The Latest
وحدت نیوز (اسلام آباد) مجلس وحدت مسلمین پنجاب کے ترجمان علامہ اصغر عسکری نے کہا ہے کہ لاکھوں شہداء کی میراث پاکستان کے مسائل کو حکمران سنجیدگی کے ساتھ حل نہیں کر رہے۔ شیعہ سنی کا کوئی تنازعہ نہیں، مختلف مسالک پاکستان میں ہم آہنگی اور بھائی چارے کے ساتھ آپس میں مل بیٹھتے ہیں۔ ان خیالات کا اظہار انہوں نے معروف دانشور آغا مرتضیٰ پویا کی رہائش پر منعقدہ انٹلیکچوئل فورم بعنوان ''بیت ابراہیم (ع) اور انسانیت کا مستقبل'' سے خطاب کرتے ہوئے کیا۔ انہوں نے کہا کہ غور طلب بات یہ ہے کہ اس فورم میں موجود چند لوگ کس قدر موثر ہیں، یہاں بنیادی مسائل بارے صرف منصوبہ سازی ہی کی جا سکتی ہے۔
رہنما ایم ڈبلیو ایم نے کہا کہ فوجی آمر ضیاءالحق کے غلط اقدامات کے باعث آج ہم جنازے اٹھانے پر مجبور ہیں، ڈکٹیٹر کو شہید کہنا سراسر زیادتی ہے، اسی شہید کے دیئے ہوئے تحفے ہیں کہ آج ہم لاشیں اٹھا رہے ہیں۔ انہوں نے کہا کہ دہشت گردی کے خلاف ہماری پاک فوج فرنٹ لائن پر ہے، دہشت گرد سنی شیعہ دونوں کو مار رہے ہیں، پوری قوم بلاتفریق فوج کے شانہ بشانہ کھڑی ہے۔ ہماری حکمران صرف اور صرف اپنے مفادات کی خاطر سرگرم ہیں، لاکھوں شہداء کی قربانیاں دے کر بچائے جانے والے اس ملک کو حکمران سنجیدہ نہیں لے رہے۔ علامہ اصغر عسکری نے کہا کہ پاکستان میں شیعہ سنی کا کوئی تنازعہ نہیں، مختلف مسالک پاکستان میں ہم آہنگی اور بھائی چارے کے ساتھ آپس میں مل بیٹھتے ہیں۔
وحدت نیوز(کوئٹہ ) مجلس وحد ت مسلمین کوئٹہ ڈویژن کے میڈیا سیل سے جا ری کردہ بیان کے مطا بق کوئٹہ میں تین روزہ پیام امن اسکاوٹ کیمپ زیر اہتمام وحدت اسکاوٹس پاکستان منعقد ہوا اس میں وحدت اسکاوٹس کے ڈپٹی چیف اسکاوٹ برادر مجاہد تمار مرکزی انسٹر کٹر ثا قب علی اور صوبہ بلوچستان کے چیف اسکاوٹ منصب علی کوئٹہ ڈویژن کے اسکاوٹ انچا رج کر بلائی حسین علی نے شرکت کی اس کے علاوہ کوئٹہ ڈویژن کے اسکاوٹ اراکین نے کثیر تعدا د میں شر کت کی ۔
اس موقع پر وحدت اسکاوٹس کے مرکزی ڈپٹی چیف مجا ہد تمار نے اپنے خیالات کا اظہار کرتے ہوئے ملک کے تمام اسکاوٹس کے نام یہ پیغام دیا کہ آج وطن عزیز پاکستان چا رو ں طر ف سے دشمنوں کی سا زشو ں کا شکار ہے کبھی پشا ور میں اسکول کے ننھے بچے شہید کئے جا تے ہیں تو کبھی شکار پورمیں نماز جمعہ پڑھنے والے مسلمانوں کو ٹا رگٹ کیا جا تا ہے ملک میں نہ اسکول محفوظ ہے نہ امام با ر گاہ نہ اولیا ئے کرام کے مزارات اور نہ ہی چرچ ،مندر محفو ظ ہے جسکی وجہ سے عام شہری کی زندگی بری طر ح متا ثر ہے اور ملک میں مایوسی اور بے چینی کی فضا ء بڑھتی جا رہی ہے ایسے میں ملک کے ہر شہری اورخصو صا اسکاوٹس کی ذمے دا ری بنتی ہے کہ وہ ملک کے حا لات کو بہتر بنانے میں اہم کر دار ادا کریں۔