The Latest
وحدت نیوز(کوئٹہ) عالمی یوم القدس کے موقع پر مجلس وحدت مسلمین اور مجلس علمائے مکتب اہلبیت کی جانب سے بلوچستان کے صوبائی دارالحکومت کوئٹہ میں القدس ریلی نکالی گئی۔ جس کی قیادت علماء کرام کر رہے تھے۔ جبکہ بچوں اور بزرگوں سمیت عوام کی بڑی تعداد ریلی میں شریک تھی۔ اس موقع پر مظاہرین نے امریکہ اور اسرائیل کے خلاف نعرے بازی کی اور فلسطین کا پرچم لہراتے ہوئے مظلوم فلسطینی عوام سے یکجہتی کا اظہار کیا۔
امام جمعہ کوئٹہ و مجلس علماء مکتب اہلبیت کے رہنماء علامہ سید ہاشم موسوی، امام جمعہ علامہ غلام حسنین وجدانی اور ایم ڈبلیو ایم کے صوبائی رہنماء علامہ ولایت حسین جعفری نے اس موقع پر خطاب کرتے ہوئے فلسطین میں جاری مظالم کا تذکرہ کیا اور بیت المقدس کے لئے قربانی دینے والے شہداء سید حسن نصر اللہ، اسماعیل ھنیہ، ہاشم صفی الدین اور یحیٰ سنوار سمیت دیگر شہداء کو خراج عقیدت پیش کی۔
اس موقع پر مقررین نے کہا کہ مظلوم فلسطینی عوام سے یکجہتی کا اظہار وقت کی ضرورت ہے۔ ہمیں مظلوم کی حمایت اور ظالم کی مذمت کی تاکید کی گئی ہیں۔ انہوں نے کہا کہ پاکستانی عوام فلسطین کے ساتھ کھڑے ہیں، حکمرانوں کو عوام کی ترجمانی کرتے ہوئے فلسطین کی کھل کر حمایت کرنی چاہئے۔
وحدت نیوز(لاڑکانہ) رہبرِ کبیر آیۃ اللہ روح اللہ الموسوی الخمینی کے حکم پر پوری دنیا کی طرح لاڑکانہ میں بھی ہر سال کی طرح اس سال بھی رمضان المبارک کے جمعۃ الوداع کو یوم القدس کے طور پر منایا گیا۔ مرکزی امام بارگاہ جعفریہ لاڑکانہ سے االقدس ریلی برآمد ہوئی جو پریس کلب لاڑکانہ پر اختتام پذیر ہوئی۔
مجلس وحدت مسلمین ضلع لاڑکانہ کے زیرِ اہتمام ریلی میں شیعہ علماء کونسل لاڑکانہ، اصغریہ آرگنائزیشن پاکستان ضلع لاڑکانہ، المنتظر ویلفیئر ٹرسٹ لاڑکانہ، مجلس وحدت مسلمین عزاداری ونگ ڈویژن لاڑکانہ کے سربراہان جن میں محترم طارق حسین بدوی، دانشور عبدالرزاق بلوچ، مولانا عمران علی چانڈیو، سید فیاض حسین جعفری، مولانا غلام اصغر جنتی، محترم فضل حسین اصغری، محترم عبد الفتاح، طارق رسول انڑ، اعجاز علی سولنگی، آغا سہراب علی میرانی، سعید علی میرانی، مشتاق علی میمن، علی رضا چانڈیو، فیاض حسین حسینی، معشوق علی مفکری، مولانا سید رضا علی نقوی، مولانا مولا بخش مرتضائی، مولانا افضل علی کھٹیان، اور دیگر مومنین نے دینی فریضہ سمجھتے ہوئے بھرپور شرکت کی اور مسلمانوں کے قبلۂ اول بیت المقدس پر اسرائیلی ناجائز قبضے اور مظلوم فلسطینیوں پر گذشتہ 77 سالوں سے اسرائیلی ظلم و جور خلاف آواز بلند کی۔
وحدت نیوز(کراچی)مجلس وحدت مسلمین کراچی ڈویژن کی جانب سے ماہ رمضان المبارک میں قم المقدس و نجف اشرف سے برائے تبلیغ تشریف لانے والے علماء و طلاب کے ساتھ ایک ملاقات و دعوت سحر کا اہتمام کیا گیا۔ ملاقات میں شہر کراچی میں مبلغین کی ضرورت سمیت اہم موضوعات پر گفتگو کی گئی۔
