وحدت نیوز(شکارپور) مجلس وحدت مسلمین اور پاکستان تحریک انصاف کے متفقہ امیدوار این اے 193 شکارپور علامہ مقصود علی ڈومکی کی کامیابی کے لیے مجلس علماء مکتبِ اہلبیت صوبہ سندھ کے صدر علامہ عبداللہ مطھری کی سیاسی کارنر میٹنگ میں شرکت۔

علامہ عبداللہ مطھری نے کہاکہ مجلس وحدت مسلمین نے این اے 193 شکارپور کی قومی سیٹ پر باعمل اور باکردار نیک اور صالح بابصیرت قیادت علامہ مقصود علی ڈومکی کو نامزد کیا ہے 8 فروری کو اپنا ووٹ دے کر کامیاب کریں۔

تفصیلات کے مطابق علامہ عبداللہ مطھری کی گاؤں واصل کھکھرانی میں کارنرمیٹنگ میں شرکت اس موقع پر گفتگو کرتے ہوئے کہا کہ شکارپور کی قومی سیٹ حلقہ این اے 193 شکارپور پر مجلس وحدت مسلمین نے اس بار فیصلہ کیا ہے الیکشن میں حصہ لینے اور ایک باعمل باکردار، نیک اور صالح شخصیت علامہ مقصود علی ڈومکی کو اس حلقہ پر چنہ ہے جو ہم سب کی خوش قسمتی ہے کہ ہم ایک پاکیزہ شخص کو ووٹ دیں گے عالم دین کو دیں گے میں آپ معززین کو گذارش کروں گا آپ نے ہمیشہ ووٹ کرپٹ حکمرانوں کو دیا ہے۔آپ ایک بار مجلس وحدت مسلمین کے نامزد امیدوار علامہ مقصود علی ڈومکی کو بھی ووٹ دے کر آزمائیں۔

 انشاءاللہ آپ کے اعتماد پر علامہ مقصود علی ڈومکی پورا اترے گا، آپ اپنا ووٹ امانت کے طور پر اس بار 8 فروری کو مجلس وحدت کے امیدوار کو دیں مجلس وحدت مسلمین کی جدوجہد سے آپ واقف ہیں آپ اپنا ووٹ دے کر ان کو مزید مضبوط بنائیں جبکہ اس موقع پر علاقے کے معززین نے یقین دلایا کہ ووٹ علامہ مقصود علی ڈومکی کو دے کر کامیاب کریں گے۔

وحدت نیوز(شکارپور) وارثانِ شہداء کمیٹی کے زیر اہتمام شہدائے شکار پور کی نویں برسی کے موقع پر لکھیدر چوک پر عظیم الشان اجتماع مجلس و عزاداری کا اہتمام کیا گیا۔ برسی شہداء کی تقریب سے مجلس وحدت مسلمین پاکستان کے مرکزی وائس چیئرمین علامہ سید احمد اقبال رضوی، صوبائی صدر علامہ سید باقر عباس زیدی ،علامہ مختار احمد امامی ،علامہ مقصود علی ڈومکی، علامہ عبداللہ مطہری ،علامہ سید احمد علی نقوی، ذاکر اھل بیت مولانا منظور حسین سولنگی، مولانا اویس علی نجفی، مولانا سکندر علی دل ،سید رضا عباس شاہ و دیگر نے خطاب کیا۔

کربلا معلیٰ امام بارگاہ شکارپور میں 2015ع کی 30 جنوری کے دن جمع کے نماز کے دوران دہشتگردوں نے خودکش بم دھماکہ کیا تھا، دھماکے کے نتیجے میں 65 نمازی شہید ہوگئے تھے اور 100 سے زائد زخمی ہوئے تھے، برسی شہداء کی تقریب سے خطاب کرتے ہوئے علامہ سید احمد اقبال رضوی نے کہا کہ شہداء زندہ ہیں اور ان کا پیغام زندہ ہے شہدائے شکار پور کو ہم سلام عقیدت پیش کرتے ہیں۔

انہوں نے کہا کہ خائن ظالم بزدل اور کرپٹ قسم کے لوگ ہم پر مسلط ہیں۔ آج عوام کے حق رائے دہی اور عوام کی امنگوں کا مذاق اڑایا جا رہا ہے۔ ایک سال میں 12 ہزار سیاسی کارکن گرفتار کئے گئے۔ ایک کرپٹ خاندان کی سیاسی مخالفت کے جرم میں بے گناہ خواتین کو گرفتار کیا گیا۔