ہم اسکاوٹس کی ذمے دا ری بنتی ہے کہ پہلے ہم خود دین مبین کو سمجھے پاکستان کے قوا نین کی پاسدا ری کریں اور عام شہر ی کے اندر بھی قوانین کی پاسدا ری کے حوالے سے شعو ر و آگا ہی پید اکریں تاکہ ملک میں امن و امان قائم ہو اور ملک کا ہر شہر ی پر سکون زند گی گزا ر سکیں۔
وحدت نیوز (نوشہروفیروز) مجلس وحدت مسلمین پاکستان کے ضلع نوشہرفیروز کے سیکریٹری جنرل اعجاز ممنائی نے صحافیوں سے گفتگو کرتے ہوئے کہا کہ 6 مارچ ہونے والے شکارپور سانحے کے شیداوں کا چلمن عقیدت و احترام سے منایا جائيگا جس میں ایم ڈبلیو ایم کے مرکزی سیکریٹری جنرل علام راجا ناصرعباس ، امین شیدری، علامہ مقصود ڈومکی، علامہ مختیار امامی، علامہ حیدر جوادی کے علاوہ مرکزی رھنماء شرکت کریں گے، انہوں نے کہا کہ حکومت اپنی ذمیداری ایمانداری سے نبھاتی تو شکارپور سانحہ پیش نہ آتا ایم ڈبلیو ایم ضلع نو شہروفیروز کے سیکریٹری جنرل نے عوام سے اپیل کی کہ شہداء کے چہلم پہ بھرپور شرکت کریں۔
وحدت نیوز (لاہور) مجلس وحدت مسلمین پاکستان کے سربراہ علامہ ناصر عباس جعفری نے کہا ہے کہ حکمرانوں نے ہمارے خلاف دہشت گردوں سے اتحاد کر لیا ہے اور باقاعدہ سازش کے تحت ہمارے نوجوانوں اور فعال عہدیداروں کو فورتھ شیڈول میں شامل کر کے ان کو گرفتار اور ہراساں کیا جا رہا ہے، پنجاب حکومت قومی ایکشن پلان پر عمل کی بجائے اس کو ناکام بنانے کی پالیسی پر گامزن ہے، قومی اداروں کو اس کا نوٹس لینا چاہیے۔ وہ اپنے دفتر میں شاعر اہلبیت شوکت رضا شوکت کی قیادت میں ملاقات کرنیوالے ذاکرین کے وفد سے گفتگو کر رہے تھے جبکہ اس موقع پر سربراہ مجلس وحدت مسلمین پاکستان علامہ راجہ ناصر عباس جعفری نے بھکر، دریا خان، جھنگ، ٹوبہ ٹیک سنگھ، کمالیہ، شورکوٹ، رحیم یارخان، فیصل آباد، گوجرانوالہ، سیالکوٹ، چنیوٹ، سرگودھا، راولپنڈی سمیت دیگر اضلاع میں کارکنوں اور فعال عہدیداروں کی گرفتاریوں اور ان کو ہراساں کیے جانے کی شدید مذمت کرتے ہوئے کہا کہ حکمران دہشت گردوں کے خلاف آپریشن کرنے کی بجائے پرامن لوگوں کو گرفتار کر رہی ہے جو اصل میں قومی ایکشن پلان کے خلاف بھی سازش ہے۔