صوبائی صدر مجلس وحدت مسلمین علامہ باقر عباس زیدی نے مبلغین کی خدمات کو سراہا۔ ڈویژنل صدر کراچی علامہ صادق جعفری نے ایم ڈبلیو ایم کی کراچی میں فعالیت اور پیش آنے والے مسائل پر گفتگو کی۔ مبلغین نے مجلس وحدت مسلمین کی کارکردگی کو سراہتے ہوئے ہر ممکن تعاون کی یقین دہانی کروائی۔
ملاقات میں ڈویژنل ذمہ داران علامہ حیات عباس نجفی، زین رضوی، ہادی شہیدی، محمد عباس، آصف صفوی اور کاظم عباس موجود تھے جبکہ عزاداری ونگ کراچی کے صدر رضی حیدر رضوی اور وحدت یوتھ کراچی کے صدر حسن رضا بھی موجود تھے۔
وحدت نیوز(اسلام آباد)رمضان المبارک کا آخری جمعہ قبلہ اول بیت المقدس کی آزادی اور مظلومین فلسطین کے ساتھ اظہار یکجہتی کے لئے یوم القدس کو بھرپور طور پر منایا جائے گا، دنیا بھر کی طرح پاکستان میں بھی مجلس وحدت مسلمین پاکستان کے زیر اہتمام ریلیاں، مظاہرے اور سیمینارز کا انعقاد کیا جائے گا، امام خمینی رحمتہ اللہ علیہ نے یوم القدس کو یوم اللہ اور یوم اسلام قرار دیتے ہوئے دنیا کے تمام حریت پسندوں اور باضمیر انسانوں کو مظلومین کی حمایت میں نکلنے کا حکم دیا تھا۔
سربراہ ایم ڈبلیو ایم سینیٹر علامہ راجہ ناصر عباس جعفری نے مرکزی رہنماؤں کے ہمراہ نیشنل پریس کلب اسلام آباد میں پریس کانفرنس سے خطاب کرتے ہوئے کہا کہ گذشتہ کئی دہائیوں سے فلسطین صیہونیت کے ناجائز قبضہ میں ہے، بین الاقوامی لابیاں فلسطینیوں کو نابود کرنے کے درپے ہیں، ظلم و ستم کم نہیں ہوا، بڑھتا چلا گیا، اس وقت سرزمین فلسطین سراپا احتجاج ہے، ظلم ہے کہ کم ہی نہیں ہو رہا، اسرائیل کو روکنے کا کوئی نام نہیں لیتا، فلسطینیوں کا اپنی سرزمین کا دفاع انکا حق ہے، فلسطینیوں کو انکی سرزمین سے بے دخل کرنے کی باتیں کی جا رہی ہیں، فلسطین کے مسئلے کو یوم القدس کے ذریعے عوام کے کندھوں پر ڈال دیا گیا، عالمی طور پر منایا جانے والا یوم القدس عوام کے اظہار کا دن ہے، کل ہم یوم القدس منائیں گے، ہم فلسطینیوں کو پیغام دیں گے کہ ہم آپ کے ساتھ کھڑے ہیں، کل کا دن ظلم کے خلاف وحدت کا دن ہو گا، فرزندان اسلام فلسطینیوں کا بھرپور ساتھ دیں گے۔
انہوں نے کہا کہ ہماری میڈیا سے درخواست ہے کہ وہ بھی یوم القدس کے موقع پر بھرپور ٹرانسمیشن چلائے، عوام نے مسئلہ فلسطین کی ذمہ داری اپنے کاندھوں پر لی ہوئی ہے، جو بھی فلسطین کے خلاف جائے گا رسوا ہو گا، اسرائیل کے موقف کو ماننا بھارت کے کشمیر پر موقف کو ماننے کے مترادف ہے، اسرائیل کا سفر کرنے والوں کے خلاف سینیٹ میں آواز اٹھائیں گے، ایف آئی اے کو اسرائیل کا سفر کرنے والوں کی انکوائری کر کے سزا دینی چاہیئے، پاکستانی پاسپورٹ ریاست پاکستان کی ملکیت ہے، خلاف ورزی قابل مزمت ہے، ہم اسرائیل کا سفر کرنے والوں کی شدید مزمت کرتے ہیں۔
