وحدت نیوز(مشہد)  مجلس وحدت مسلمین مشھد مقدس کے تحت صادق آل محمد رئیس مذہب جعفری امام جعفر صادق علیہ السلام کی شھادت کی مناسبت سے مجلس عزا برپا کی گئی ،مجلس کا اغاز زیارت عاشورا سے ہوا ،اسکے بعد تلاوت کلام مجید اور پھر برادر ربانی نے مصائب آل محمد علیھم السلام پڑھے،اسکے بعد حجتہ الاسلام والمسلمین آقای الفت حسین جویا نے امام جعفر صادق علیہ السلام کی حیات طیبہ پر خصوصی گفتگو فرمائی اور فضائل و مصائب بیان فرمائے ،پروگرام میں علمائے کرام اور طلاب عظام نے بھر پور شرکت فرمائی۔

وحدت نیوز  (اسلام آباد)  کرپشن کے خلاف عدلیہ کے فیصلوں کی تائید کرتے ہیں ۔قانون کی بالادستی کا راگ الاپنے والے عدلیہ مخالف مہم چلارہے ہیں ۔ملک لوٹنے والے قومی مجرم ہیں ان خیالات کا اظہارمجلس وحدت مسلمین کے سیکرٹری سیاسیات سید اسد نقوی نے ایم ڈبلیو ایم پولیٹیکل سیل کے اجلاس سے خطاب کرتے ہوئے کیا، انہوں نے کہا کہ عدلیہ کے فیصلو ں کا احترام کرنے کا درس دینے والے اپنے خلاف فیصلہ آنے پر سیخ پا ہیں ،مجلس وحدت مسلمین کرپشن اور ملکی دولت لوٹنے والوں کے خلاف ہے ،قومی دولت لوٹنے والوں کے لئے سخت سے سخت سزاوں اور ان کے گرد گھیرا تنگ کیا جانا انتہائی ضروری ہے ن لیگ ملک میں افراتفری چاہتی ہے اور عدالت سے سزا یافتہ رہنماوں کی گرفتاری کی آڑ میں ملکی اداروں کے خلاف مہم چلا رہے ہیں ، گلگت بلتستان کے ڈپٹی سپیکر کے بیان کے بھی شدید مذمت کرتے ہیں
جس میں ۔

انہوں نے نواز شریف کی محبت میں وطن عزیز کے اداروں کے خلاف ہزرہ سرائی کی ۔ الیکشن کمیشن آف پاکستان کالعدم جماعتوں کی الیکشن میں شمولیت کا نوٹس لے ،جبکہ نیشنل ایکشن پلان میں واضع طور نام بدل کر کام کرنے والی جماعتوں پر پابند ی عائد کی گی اس کے باوجود کالعدم جماعتیں اور ان کے قائدین الیکشن لڑ رہے ہیں ، یہ کس قانون کے تحت ہو رہا ہے دہشت گردوں کو قانون ساز اداروں میں کس پالیسی کے تحت لانے کی کوشش کی جا رہی ہے ۔مجلس وحد ت مسلمین پاکستان ملک میں تکفیریت اور عسکریت پسندی کے خلاف ہے اور مذہب کے نام پر ووٹ لینے کی مخالفت کرتی ہے ۔

وحدت نیوز (ڈیرہ غازی خان)  مجلس وحدت مسلمین ضلع ڈیرہ غازیخان نے حلقہ این اے 191 میں پاکستان تحریک انصاف کی اُمیدوار زرتاج گل کی حمایت کا اعلان کر دیا، اس موقع پر ایم ڈبلیو ایم کے رہنما سید اظہر حسین کاظمی اور دیگر رہنما بھی موجود تھے۔ ایم ڈبلیو ایم کے رہنمائوں کا کہنا تھا کہ قائد وحدت علامہ راجہ ناصر عباس جعفری کے حکم پر ہم ڈیرہ غازیخان میں پاکستان تحریک انصاف کے اُمیدواروں بالخصوص این اے 191 کی اُمیدوار زرتاج گل کی مکمل حمایت کا اعلان کرتے ہیں۔ اُنہوں نے کہا کہ ہم پاکستان تحریک انصاف کی نہ صرف حمایت کرتے ہیں بلکہ ان کی الیکشن مہم میں بھی بھرپور کردار ادا کریں گے۔ اس موقع پر میڈیا سے گفتگو کرتے ہوئے پی ٹی آئی کی رہنما اور اُمیدوار این اے 191 زرتاج گل نے کہا کہ ہم مجلس وحدت مسلمین کے سربراہ علامہ راجہ ناصر عباس جعفری اور اُن کی ضلعی قیادت کے مشکور ہیں، جنہوں نے ہماری غیر مشروط حمایت کا اعلان کیا۔ اُنہوں نے کہا کہ ہم ڈیرہ غازیخان کی سیاست میں وڈیروں، لُٹیروں، جاگیرداروں اور رسہ گیروں کو شکست فاش دیں گے، جنوبی پنجاب پی ٹی آئی کا گڑھ ہے، یہاں سے جیت کر اپنی سیٹیں عمران خان کو تحفے میں پیش کریں گے، اُنہوں نے کہا کہ ڈیرہ غازیخان میں سیاسی مشینری کا استعمال کیا جا رہا ہے، جو کہ الیکشن کمیشن کے احکامات کی سراسر نفی ہے۔