انہوں نے کہا کہ بدقسمتی ایک بار پھر دہشت گردوں اور حکمرانوں نے ہمارے خلاف اتحاد کر لیا ہے، ایک طرف تو دہشت گرد ہماری مساجد و امام بارگاہوں کو نشانہ بنا رہے ہیں، ہمارے چنیدہ افراد اور فعال نوجوانوں کو گرفتار کیا جا رہا ہے، بہت سوں کو ناجائز طور پر فورتھ شیڈول جو دہشت گردوں کیلئے قانون ہے اس کا شکار کیا جا رہا ہے۔ ان کا کہنا تھا کہ سادات و غیر سادات کے گھروں پر چھاپے مار کر چادر و چار دیواری کے تقدس کو پامال کیا جا رہا ہے۔ انہوں نے کہا کہ گرفتاریاں، چھاپے، خوف و ہراس کی صورتحال سے مکتب تشیع میں حکمرانوں کے خلاف شدید غم و غصہ پایا جاتا ہے، ملت تشیع کو بلا جرم و خطا دہشت گردوں کے ساتھ ایک ہی صف میں کھڑا کرنے کی سازش دراصل آپریشن ضرب عضب اور قومی ایکشن پلان کو ناکام کرنے کی مجرمانہ سازش ہے جبکہ دوسری طرف صورتحال یہ ہے جن کی گرفتاریاں مقصود ہیں جو قتل و غارت گری کے سرپرست ہیں انہیں پنجاب پولیس کی ایلیٹ فورس کے دستے اپنی حفاظت میں ملک کے کونے کونے میں دورے کرواتے ہیں، ہم ظلم کے آگے جھکنے والے نہیں، ہر روز ہمارے گھروں سے جنازے اُٹھتے ہیں، ہمیں پتہ ہے ہمارا جرم کیا ہے، ہمارا جرم دہشت گردوں کے خلاف آواز اُٹھانا اور مظلوموں کی حمایت کرنا ہے، ہمارا جرم حب الوطنی، اتحاد بین المسلمین اور قومی وحدت کے لئے میدان میں آنا ہے، اور ہم اس عمل کو جاری رکھیں گے۔
علامہ راجہ ناصر عباس نے ذاکرین عظام پر زور دیا کہ وہ منبر سے اتحاد امت اور قومی وحدت کا درس دیں، دشمنوں کی سازشوں کا ڈٹ کر مقابلہ کریں اور عوام کو ان سازشوں سے آگاہی دیں، شاعر اہلیبت شوکت رضا شوکت نے علامہ راجہ ناصر عباس جعفری کو یقین دلایا کہ ملک بھر کے ذاکرین آپ کے ساتھ ہیں اور آپ کے ہر حکم پر لبیک کہنے کو تیار ہیں۔
وحدت نیوز (اسلام آباد) مجلس وحدت مسلمین پاکستان کے مرکزی میڈیا سیل کی انتھک کو شش اور مسلسل رابطوں کے باعث جیو نیوز انتطامیہ نے طلعت حسین کے پروگرام نیا پاکستان میں تکفیری جماعت کے سرغنہ کی جانب سے ہل تشیع مکتب فکر کے خلاف ہرزہ سرائی کرنے اور انہیں کافر قرار دینے پر آن آیئر معافی طلب کرلی ہے، جبکہ جیو نیٹ ورک کے مالک میر شکیل الرحمن ،بیورو چیف اسلام آباد رانا جواد سمیت پاکستان فیڈرل یونین آف جرنلسٹ کے صدر افضل بٹ نے وفود کی صورت میں ایم ڈبلیوایم کے سربراہ علامہ ناصرعباس جعفری سمیت دیگر مرکزی قائدین سے ملاقاتوں میں مذکورہ توہین اور تکفیر آمیز پروگرام پر تحریری معافی مانگ لی ہے، ایم ڈبلیوایم کے مرکزی سیکریٹری اطلاعات سید مہدی عابدی نے وحدت نیوزسے گفتگو کرتے ہوئے کہا کہ ایم ڈبلیوایم کی مرکزی میڈیا کمیٹی اور میڈیا کوآرڈینیٹرز کی مسلسل توجہ ، روابط اور پریشر کے باعث جیو ٹی وی انتظامیہ نے اہل تشیع کی دل آزاری پر فوری طور پر آن ایئر اس قبیح فعل پر معذرت