وحدت نیوز(جیکب آباد)مجلس وحدت مسلمین پاکستان کے مرکزی رہنماء علامہ مقصود علی ڈومکی نے کہا ہے کہ امریکہ اور اسرائیل نے مل کر غزہ اور فلسطین میں 50 ہزار بے گناہ انسانوں کا قتل عام کیا ہے۔ لہٰذا امت مسلمہ کو اسرائیلی مصنوعات کا بائیکاٹ کرتے ہوئے غاصب اسرائیل اور امریکہ کے ظلم اور بربریت کے خلاف بھرپور آواز بلند کرنی چاہئے۔ ان خیالات کا اظہار انہوں نے مقامی چینل کے پروگرام میں غزہ اور فلسطین کی صورتحال، عالمی یوم القدس اور کینالز پر تفصیلی گفتگو کرتے ہوئے کیا۔ علامہ مقصود علی ڈومکی نے کہا کہ عصر حاضر کے عظیم انقلابی رہنماء حضرت امام خمینی رحمۃ اللہ علیہ نے ماہ مبارک رمضان کے آخری جمعہ کو عالمی یوم القدس کے طور پر اعلان کیا لہٰذا تمام مسلمانوں کو چاہئے کہ وہ 27 رمضان المبارک بروز جمعہ عالمی یوم القدس کے موقع پر غزہ اور فلسطین کے مظلوموں سے یکجہتی کا اظہار کریں۔
انہوں نے کہا کہ مسلم حکمرانوں کی خیانت اور نااہلی کی وجہ سے آج اسرائیل جنگ بندی کے باوجود غزہ پر حملہ آور ہو چکا ہے۔ 70 لاکھ مسلم افواج غزہ کے بے گناہوں کے قتل عام کا تماشہ دیکھ رہے ہیں۔ جبکہ یمن کے جنگ زدہ مظلوم عوام اسرائیل اور امریکہ کے خلاف میدان عمل میں موجود ہیں۔ یمن، لبنان اور اسلامی جمہوریہ ایران آج بھی مظلوم فلسطین کے ساتھ کھڑے ہیں۔ انہوں نے کہا کہ دریائے سندھ پر غیر قانونی کینالز سندھ دھرتی کو بنجر بنانے کی سازش ہے۔ دریائے سندھ پر چھ نئے کینالز پر سندھ کے عوام سراپا احتجاج ہیں۔ پیپلز پارٹی وفاقی حکومت کا حصہ ہے۔ پیپلز پارٹی سرکوں پر احتجاج کی بجائے ایوانوں میں کردار ادا کرے۔ اگر شہباز حکومت کینالز کی ناجائز تعمیر نہ روکے تو پیپلز پارٹی حکومت سے الگ ہو جائے۔
وحدت نیوز(لاہور)یوم القدس صرف فلسطین کے مظلوم عوام کی حمایت کا دن نہیں بلکہ پوری انسانیت کے ضمیر کو جھنجھوڑنے کا موقع ہے۔ اس سال جمعتہ الوداع، 27 رمضان المبارک، 28 مارچ کو یہ دن بھرپور طریقے سے منایا جائے گا، تاکہ دنیا کو یاد دلایا جا سکے کہ فلسطین پر ہونے والے مظالم کے خلاف خاموشی جرم ہے۔مجلس وحدت مسلمین پنجاب کے صوبائی صدر علامہ علی اکبر کاظمی اور سابق مرکزی صدر امامیہ اسٹوڈنٹس آرگنائزیشن پاکستان حسن عارف نے اس موقع پر کہا کہ فلسطین کی آزادی صرف مسلمانوں کا نہیں، بلکہ پوری انسانیت کا مسئلہ ہے۔
انہوں نے کہا کہ اسرائیل کی وحشیانہ بربریت کسی سے پوشیدہ نہیں۔ غزہ میں ہزاروں معصوم شہری، جن میں بچے، عورتیں اور بزرگ شامل ہیں، صیہونی بمباری کا نشانہ بن چکے ہیں۔ فلسطینیوں کو ان کے گھروں سے بے دخل کر کے نسل کشی کی جا رہی ہے، اور جو بھی ان کے حق میں آواز بلند کرتا ہے، اسے امریکہ اور اسرائیل کی دھمکیوں اور حملوں کا سامنا کرنا پڑتا ہے۔ مگر فلسطینی عوام کی مزاحمت جاری ہے، اور دنیا بھر کے باضمیر انسان ان کے ساتھ کھڑے ہیں۔
