وحدت نیوز(سکھر) مجلس وحدت مسلمین شعبہ خواتین ضلع سکھر کی جانب بیراج کالونی فاطمیہ یونٹ کی خواہران کی طرف سے میلاد حضرت فاطمہ زہرا سلام اللہ علیھا کے سلسلے میں تقریب منعقد ہوئی۔ ایم ڈبلیو ایم شعبہ سکھر کے زیراہتمام امام بارگاہ زین العابدینؑ میں منعقد ہونیوالے پروگرام کا آغاز تلاوت کلام مجید سے ہوا۔
تقریب میں حضرت فاطمہ الزہرا سلام اللہ علیہا کی شان میں منقبت کی صورت میں ہدیہ عقیدت ہیش کیا گیا۔ جشن کے سلسلے میں منعقد ہونیوالی محفل میں شریک خواتین سے محترمہ عنبرین رضوی نے خطاب کیا اور جناب سیدہ سلام اللہ علیھا کی سیرت طیبہ پر روشنی ڈالی۔
ایم ڈبلیو ایم شعبہ خواتین سکھر کے زیراہتمام منعقد ہونیوالی جشن میلاد کوثر کی تقریب کے آخر میں کیک کٹا گیا اور پروگرام میں شریک خواتین کے درمیان تبرک تقسیم کیا گیا۔