خواہی کی، جبکہ اس ہی پروگرام میں ایم ڈبلیوایم کے مرکزی ڈپٹی سیکریٹری جنرل علامہ امین شہیدی کو اہل تشیع مکتب فکر پر لگائے گئے من گھڑت اور نا زیبا الزامات کے دفاع کیلئے بھیجا گیا جہاں انہوں نے پروگرام کے میزبان طلعت حسین کی جانب سے کیئے جانے والے تند و تیز اور انتہائی غیر مناسب سوالات کے بھی بڑی دانشمندی ، بصیرت اور حوصلے سےتسلی بخش جوابات دیئے، علامہ امین شہید ی نے ملت جعفریہ پاکستان کی صحیح معنیٰ میں وکالت اور ترجمانی کی جس پر ہم انہیں خراج تحسین پیش کرتے ہیں ، مہدی عابدی نے مزید کہا کہ ایم ڈبلیوایم کی مرکزی میڈیا کمیٹی اپنے قائد علامہ ناصر عباس جعفری کی زیر قیادت ملت کے دفاع اور امت مسلمہ کی سربلندی کیلئے ہر میدان میں ہر لمحہ حاضر رہے گی، آئندہ کسی میڈیا ہاوس کو اہل تشیع کی تکفیر پر مبنی پروگرام کی تشہیر کی اجازت نہیں دی جائے گی، جیو کی معافی پر تمام ملت اور میڈیا کوآرڈینیٹرز مبارک باد کے مستحق ہیں۔
وحدت نیوز (لاہور) مجلس وحدت مسلمین پاکستان کے مرکزی سیکرٹری جنرل علامہ ناصرعباس جعفری نے کہا ہے کہ معاشرے میں بگاڑ کی اصل وجہ عدل و انصاف کا ناپید ہونا ہے، پنجاب میں مظلوم اور ظالم کو ایک ہی لاٹھی سے ہانکنے کا عمل جاری ہے، دہشت گردی کے خلاف جنگ کو سیاسی انتقام میں تبدیل کر دیا گیا ہے، پنجاب حکومت بے گناہوں کو گرفتار اور مجرموں کو تحفظ دے رہی ہے، ہمیں مجبور کیا جا رہا ہے کہ ہم سڑکوں پر نکلیں۔ ان خیالات کا اظہار انہوں نے لاہور میں عمائدین شہر کے اجلاس سے خطاب میں کیا۔ انہوں نے کہا کہ پاکستان کے قیام کی جدوجہد سے لیکر ارض وطن کی بقا و سلامتی کے موجودہ فیز تک ہم اس بات پر فخر کرسکتے ہیں کہ ہمارے مکتب کے پیروان اپنے اجداد کی اس میراث و امانت سرزمین پاک، اس کی سلامتی و استحکام کے اداروں، فورسز کے مراکز و شخصیات حتٰی پولیس کے کسی دستے یا تھانہ کی کسی عمارت پر بھی کسی بھی دور میں حملہ آور نہیں ہوئے، کبھی کوئی ایسا طرز عمل اختیار نہیں کیا، جس سے وطن سے غداری کی بو آئے، کبھی ایسا احتجاج نہیں کیا، جس سے باغیانہ سوچ یا فکر کی عکاسی ہو، جبکہ ہم نے ہر دور میں ظلم سہا، ہمیں وطن دشمن، اسلام دشمن دہشت گردوں نے بھی اپنے ظلم کا شکار کیا اور حکمرانوں نے بھی اپنے تعصب، تنگ نظری اور جانبداری سے مایوسیوں کے گھٹا ٹوپ اندھیرے میں پھینکا۔
