وحدت نیوز(مظفرآباد) سید غفران علی کاظمی مجلس وحدت مسلمین آزاد کشمیر ضلع مظفرآباد کے سیکرٹری جنرل منتخب، ڈپٹی سیکرٹری جنرل مجلس وحدت مسلمین آزاد جموں وکشمیر مولانا سید طالب حسین ہمدانی نے حلف لیا ۔ تفصیلات کے مطابق مظفرآباد کے معروف جوان سماجی رہنماء سید غفران علی کاظمی مجلس وحدت مسلمین آزاد جموں و کشمیر ضلع مظفرآباد کے سیکرٹری جنرل منتخب ہو گئے ، تقریب حلف برداری وحدت ہاؤس مظفرآباد منعقد ہوئی ۔ جس میں ریاستی کابینہ کے اراکین اور ضلع مظفرآباد کے عہدیدارن نے کثیر تعداد میں شرکت کی ۔ مجلس وحدت مسلمین آزاد جموں و کشمیر کے ڈپٹی سیکرٹری جنرل مولانا سید طالب حسین ہمدانی نے سید غفران علی کاظمی سے حلف لیا۔ اس موقع پر گفتگو کرتے ہوئے سید غفران علی کاظمی نے کہا کہ اپنی ذمہ داریوں کو پورا کرنے کی ہر ممکن کوشش کروں گا۔ مجلس وحدت مسلمین کا پیغام گھر گھر پہنچائیں گے ، مجلس وحدت کا پیغام پیغام امن و اخوت ہے، ہم اتحاد بین المسلمین کے لیے کام کریں گے ، مظفرآباد کے مسائل کے حوالے سے اپنا کردار ادا کریں گے ، مجلس وحدت کی تنظیم سازی جلد پورے ضلع میں کی جائے گی۔

وحدت نیوز(گلگت) صدر ممنون حسین کا گلگت میں خواتین یونیورسٹی کے قیام کا اعلان خوش آئند ہے ہم اس اعلان کو قدر کی نگاہ سے دیکھتے ہیں۔صدر پاکستان کے اس اعلان سے مخلوط نظام تعلیم سے دلبرداشتہ خواتین میں خوشی کی لہر دوڑگئی ہے۔خواتین میں بڑھتے ہوئے تعلیمی رجحان کے پیش نظر گرلز ہائی سکول نمبر 1 کو ڈگری کالج کا درجہ دیا جائے ۔

مجلس وحدت مسلمین گلگت بلتستان کے ترجمان محمد الیاس صدیقی نے کہا کہ صدر اسلامی جمہوریہ پاکستان جناب ممنون حسین کے خواتین یونیورسٹی کے قیام کا اعلان ایک مستحسن اقدام ہے ۔علاقے کے عوام کاا یک عرصے سے خواتین کیلئے الگ یونیورسٹی کے قیام کا مطالبہ کیا جاتا رہا ہے اور سال 2015 میں قانون ساز اسمبلی کے چوتھے اجلاس میں مجلس وحدت مسلمین کے رہنما و رکن اسمبلی حاجی رضوان علی کی جانب سے خواتین کیلئے الگ یونیورسٹی کے قیام کی قرارداد متفقہ طور پر منظور کی گئی تھی اور حکومت کی کوششوں سے صدر پاکستان نے گلگت بلتستان کے عوام کا مذہبی رجحان کے پیش نظر خواتین کیلئے الگ یونیورسٹی کے قیام کا اعلان کیا ہے۔خواتین کیلئے الگ یونیورسٹی کے قیام سے وہ خواتین جو مخلوط نظام تعلیم سے گھبراکر اعلیٰ تعلیم کے حصول سے محروم رہتی تھیں وہ یوینورسٹی کے الگ کیمپس ہونے کی صورت میں بھرپور استفادہ کرینگی۔