برسی شہداء سے خطاب کرتے ہوئے علامہ مقصود علی ڈومکی نے کہا کہ کربلا امام بارگاہ کے واقعے کو آج 9 سال مکمل ہو چکے ہیں مگر سندھ حکومت نے وارثانِ شہداء سے کئے گئے اپنے وعدے وفا نہیں کئے، وارثان شہداء آج بھی انصاف کا مطالبہ کرتے ہیں لہذا شہداء کے خون سے انصاف کیا جائے۔ اور زیرو پوائنٹ شکار پور کو شہداء چوک کے عنوان سے منسوب کیا جائے۔

وحدت نیوز(اسلام آباد)چیئرمین مجلس وحدت مسلمین پاکستان علامہ راجہ ناصرعباس نے اپنے ٹوئٹر پیغام میں کہا ہے کہ سبی میں پی ٹی آئی کی ریلی میں دھماکے کی شدید مذمت کرتا ہوں۔قیمتی انسانی جانوں کا تحفظ ریاست کی اولین ذمہ داری ہے۔ اس طرح کے بزدلانہ اقدامات سے قوم کے حوصلوں کو پسپا نہیں کیا جا سکتا۔جو طاقتیں انتخابی عمل کو سبوتاژ کرنا چاہتی ہیں وہ ملک کے معاشی استحکام کے دشمن ہیں۔جب تک ملک میں شفاف انتخابات کے ذریعے سیاسی استحکام نہیں آ جاتا تب تک ملک بحرانوں سے نہیں نکل سکتا۔

انہوں نے مزید کہا کہ پاکستان تحریک انصاف کا ملکی سیاست میں اہم کردار ہے۔اسے انتخابات سے دور رکھنے اور پی ٹی آئی کے کارکنان کو خوفزدہ کرنے کا کوئی بھی حربہ اب کسی صورت کامیاب نہیں ہو سکتا۔حکومت کو چاہیئے کہ وہ پی ٹی آئی کی انتخابی ریلیوں اور کارنر میٹنگز کو فول پروف سیکورٹی فراہم کرنے کے احکامات صادر کرے۔

وحدت نیوز(اسلام آباد)چیئرمین مجلس وحدت مسلمین پاکستان علامہ راجہ ناصر عباس جعفری نے میڈیا سیل سے جاری اپنے بیان میں کہا ہے کہ سائفر کیس میں عمران خان اور شاہ محمود قریشی کی سزا کا فیصلہ پوری قوم کی آنکھیں کھولنے کے لیے کافی ہے، جب فیصلے عدل و انصاف کی بجائے پسند و ناپسند کی بنیاد پر ہونے لگیں تو معاشرے میں آئین وقانون اپنی حیثیت کھو بیٹھتے ہیں اور لاقانونیت راج کرتی ہے، عوام کو عدالت کے کسی بھی فیصلے پر مشتعل ہونے کی بجائے ہوشمندی کا مظاہرہ کرنا چاہیے اور عقل و بصیرت کے دامن کو مضبوطی سے تھامے رکھنا ہوگا، اپنی توجہ 8 فروری کے انتخابات پر مرکوز رکھیں۔ ووٹ کی طاقت سے عالمی اسٹیبلشمنٹ اور ان کے آلہ کاروں کو شکست دیں جو ملک کی داخلی خودمختاری اور آزاد خارجہ پالیسی کو اپنی خواہشات کے تابع رکھنا چاہتے ہیں۔

انہوں نے کہا کہ عوام کو چاہیے کہ آٹھ فروری کے دن پُرعزم ہو کر نکلیں اور جمہوری و سیاسی قدروں کو نقصان پہنچانے والی قوتوں کے عزائم کو ناکام بنا دیں، ملکی سیاست سالہاسال سے ہیجانی و بحرانی کیفیت سے میں مبتلا ہے، اس وقت ملک کے ہر باشعور اور ذمہ دار شہری کا واحد ہدف انتخابات کے روز ووٹ کی بلاتاخیر کاسٹ اور اس کی حفاظت کو یقینی بنانا ہونا چاہیئے، ہم اس ملک کے پُرامن شہری اور محافظ ہیں، عوام ہی طاقت کا سر چشمہ اور اس ملک کے حقیقی وارث اور مالک ہیں، ان لٹیروں اور وطن فروشوں سے ملک کو بچانے کے لیے اپنے ووٹ کی طاقت کا استعمال کریں، ووٹ کی طاقت سے ملکی وقومی ترجیحات کے تحفظ کو یقینی بنائیں۔