انہوں نے کہا کہ جب بھی اسلام دشمن قوتوں نے فرقہ واریت کے جن کو بوتل سے باہر نکالا، ہم دونوں طرف سے متاثر ہوئے، دہشت گرد ہماری شخصیات کو قتل کرتے، ہماری مساجد، امام بارگاہوں، مجالس و مراکز دینی کو نشانہ بناتے اور حکمران ہمارے نوجوانوں، بزرگوں حتٰی ہاتھ میں آنے والے بچوں کو بھی گرفتار کرواتے، اور اپنی دانست میں غیر جانب داری کا تاثر دیتے۔ بھلا ملک دشمن دہشت گردوں اور سلامتی ارض پاک پر جانیں نچھاور کرنے والوں کو ایک ہی پلڑے میں کیسے تولا جا سکتا ہے۔؟ یہ کیسا انصاف اور غیر جانبداری ہے کہ افواج پاکستان، فورسز، انٹیلی جنس مراکز، ملک کے بنیادی دفاعی اسٹرکچر اور حساس ترین تنصیبات کو نشانہ بنانے والے اور پرامن، نہتے، وطن کے جانثار شہریان کو ایک ہی لاٹھی سے ہانکا جائے، مگر یہ ایک تلخ حقیقت ہے کہ ہمیشہ ایسا ہی ہوتا آیا ہے، جسے بدقسمتی کہا جائے یا نااہلی، روایتی فرقہ وارانہ سوچ کا نام دیا جائے یا تنگ نظری و عصبیت ایسا ہی ہوتا آیا ہے۔
علامہ ناصر عباس کا کہنا تھا کہ ہم نے دہشت گردوں کے خلاف اپنے عزم کا اظہار ہر پلیٹ فارم اور موقعہ و مناسبت سے ببانگ دہل کیا ہے، ہم نے ہی سب سے پہلے آپریشن کا مطالبہ کیا، ہم نے ہی افواج پاکستان پر اپنے اعتماد کا اظہار کرتے ہوئے دہشت گردوں کے خلاف ان کی کارروائیوں اور کاوشوں کو خراج تحسین پیش کیا، اور موجودہ حکمران جب ملک دشمنوں سے مذاکرات کے بہانے ساز باز میں مصروف تھے تو ہم نے اپنا موقف واضح انداز میں میڈیا کے ذریعے قوم کے سامنے رکھا، گویا آپریشن ضرب عضب سے پہلے ہم نے اس کی حمایت کی، اور اب بھی جب سولہ دسمبر کے دن آرمی پبلک اسکول پر قیامت برپا کی گئی تو اس کے بعد بلا چوں و چراں ہم نے اس ناسور کو بلا تخصیص جڑ سے اکھاڑ پھینکنے کا مطالبہ کیا، دہشت گردوں سے نمٹنے کیلئے ملٹری اسپیڈی کورٹس کے مطالبے کو دہرایا اور ملک دشمنوں کو سرعام چوکوں و چوراہوں میں پھانسیوں پر لٹکانے کا مطالبہ کیا۔
انہوں نے مزید کہا کہ افواج پاکستان کی یہ حمایت اور ان پر اعتماد ہر گذرنے والے دن کے ساتھ بڑھ رہا ہے، ان کا کہنا تھا کہ ہر درد مند پاکستانی کی طرح ہم بھی یہی چاہتے ہیں کہ دہشت گردی چاہے اس کا تعلق فرقہ واریت سے ہو یا اس کو ڈرون حملوں کا ردعمل کا نام دے دیا گیا ہو، دین کے نام پر ہو یا سیکولر جماعتی بنیاد پر ہو رہی ہو، کراچی میں ہو رہی ہو یا وزیرستان میں، وطن کی سلامتی و استحکام کی راہ میں آنے والے ہر رکاوٹ کو ختم کرنا ضروری ہے، یہ فرض ہے جس کی ادائیگی سیاستدانوں، فورسز، حتٰی عوام پر بھی برابر عائد ہوتی ہے، ہم اسے فرض سمجھ کر ہی ادا کر رہے ہیں اور ملک و بیرون ممالک میں اس حوالے سے پاکستان کا تاثر بہتر بنانے کیلئے کوشاں ہیں، ہم فورسز کی پشتی بانی میں کسی ہچکچاہٹ کا شکار نہیں ہیں، ہمیں اس جرم کی سزا