ مطہری نے کہا ہے کہ اسلام امن و سلامتی کا مذہب ہے اور خدا کی طرف سے بھیجے گئے تمام انبیاء آدم تا خاتم نے صرف و صرف امن کا درس دیا، اور امن ہی کے ذریعے دین کی تبلیغ کی. آج جو لوگ الله اکبر کا نعره لگا کر انسانوں کے گلے کاٹ رہے ہیں انھوں نے اسلام کا نام پوری دنیا میں بدنام کیا ہے،ان خیالات کا اظہار انہوں نے جمیعت علمائے پاکستان ضلع لاڑکانہ کے زیر اہتمام منعقدہ امن کانفرنس سے خطاب کرتے ہوئے کیا، اس موقع پر مجلس وحدت مسلمین پاکستان ضلع لاڑکانہ کے سیکریٹری جنرل محترم طارق حسین بدوی ، سیکریٹری سیاسیات مشتاق علی میمن، معاون سیکریٹری حق نواز اعوان، سیکریٹری میڈیا سیل طارق رسول اور سیکریٹری نشرواشاعت اعجاز علی سولنگی نے شرکت کی. اسلام کی آڑ لیکر مسلمانوں کا خون پینے کی یہ روایت ایک دو برس پہلے نہیں بلکہ چودہ سو سال قبل میدان کربلا سے شروع ہوئی، آج بھی انہیں یزیدوں کی آل اولاد مسلمانوں کو بلاتفریق اور معتدل غیر مسلموں کو اپنے وحشیانہ اعمال کا نشانہ بنا رہے ہیں ، آئیں ہم سب مل کر ان تمام کالعدم انتہا پسند دینی تنظیموں، چاہے وه طالبان ہو داعش ہو یا کوئی اور ہو، سب سے لاتعلقی کا اعلان کریں اور ان کو بے نقاب کریں۔
وحدت نیوز (کوئٹہ) مجلس وحدت مسلمین کوئٹہ ڈویژن کے جاری کردہ بیان میں ڈویژنل سیکریٹری سیاسیات رشیدطوری نے کہا ہے کہ ہمارے معاشرے میں اتحاد ، اعتماد ، بھروسے ہی کی کمی نہیں ہے برداشت کی اس سے بھی زیادہ کمی ہے۔ یہ سوچ کر دکھ ہوتا ہے کہ کیسی کیسی محرویوں کو ہم قبول کر لیتے ہیں اور کیسی کیسی باتوں پر پورا ملک ، پورا معاشرہ غیض و غضب کا شکار ہوجاتا ہے۔ سنجیدگی سے بے نیاز عناصر کے ہاتھوں عوام کا مستقبل داو پر نہیں لگایا جاسکتاہے۔ کرخت اور امرانہ رویوں کی گندگی اور جمہوریت کی چھاپ سے ڈھانپنے کی کوشش کی جارہی ہے۔ عوام جمہوریت اور جمہوری عمل کے نام پر فکری آمریت کے چنگل میں پھنسنے کے لیے ہرگز تیار نہیں۔عوام اپنے اندر کے اعتماد کو بحال کرکے ہر فکری آمریت کا مقابلہ کر سکتے ہیں۔ ہمارے ہاں سوال پوچھنے کی آزادی ختم ہورہی ہے۔ جس کی وجہ سے ہر اجتماعی عمل جمود کی طرف گامزن ہے۔
انہوں نے مزید کہا کہ عوام کو فکری بنیادوں پر منظم کرنا ہوگا جس کے لیے سنجیدہ طرز عمل ضروری ہے۔ آج کی دنیا ہمہ گیر تبدیلیوں سے دوچار ہے۔ ایسے حالات میں ہمیں جبر اور استبداد سے دہشت زدہ ہوکر اپنی جمہوری رائے سے کسی صورت دستبردار نہیں ہونا چاہیے۔آزمائشوں سے خوفزدہ ہوکر کرخت اور آمرانہ رویوں کے خلاف بات کرنے سے احتراز برتنے کا لازمی نتیجہ یہی ہے اور معاشرے کے اندرتنوع کے بجائے یک رنگی بڑھ جائیگی۔ یوں فکری جمود اور فکری آمریت کو دوام ملے گی۔ آزادانہ نشوونما کے لیے زہر قاتل ہے۔ عوام کے اندر بڑھتے ہوئے اضطراب اور فکری بے چینی کے اصل اسباب اور محرکات کو نظر انداز کرکے محض اپنے بیانات اور تقریروں کو رنگین بنانے کے لیے عوام کے مسائل اور انکے درمیان اتحاد و اتفاق کی باتوں کا سہارا لینے سے عوام متحد نہیں ہونگے۔ تقسیم در تقسیم کے عمل کے اصل اسباب کو بے نقاب کرنا ہوگا۔