وحدت نیوز (سکردو) مجلس وحدت مسلمین گلگت بلتستان کے سیکریٹری جنرل اور عوامی ایکشن کمیٹی کے رہنما سید علی رضوی، قوم پرست لیڈر منظور پروانہ سمیت درجنوں افراد کے نام فورتھ شیڈول میں شامل کر لئے گئے جبکہ 44 افراد کے نام فورتھ شیڈول سے نکال دیئے گئے ہیں، جن افراد کے نام شامل کئے گئے ہیں ان میں سید علی رضوی، منظور پروانہ، انجینئر شبیر، شبیر مایار، آصف ناجی، اعجاز بلتی جبکہ غذر سے میر نواز میر، شکور خان، یاور علی، نزریب شاہ، نور اکبر، گلفراز، شاہ فراز، ہنزہ سے ناصر کریم، نگر سے یاور عباس کے علاوہ گلگت اور دیامر سے درجنوں افراد کے نام شامل ہیں جبکہ سابق ممبر اسمبلی حمایت اللہ خان، شیخ فدا حسین عابدی، مقامی صحافی ثاقب عمر سمیت 44 افراد کے نام شیڈول فورتھ سے نکال دیئے گئے ہیں۔ محکمہ داخلہ گلگت بلتستان کی جانب سے جاری نوٹیفکیشن کے مطابق 44 افراد کو شیڈول فورتھ سے نکال دیا گیا ہے اور آئندہ ایک سال تک خفیہ نگرانی کی جائیگی اور کسی بھی شکایت کی صورت میں ڈویژنل انٹیلی جنس کمیٹی کی سفارشات پر متعلقہ ڈپٹی کمشنر دوبارہ شیڈول فورتھ میں شامل کرنے کا مجاز ہوگا۔

نوٹیفکیشن کے مطابق شیڈول فورتھ سے نکالے گئے افراد میں حمایت اللہ خان ولد عبدالحمید ساکن بسین، ثاقب عمر ولد الف خان ساکن کشروٹ، مولانا عطاءاللہ ثاقب ولد عبداللہ ساکن سکارکوئی، شیخ فدا حسین عابدی ولد غلام محمد ساکن شگر ہیڈ کوارٹر، آفاق بالاور ولد محمد ریاض ساکن کنوداس گلگت، ظفر محمد شادم خیل ولد میرا محمد ساکن اشکومن غذر، ضیاء ولد ثناءاللہ ساکن سکارکوئی، عدنان ولد نصیر الدین ساکن سونیکوٹ، نواب عالم ولد حسین ساکن بسین، اکرام اللہ ولد محمد قاسم ساکن نپورہ گلگت، برہان اللہ ولد قدیر حسین ساکن کشروٹ، نادر امان ولد اکبر امان ساکن نپورہ، شمس الرحمٰن ولد عبدالعزیز ساکن یادگار محلہ، قاری امجد ولد محمد صغیر ساکن سئی جگلوٹ، سلمان ولد عبدالمنان ساکن کشروٹ، امجد حسین عرف صوفی ولد شکور ساکن سامی محلہ برمس، تصدق مہدی ولد شرافت الدین ساکن ڈاکپورہ، صغیر رضا ولد محمد حسین رضا ساکن ڈاکپورہ، تنزیل حسین ولد شرافت الدین ساکن ڈاکپورہ، جمال حیدر ولد ایوب ساکن خومر، شیخ سجاد ولد کریم خان ساکن خومر، عمران عرف چیئرمین ولد غلام حیدر ساکن امپھری، صادق علی ولد علی محمد ساکن گنش ہنزہ، ظفر عباس ولد سلمان ساکن گنش، تہذیب ولد نذیر حسین ساکن گنش ہنزہ، ایڈووکیٹ ممتاز حسین نگری ساکن چھلت نگر۔