بھی دی جا رہی ہے، دہشت گردوں نے حالیہ دنوں میں سب سے زیادہ نقصان ہمارے لوگوں کا کیا ہے، سانحہ شکار پور، سانحہ حیات آباد پشاور، سانحہ شکریال امام بارگاہ راولپنڈی اور کراچی سمیت ملک کے کئی ایک شہروں میں ہونے والی ہمارے قیمتی افراد کی ٹارگٹ کلنگ اس کا واضح ثبوت ہے، انشاءاللہ دہشت گردی اور انتہا پسندی کے خلاف اگر تنہا بھی میدان میں کھڑا ہونا پڑے تو ہم ارض پاک کی حفاظت کے لئے کھڑے رہیں گے اور ان وطن دشمنوں کے سامنے کبھی نہیں جھکیں گے۔
وحدت نیوز (گلگت) ڈسٹرکٹ جیل گلگت سے خطرناک دہشت گردوں کو فرار کروانا انتہائی تشویشناک امر ہے۔یہ دہشت گرد فرار نہیں ہوئے بلکہ ان کو ملی بھگت سے فرار کروایا گیا ہے۔ اگر شہید ضیاء الدین کے قتل میں ملوث مجرموں کو چیتا جیل گلگت سے فرار کروانے والوں کے خلاف موثر کاروائی ہوتی تو آج یہ واقعہ پیش نہ آتا۔دہشت گردوں کو جیل سے فرار کروانے میں ملوث سرکاری اہلکاروں اور انہیں سپورٹ فراہم کرنے والوں کے خلاف انسداد دہشت گردی ایکٹ کے تحت مقدمات فوجی عدالتوں میں چلاکر سخت سے سخت سزائیں دی جائیں تاکہ آئندہ اس قسم کے واقعات کی روک تھام ہوسکے۔
ان خیالات کا اظہار مجلس وحدت مسلمین گلگت بلتستان کے سیکرٹری جنرل علامہ نیئر عباس مصطفوی نے اپنے ایک بیان میں کیا ہے ۔ انہوں نے کہا کہ حالیہ واقعے کو چیتا جیل سے دہشت گردوں کی فراری کے واقعے کی طرح دبایا گیا تو ایسے واقعات معمول بن جائیں گے اور عوام کا قانون پر سے اعتماد اٹھ جائیگا۔سانحہ ننگا پربت کے مجرموں کو دانستہ طور پر فرار کروایا گیا ہے جس کی بنیادی وجہ دہشت گردوں سے ہمدردی رکھنے والے اور انہی کے ہم خیال افراد کو پہرے پر بٹھادیا گیا جن کے ملی بھگت سے دہشت گرد فرار ہونے میں کامیاب ہوگئے۔ انہوں نے کہا کہ ڈسٹرکٹ جیل گلگت میں انتظامیہ سے زیادہ قیدیوں کی رٹ قائم ہے جہاں بین الاقوامی دہشت گرد تنظیم داعش کی حمایت میں دیواروں پر چاکنگ کی گئی ہے اور انتظامیہ کی ہمت نہیں ہوئی کہ وہ داعش کی حمایت میں کی گئی چاکنگ کو مٹاسکے ، جس سے ثابت ہوتا ہے کہ قیدی جیل انتظامیہ سے زیادہ طاقتور ہے یا پھر جیل انتظامیہ دہشت گردوں کی حمایتی ہے۔انہوں نے کہا کہ دہشت گردوں کے جیل سے فرار ہونے کے دو دن گزرنے کے باوجود ان کا سراغ نہ ملنا انتظامیہ کی نااہلی ہے،چند دہشت گردوں نے سیکورٹی فورسز کی بڑی تعداد کو مصروف رکھا اور فرار ہونے میں کامیاب ہوگئے۔انہوں نے کہا کہ قیام امن اور دہشت گردی کے خاتمے کیلئے لازم ہے کہ فورسز میں موجود دہشت گرد تنظیموں کے حامیوں اور ان کیلئے نرم گوشہ رکھنے والوں کے خلاف بھرپورایکشن کیا جائے اور فورسز کو دہشت گردوں کے حامیوں سے پاک کیا جائے۔