انہوں نے کہا کہ یہ جدوجہد ان عظیم شخصیات کے خون سے سینچی گئی ہے جنہوں نے القدس اور فلسطینی بھائیوں کے لیے اپنی جانوں کا نذرانہ پیش کیا۔ شہید سید حسن نصراللہ، جنہوں نے ہمیشہ اسرائیل کے خلاف مزاحمت کی قیادت کی، شہید قاسم سلیمانی، جنہوں نے القدس کی آزادی کے لیے اپنی زندگی وقف کر دی، شہید یحییٰ السنوار، جنہوں نے فلسطینی مزاحمت کو نئی قوت دی، اور شہید اسماعیل ہانیہ، جو ہمیشہ فلسطینی عوام کے دفاع میں سرگرم رہے—یہ سب تاریخ میں امر ہو چکے ہیں۔ ان کا خون آج بھی فلسطینی مزاحمت کے لیے مشعلِ راہ ہے، اور ان کی قربانیاں یہ ثابت کرتی ہیں کہ القدس کی آزادی کا خواب جلد حقیقت میں بدلے گا۔
علامہ علی اکبر کاظمی اور حسن عارف نے مزید کہا کہ حزب اللہ نے ہمیشہ فلسطینی مزاحمت کا بھرپور ساتھ دیا ہے اور آج بھی اسرائیلی جارحیت کے خلاف سینہ سپر ہے۔ مشرق وسطیٰ میں اسرائیلی مداخلت کسی ایک ملک تک محدود نہیں رہی۔ شام میں بھی اسرائیل کی بربریت جاری ہے، جہاں منظم قتل عام کیا جا رہا ہے۔ عالمی استعماری طاقتیں اسرائیل کے جرائم پر خاموش ہیں، مگر مزاحمت کے محاذ پر کھڑا ایران واحد ملک ہے جو کھل کر فلسطینی عوام اور غزہ کی حمایت کر رہا ہے اور ہر ممکن مدد فراہم کر رہا ہے۔انہوں نے کہا کہ یوم القدس ہمیں یاد دلاتا ہے کہ فلسطین کا مسئلہ صرف عربوں یا مسلمانوں کا نہیں، بلکہ پوری انسانیت کا مسئلہ ہے۔ یہ وہ دن ہے جب ہم اپنی اجتماعی ذمہ داری کو تسلیم کرتے ہوئے فلسطینی عوام کے حقوق کے لیے آواز بلند کرتے ہیں۔
پاکستانی حکومت سے مطالبہ کیا جاتا ہے کہ یوم القدس کو سرکاری سطح پر منانے کا اعلان کرے اور عالمی فورمز پر فلسطینی عوام کے حق میں مؤثر کردار ادا کرے۔یہ عظیم الشان یوم القدس ریلی امامیہ اسٹوڈنٹس آرگنائزیشن (ISO)، مجلس وحدت مسلمین پاکستان (MWM) اور دیگر جماعتوں کی سرپرستی میں نکالی جا رہی ہے۔
وحدت نیوز(لاہور) مجلس وحدت مسلمین شعبہ خواتین کی مرکزی رہنما سیدہ معصومہ نقوی نے عالمی یوم القدس کے موقع پر اپنے پیغام میں کہا کہ اسرائیل ایک سرطانی پھوڑا ہے جو نہ صرف فلسطین بلکہ پوری دنیا میں صیہونی و شیطانی نظام کا نفاذ چاہتا ہے ۔یہ ظالم و جابر صیہونی پوری طاقت سے ہمارے عزیز فلسطینی بہن ، بھائیوں اور معصوم بچوں کو نشانہ بنا کر ایسے خاک و خون میں تڑپا رہا ہے جسے الفاظ میں بیان کرنا ممکن نہیں آج اسرائیل تمام تر شیطانی وسائل کے ذریعے تفرقہ اندازی کررہا ہے اور متاسفانہ ہمارے عرب اسلامی ممالک اس جبر و استبداد میں اپنے مسلمان بھائیوں کے خلاف اسرائیل کو تحفظ فراہم کر رہے ہیں۔ دنیا بھر کے مسلمانوں پر واجب ہے کہ قبلہ اول کے تقدس و تحفظ اور مظلوم فلسطینیوں کی حمایت میں صدائے احتجاج بلند کریں
ان شاء اللہ وہ دن دور نہیں جب اسرائیل کا ناپاک وجود صفحہ ہستی سے مٹ جائے گا ہمیں ہر مظلوم کا حامی اور ہر ظالم کے سامنے سیسہ پلائی ہوئی دیوار بننے کی ضرورت ہے ۔ مظلوم مسلمانوں کی حمایت میں دنیا کے ہر کونے سے آواز بلند کرنا اور انکی طاقت بننا اولین وظیفہ ہے ۔ لہذا بیت المقدس کی آزادی کے لیے ہر ممکنہ طور پر آواز اٹھانا ہم سب کو اپنا شرعی وظیفہ سمجھنا ہوگا ۔