صدام ولد محمد عامر ساکن تھول گوپس، مقصود ولد برکت شاہ ساکن گاہکوچ بالا، یعقوب ولد سلطان ساکن گاہکوچ بالا، صلاح الدین ولد محد دین گاہکوچ بالا، نصراللہ ولد حسن ساکن شگر، مفتی ایوب ولد محمد شریف ساکن استور، حسین اکبر ولد غلام رسول ساکن برمس، ارباب عرف لائن ولد میون ساکن امپھری گلگت، بلال ولد حبیب منیر ساکن قزلباش محلہ، سردار علی ولد ثاقب علی دنیور گلگت، برہان ولد طالب شاہ ساکن مجینی محلہ، توصیف ولد محبوب ساکن نگرل، ہفس ولد مراد شاہ ساکن برکلتی یاسین، لیاقت علی ولد محبوب بیگ ساکن برکلتی یاسین، علی غلام ولد اشرف غلام ساکن سندی یاسین، عبدالحلیم ولد عبدالحکیم ساکن عیدگاہ استور شامل ہیں۔ ان افراد کو مختلف اعتبار سے اور انتظامیہ کی رپورٹ کی روشنی میں شیڈول فورتھ میں شامل کیا گیا تھا اور ان کی سخت مانیٹرنگ ہو رہی تھی۔ دوسری جانب نئے فورتھ شیڈول میں شامل کرنے والے نئے ناموں میں آغا علی رضوی ایم ڈبلیو ایم گلگت بلتستان کے سیکرٹری جنرل ہیں، گلگت بلتستان یونائیٹڈ موومنٹ کے سربراہ اور قوم پرست لیڈر منظور حسین پروانہ، گلگت بلتستان ایورنیس فورم کے سرگرم رہنما انجینئر شبیر حسین، آصف ناجی ایڈووکیٹ، اعجاز بلتی اور شبیر مایارشامل ہیں۔

وحدت نیوز (پاراچنار) تحریک انصاف کے ساتھ مل کر ملک سے کرپشن کا خاتمہ کریں گے ۔ایم ڈبلیو ایم کا تحریک انصاف سے انتخابی الائینس اصولی بنیادوں پر ہے۔ ان خیالات کا اظہار مرکزی ڈپٹی سیکرٹری جنرل مجلس وحدت مسلمین سید ناصر شیرازی نے این اے46 میں ایم ڈبلیو ایم کے نامزد امیدوار شبیر حسین ساجدی کی الیکشن مہم سے خطاب کرتے ہوئے کہی انہوں نے کہا کہ ملکی مفاد اور تعمیر و ترقی کے لئے ایم ڈبلیو ایم ہمیشہ اپنا رول ادا کرتی رہے گی ۔ ملک سے تکفیریت کا خاتمہ ہماری اہم ترجیحات میں شامل ہے ۔ہم ملک کی خارجہ پالیسی کو آزاد دیکھنا چاہتے ہیں ۔ یہ ہمارا ملک ہے اس کے اندرونی اور خارجہ کے فیصلوں کا حق بھی پاکستانیوں کو ہونا چاہئے ۔ کسی ملک کو یہ حق حاصل نہیں کہ وہ ہمارے معاملات میں دخل اندازی کرئے ۔ عوام کے بنیادی مسائل کم ہونے کی بجائے بڑھتے چلے جا رہے ہیں ۔گزشتہ دور حکومتوں نے کرسی گرنے اور بچانے پر وقت ضائع کیا ملک کی دولت دونوں ہاتھوں لوٹ کر بیرون ملک منتقل کرتے رہے لاہور کو پیرس اور کراچی کو لندن بنانے والے عوام کو بے وقوف بنانے کے مشن پر آج دوبارہ گلی گلی پھر رہے ہیں جہاں ابلتے گٹر ۔گندگی کے ڈھیر اور عوام کی نفرتیں ان کا استقبال کر رہی ہیں۔ ہمارا گزشتہ انتخابات میں منتخب ایم پی اے آغا رضا اس وقت جہاں جا رہا ہے اسے سر آنکھوں پر بیٹھایا جا رہے ۔آغا رضا کی کارکردگی سب پر روز روشن کی طرح عیاں ہے ۔ عوامی خدمت مجلس وحدت مسلمین کا شعار ہے ۔

وحدت نیوز (پاراچنار)  مجلس وحدت مسلمین پاراچنار کے سیکریٹری جنرل اور نامزد کردہ امیدواربرائے قومی اسمبلی این اے46 شبیر حسین ساجدی نے تمام امیدواروں کے درمیان الیکشن کمپین کے دوران پرامن ماحول اور بھائی چارے کی فضا کو قائم کرنے کیلئے لائحہ عمل ترتیب دینے کا فیصلہ کیا ہے جس پر کام کرنے کیلئے انہوںنےاین اے 46 کیلئے آزاد امیدوار علی بیگم کے آفس کا دورہ کیا اور ان سے تفصیلی ملاقات رہی اسی طرح دوسرے امیدواروں کے دفتروں کا دورہ بھی کیا جائے گا تاکہ ایک لائحہ عمل تیار ہوسکیں جس میں سازشی عناصر کی روک تھام ہوسکیں اور قوم آپس میں دست وگریباں ہونے سے بچا جائے انشاءاللہ ہمیں امید ہے کہ کوئی بھی اس پرخلوص عمل میں ہمیں ناامید نہیں کرے گا اور ہم دشمن کے بنائے ہوئے منصوبوں کو کامیاب نہیں ہونے دیں گے، انشاءاللہ