انہوں نے کہا کہ صدر پاکستان کے اعلان پر حکومت کو اپنی کوششیں تیز کرنی چاہئے اور جلد سے جلد تمام فیکلٹیز سے آراستہ خواتین یونیورسٹی کے قیام کو یقینی بنایا جائے اور گلگت بلتستان کے عوام اس اعلان کو عملی صورت میں دیکھنا چاہتے ہیںصرف اعلان کی حد تک نہیں۔اس سے قبل بھی وفاقی رہنمائوں نے گلگت بلتستان کے دوروں میں بہت سے اعلانات کئے گئے لیکن وہ سب اعلانات ہوا ہوگئے ہیں،اب یہ حکومت کی ذمہ داری ہے کہ وہ کم سے کم مدت میں اس منصوبے کو عملی جامہ پہنائے گی اور یہاں کے خواتین کے دیرینہ مطالبے کو پورا کیا جائیگا۔انہوں نے مزید کہا کہ گرلز ہائی سکول نمبر 1 کو ڈگری کالج کا درجہ دیا جائے چونکہ گلگت میں یہ سب سے قدیم گرلز سکول ہے اور کالج کیلئے موزوں جگہ ہے۔سابقہ گرلز انٹر کالج کی بلڈنگ بھی ڈگری کالج کیلئے استعمال ہوسکتی ہے۔

سید غفران علی کاظمی مجلس وحدت مسلمین آزاد کشمیر ضلع مظفرآباد کے سیکرٹری جنرل منتخب
وحدت نیوز(مظفرآباد) سید غفران علی کاظمی مجلس وحدت مسلمین آزاد کشمیر ضلع مظفرآباد کے سیکرٹری جنرل منتخب، ڈپٹی سیکرٹری جنرل مجلس وحدت مسلمین آزاد جموں وکشمیر مولانا سید طالب حسین ہمدانی نے حلف لیا ۔ تفصیلات کے مطابق مظفرآباد کے معروف جوان سماجی رہنماء سید غفران علی کاظمی مجلس وحدت مسلمین آزاد جموں و کشمیر ضلع مظفرآباد کے سیکرٹری جنرل منتخب ہو گئے ، تقریب حلف برداری وحدت ہاؤس مظفرآباد منعقد ہوئی ۔ جس میں ریاستی کابینہ کے اراکین اور ضلع مظفرآباد کے عہدیدارن نے کثیر تعداد میں شرکت کی ۔ مجلس وحدت مسلمین آزاد جموں و کشمیر کے ڈپٹی سیکرٹری جنرل مولانا سید طالب حسین ہمدانی نے سید غفران علی کاظمی سے حلف لیا۔ اس موقع پر گفتگو کرتے ہوئے سید غفران علی کاظمی نے کہا کہ اپنی ذمہ داریوں کو پورا کرنے کی ہر ممکن کوشش کروں گا۔ مجلس وحدت مسلمین کا پیغام گھر گھر پہنچائیں گے ، مجلس وحدت کا پیغام پیغام امن و اخوت ہے، ہم اتحاد بین المسلمین کے لیے کام کریں گے ، مظفرآباد کے مسائل کے حوالے سے اپنا کردار ادا کریں گے ، مجلس وحدت کی تنظیم سازی جلد پورے ضلع میں کی جائے گی۔