وحدت نیوز(جھنگ)جمعتہ الوداع 27 رمضان المبارک کو مجلس وحدت مسلمین ضلع جھنگ کےزیراہتمام ضلع بھرمیں فلسطین اور پارا چنار کے مظلوموں سےاظہاریکجہتی کےلیےیوم القدس کےطورپرمنانےکااعلان کرتےہیں۔
مولانا سید روح اللّہ کاظمی (پرنسپل جامعہ شمس العلوم الجعفریہ قائم بھروانہ و ضلعی صدر مجلس وحدت مسلمین ضلع جھنگ) نےشورکوٹ پریس کلب میں آئمہ جمعہ مولانا ناصر عباس قمی صاحب ، مولانا محمد عباس جوادی صاحب ، مولانا علی رضا روحانی صاحب کےہمراہ پریس کانفرنس کرتے ہوئےکہا 27 رمضان المبارک جمعتہ الوداع نماز جمعہ کے بعدMWM ضلع جھنگ کےزیراہتمام یوم القدس اور فلسطین سےاظہار یکجہتی کے عنوان سےضلع بھرمیں بھرپور اجتماعات ،ریلیاں اور مظاہرے کئے جائیں گےتمام مسلمان متحد ہوکر بیداری کا ثبوت دیں اور اپنے مظلوم مسلمان بھائیوں کے حق میں اور اسرائیل سے نفرت کا اظہار کرتے ہوئے بھرپور شرکت کریں۔
وحدت نیوز(اسلام آباد) مجلس وحدت مسلمین کے سربراہ سینیٹر علامہ راجہ ناصر عباس نے میڈیا سے گفتگو کےدوران ملک کی موجودہ صورتحال پر شدید تشویش کا اظہار کرتے ہوئے کہا کہ ملک میں امن نہیں ہے اور حکومت ملک کو تباہ و برباد کرنے پر تلی ہوئی ہے۔علامہ ناصر عباس نے کہا کہ ملک ٹوٹنے کی باتیں ہو رہی ہیں اور یہاں ایک خطرناک کھیل کھیلا جا رہا ہے، ملک کو جان بوجھ کر تباہ کیا جا رہا ہے اور اس کے لیے باقاعدہ منصوبہ بندی کی جا رہی ہے۔
انہوں نے خبردار کیا کہ موجودہ حکمران بھی اس آگ سے نہیں بچ سکیں گے، وہ بھی اسی گڑھے میں گریں گے، دنیا کے قاتلوں کی تاریخ پڑھ لیں، ظالموں کا انجام ہمیشہ برا ہوتا ہے۔علامہ ناصر عباس نے مزید کہا کہ خداوند کو ظلم پسند نہیں، کسی کو اس کا حق نہ دینا ظلم کے مترادف ہے، ملک کا پورا سسٹم ظالمانہ ہے اور ہمارا سامنا ان ہی ظالموں سے ہے جو عوام کے حقوق پر ڈاکہ ڈال رہے ہیں۔
انہوں نے عزم ظاہر کیا کہ ہم کبھی میدان نہیں چھوڑیں گے۔سربراہ مجلس وحدت مسلمین کا کہنا تھا کہ بانی چیئرمین پی ٹی آئی عمران خان ہی ملک کی نجات کا ذریعہ ہیں، وہی ناکامی کے سامنے دیوار کھڑی کر سکتے ہیں، عوام کا ان چوروں اور ڈاکوؤں پر کوئی اعتماد نہیں رہا، ہم ملک بچائیں گے اور ان نااہل حکمرانوں کے شکنجے سے ملک کو نکالیں گے۔آخر میں علامہ ناصر عباس نے پُرعزم لہجے میں کہا کہ ایک دن آئے گا جب ان کے ہاتھ ٹوٹ جائیں گے اور ملک کے حقیقی وارث عوام اپنے حقوق حاصل کریں گے۔
وحدت نیوز(کوئٹہ)مرکزی رہنما مجلس وحدت مسلمین پاکستان اور امام جمعہ کوئٹہ علامہ سید ہاشم موسوی کی سربراہی میں ایک وفد نے جمعیت علمائے اسلام کے رہنماء حافظ حسین احمد کی فاتحہ خوانی میں شرکت کی۔
وفد میں مجلس وحدت مسلمین بلوچستان کے صوبائی نائب صدر شیخ ولایت حسین جعفری، بلوچستان شیعہ کانفرنس کے صدر عاشق حسین ہزارہ، نائب صدر سید مہدی اور سکیورٹی انچارج کربلائی خادم حسین سمیت دیگر نے موجود تھے۔
وفد نے جے یو آئی رہنماء حافظ حسین احمد کی وفات پر فاتحہ خوانی اور تعزیت کا اظہار کیا۔