وحدت نیوز (ڈگری) جن مدارس میں قرآن کی تعلیم دی جارہی ہے وہ مدارس احترام کے لائق ہیں ۔ مگر جن مدارس میں دہشت گردی کی تعلیم دی جارہی ہے ان کے خلاف کاروائی کی جائے، ان خیالات کا اظہار مجلس وحدت مسلمین کے ضلعی سیکریٹری جنرل سید بشیر شاہ نقوی نے ڈگری میں پریس کلب میں پریس کانفرنس کے دوران کیا، انہوں نے مزید کہا کہ سندھ میں ایک دو نہیں بلکہ بہت بری تعداد میں غیر رجسڑر مدارس موجود ہیں ۔ سندھ حکومت کو فوری طور پر اندرون سندھ آپریشن کرنے کی ضرورت تھی۔ لیکن سندھ حکومت اندھی اور گونگی ہوچکی ہے ۔حکومت کو عوام کے جان و مال کی کوئی فکر نہیں ۔سندھ حکومت میں بیٹھے نمائندے سرف اور صرف لوٹ مار کے لیے اقتدار میں آئیں ہیں ۔ حکومت اپنا قبلہ درست کرے۔ انہوں نے اندرون سندھ بھی پاک فوج کے آپریشن کا مطالبہ کیا کہ بات پولیس اور رینجرز کے کنٹرول میں نہیں رہی ہم کسی ایک فرد اور جماعت کی بات نہیں کرتے مجرموں کے خلاف بلاتفریق کاروائی کا مطالبہ کرتے ہیں سانح شکار پور کے ملزمان گرفتار ہوچکے ہیں مگر انہیں سیاستدانوں کی سرپرستی حاصل ہے۔
وحدت نیوز (حیدرآباد) مجلس وحدت مسلمین ضلع حیدرآبادکے سیکرٹری جنرل علامہ امداد نسیمی کی سربراہی میں ایک نمائندہ وفد نے کمشنر حیدرآباد سید آصف حیدرشاہ سے ان کے دفتر میں ملاقات کی اس موقع پر ایم ڈبلیوایم کے رہنما مولانا گل حسن مرتضوی، مولانا نور حسن لغاری، عاصم مرزا ، زوار قادر بخش اور عابد علی اور دیگر بھی موجود تھے، ایم ڈبلیوایم کے وفد نے کمشنرحیدرآباد سید آصف حیدرشاہ سے قدم گاہ مولاعلی ؑپر سیوریج کے گندے پانی کی عدم نکاسی ، سڑک کے تالاب بن جانے اور زائرین کو آمدو رفت میں درپیش مشکلات پر شدید احتجاج کیا، علامہ امداد نسیمی نے کہا کہ واسا حکام کی نااہلی اور عدم توجہی کے باعث حیدرآبادشہر کی اہم شاہراہیں گندے پانی میں ڈوبی پڑی ہیں ، سرزمین سندھ کی مقدس ترین زیارت گاہ قدم گاہ مولا علی ؑجو کہ حیدرآباد کی پہچان سمجھی جاتی ہے،آج وہاں زائرین کی آمد و رفت ناممکن ہو تی چلی جارہی ہے، اعترا ف ک سڑکیں اور گلیاں بدبو دار پانی سے ابل رہی ہیں ، بارہا متعلقہ حکام سے رابطے کے باوجود اقدامات نہیں اٹھائے گئے، اس موقع پر کمشنرحیدرآباد سید آصف حیدرشاہ نے ایم ڈبلیوایم کے رہنماوں کو یقین دہانی کروائی کے چانچ روز میں موٹریں لگا کر سارا پانی کھینچ لیا جائے گا، جبکہ کے سڑک کی ازسر نو تعمیر کا آغاز بھی کردیا جائے گا، انہوں نے واسا حکام کو ہدایت جاری کی پانچ روز کے اندر اندر قدم گاہ مولاعلی ؑکے سامنے کھڑے سیوریج کے گندے پانی کی نکاسی کے انتظامات مکمل کیئے جائیں پانچ روز بعد میں وہاں کا دورہ کروں گا اور ننگے پاوں اس سڑک پر چلوں گا اگر میرے پاوں کیچڑلگی تو حکام کے لیئے بہتر نہیں ہوگا۔