وحدت نیوز(نصیر آباد) پچھپئی کھنیاں کی سڑک کا کام رکوانے پر پی ڈبلیو ڈی کو خراج تحسین پیش کرتے ہیں ، ناقص تعمیرات پر سڑک کا کام رکوانا احسن اقدام ہے،ا ن خیالات کا اظہار ڈپٹی سیکرٹری جنرل مجلس وحدت مسلمین آزاد جموں و کشمیر مولانا سید طالب حسین ہمدانی نے پچھپئی کے ایک وفد سے ملاقات میں کیا ۔ انہوں نے کہا کہ پچھپئی کھنیاں سڑک پر ٹھیکیدار ناقص میٹریل کے ساتھ ناقص تعمیرات کر رہا ہے تھا، عوام علاقہ کے مطالبے پر پی ڈبلیو ڈی نے کام رکوایا ، ہم خراج تحسین پیش کرتے ہیں ۔ عوامی مفاد کے لیے اسی طرح کے کام اداروں کی نیک نامی کا باعث بنتے ہیں ، ضروری امر ہے کہ ادارے اپنا کام اسی طریقے سے انجام دیں ۔ انہوں نے مزید کہا کہ اب کام کی نگرا نی کرتے ہوئے بہترین کام کروایا جائے ، سڑک کو عمدہ بناتے ہوئے عوام علاقہ کی سہولت مدنظر رکھتے ہوئے ناقص کام کرنے والوں کے خلاف کاروائی کی جائے، نئے ٹھیکیداران بہتر کام کریں ، عوام علاقہ بھی ان کا ساتھ دے گی ۔

وحدت نیوز(مظفرآباد) آئی ایس ریلی پر آنسو گیس اور شیلنگ کی شدید ترین الفاظ میں مذمت کرتے ہیں ۔ امریکہ مخالف ریلی تھی نہ سندھ حکومت کے خلاف کسی قسم کا احتجاج، امریکہ مردہ باد کہنے والوں کو مارنے والے امریکہ نواز ہو سکتے ہیں پاکستانی نہیں ۔ ان خیالات کا اظہار ترجمان مجلس وحدت مسلمین آزاد کشمیر سید حمید نقوی نے اپنے ایک بیان میں کیا ۔ انہوں نے کہا کہ مجلس وحدت مسلمین سندھ حکومت کے اس اقدام کی بھرپور مذمت کرتی ہے۔ ہر ملک اور ہر شہر یہ شہری حق ہے کہ وہ اپنا احتجاج ریکارڈ کروائیں مگر سندھ حکومت نے پرامن شہریوں پر لاٹھی چارج کر کے تشدد کی بدترین مثال قائم کی ہے۔ ہر اس فعل کی مذمت کرنے کے ساتھ ساتھ مطالبہ کرتے ہیں کہ سندھ حکومت اپنے اس قدم پر پاکستان اور پاکستانی قوم سے معافی مانگیں ، اس لیے کہ پاکستان کے حق اور امریکہ خلاف مظاہرہ کیا گیا تھا نہ کہ زرداری، بلاول یا مراد علی شاہ کے خلاف۔

وحدت نیوز(اسلام آباد) خیرالعمل ویلفیئراینڈ ڈویلپمنٹ ٹرسٹ پاکستان کے چیئر مین علامہ سید باقر عباس زیدی نے کہا کہ خیرالعمل ویلفیئر  اینڈ ڈویلپمنٹ ٹرسٹ دکھی انسانیت کی خدمت اور یتیم بچوں کی تعلیم کا بیڑا اٹھا کر میدان عمل میں ہے جسکا مقصد ملک بھر میں ضرورت مند افراد اور یتیم بچوں کی حوصلہ افزائی کرنا ہے تاکہ وہ احساس محرومی کا شکار نہ ہوں ۔ خیرالعمل ویلفیئر اینڈ ڈویلپمنٹ ٹرسٹ اسوقت ملک بھر میں 800 سے زائدیتیم بچوں کی کفالت کر رہا ہے جنکو ماہانہ بنیادوں پر وظیفہ دیا جا رہا ہے ۔ مزیدہر ضلع میں مستحق یتیم بچوں کا ریکارڈ مرتب کیا جا رہا ہے تاکہ جس حد تک ہوسکے اُ ن کی معاونت کی جاسکے اور معاشرے میں یتیم پروری کا کلچر فروغ پاسکے۔ اس موقع پر  خیرالعمل ویلفیئراینڈ ڈویلپمنٹ ٹرسٹ پاکستان کے چیئر مین سید باقر زیدی نے تمام درد دل رکھنے والے افراد سے اپیل کی کہ وہ آئیں اور معاشرے میں یتیم بچوں کی خواہشات اور بنیادی ضرورتوں کا احساس کرتے ہوئے  اورخیرالعمل ویلفیئر اینڈ ڈویلپمنٹ ٹرسٹ کا اس کار خیر میں ساتھ دیتے ہوئے عیدالاضحی پر اپنی قربانی کی کھالیں خیرالعمل ویلفیئر اینڈ ڈویلپمنٹ ٹرسٹ کو ہدیہ فرمائیں تاکہ یہ ادارہ مزید بہتر انداز میں دکھی  انسانیت کی خدمت اور یتیم بچوں کی حوصلہ افزائی کر سکے ۔   
    

وحدت نیوز(کراچی )مجلس وحدت مسلمین پاکستان کے صوبائی سیکرٹری سیاسیات علی حسین نقوی نے کہا ہے کہ سندھ میں مردم شماری کے نتائج حقیقت کے برعکس ہیں۔ شہری آبادی کے اعداد و شمار میں رد و بدل صوبائی تعصب اور منافرت کے فروغ کا باعث بنے گی۔مجلس وحدت مسلمین کو مردم شماری کے ابتدائی نتائج کسی بھی صورت قابل قبول نہیں۔ حتمی نتائج کو تمام نقائص سے دور کیا جائے تاکہ عوامی خدشات کا ازالہ ہو۔انہوں نے کہا کہ سندھ سمیت تمام صوبے آبادی کے تناسب سے وسائل کی منصفانہ تقسیم کے حقدار ہیں۔ملک کی سیاسی و مذہبی جماعتیں کسی بھی ایسی سازش کو کامیاب نہیں ہونے دیں گی جو سندھ کی عوام کو ان جائز حق سے محروم کرنے کے لیے کی جائیں۔ملک دشمن قوتیں مذہبی،لسانی اور صوبائی تعصب پھیلا کر اس وطن عزیز کی سلامتی و استحکام کی راہ میں رکاوٹیں کھڑی کر رہی ہیں۔مردم شماری کے حالیہ نتائج جیسے واقعات ان قوتوں کے عزائم کو تقویت دیں گے۔عوام کو ان کا جائز حق دے کر ان عناصر کو شکست دی جائے جو استحصال اور احساس محرومی کا رونا رو کر عوام اور وطن عزیز کی محبت کی مابین دیواریں کھڑی کرنا چاہتے ہیں۔

انہوں نے کہا کہ سندھ پاکستان کا ہر لحاظ سے اہم ترین صوبہ ہے ارض پاک کے اقتصادی استحکام کی بنیاد ہے اسے دانستہ طور پر کمزور نہ کیا جائے۔سندھ کی آبادی کو کم ظاہر کرنے کی سازش کو منظر عام پر لایا جانا چاہیے۔جو لوگ اس میں ملوث ہیں وہ کسی بھی صورت ملک و قوم سے مخلص نہیں۔انہوں نے کہا کہ یہ تاثر عام ہے کہ وفاقی حکومت نے قومی مالیاتی ایوارڈ میں سندھ کا حصہ نہ بڑھانے کے لئے مردم شماری میں سندھ کی آبادی کم ظاہر کی ہے تاکہ سندھ کا قابل تقسیم پول میں سے حصہ نہ بڑھ سکے۔ سندھ حکومت نے مردم شماری کے دوران ان خدشات کا اظہار بھی کیا تھا۔ مردم شماری کے حالیہ 160نتائج میں سندھ کے تمام خدشات درست ثابت ہوئے۔انہوں نے کہا مجلس وحدت مسلمین مردم شماری سمیت دیگر مسائل کے حل کے لیے اپنی آئینی جدوجہد جاری رکھے گی۔