انہوں نے مزید کہا کہ انتظامیہ پر امن شہریوں اور اپنے بنیادی حقوق کی پرامن جدوجہد کرنے والوں کے خلاف تو بڑی پھرتیاں دکھارہی ہے جبکہ دہشت گردوں اور ان کے حامیوں کے خلاف ایکشن کرنے کو تیار ہی نہیں۔ہم بارہا حکومت کو اپنے خدشات سے آگاہ کرتے رہے ہیں کہ وزیرستان آپریشن کے شروع ہوتے ہی طالبان دہشت گردوں نے گلگت بلتستان میں پناہ لے رکھی ہے جو کسی بھی وقت دہشت گردانہ کاروائی کے مرتکب ہوسکتے ہیں لیکن حکومت نے ہمارے ان خدشات کا کوئی نوٹس نہیں لیا ،حکومت اب بھی اپنا قبلہ سیدھا کرے اور علاقے میں بد امنی اور شر پھیلانے والوں کے خلاف بھرپور کاروائی کرے۔
وحدت نیوز(مانٹرنگ ڈیسک) نجی ٹی وی چینل جیو نیوز کے پروگرام نیا پاکستان میں میزبان طلعت حسین کے سوالات کے جوابات دیتے ہوئے مجلس وحدت مسلمین پاکستان کے ڈپٹی سیکریٹری جنرل علامہ محمد امین شہیدی نے کہا ہے کہ اگر کوئی فرقہ پاکستان کو کنٹرول کرنا چاہتا ہے تو یہ ممکن نہیں، مختلف فرقوں کی نمائندہ جماعتیں پاکستان کی ترقی کیلئے اپنی شناخت کے ساتھ کام کرتی ہیں تو اس شناخت پر پابندی نہیں لگنی چاہئیں، تحریک نفاذ فقہ جعفریہ کسی دوسرے فقہ پر اپنی فقہ مسلط کرنے کیلئے نہیں بلکہ فقہ جعفریہ کے ماننے والوں کو ان کی فقہ کے مطابق عمل کی اجازت دلوانے کیلئے چلی، کسی بھی قیمت پر دہشت گردوں کے ساتھ بیٹھنے پر تیار نہیں۔
طلعت حسین کی جانب سے مسلکی تفریق کی بنیاد پر سیاسی جماعتوں کی تشکیل کے سوال کا جواب دیتے ہوئے علامہ امین شہیدی نے کہا کہ پاکستان کسی فرقہ نہیں اسلام کے نام پر وجود میں آیا، تمام مسالک کے مشترکہ عقائد و نظریات کی بنیاد پر ہی پاکستان کو قائم رکھا جاسکتا ہے، اگر کوئی فرقہ یہ چاہے کہ پاکستان اس کے کنٹرول میں آجائے تو یہ ممکن نہیں، فرقہ یا مسلکی حاکمیت کی بنیاد پر سیاست نہیں چل سکتی، گزشتہ تیس سالوں کے واقعات سے ہمیں سبق سیکھنا چا ہئے ،ایک فرقہ کے تسلط اور باقی فرقوں کو معاشرے سے نکالنے کی کوئی تحریک دین کی روح اور تشکیل پاکستان کی بنیادوں کے خلاف ہے۔ انہوں نے کہا کہ پاکستان میں موجود تمام فرقے مسلمہ حقیقت ہیں، جمعیت علمائے اسلام دیو بند یت کی نمائندہ جماعت ہے جبکہ جمعیت علمائے پاکستان بر یلو یو ں کی نمائندگی کرتی ہے اسی طرح اہلحدیث اور شیعوں کی بھی نمائندہ جماعتیں ہیں، مختلف فرقوں کی نمائندہ جماعتیں پا کستا ن کی ترقی اور دین کی افادیت عوام تک پہنچانے کیلئے اپنی شناخت کے ساتھ کام کرتی ہیں تو اس شناخت پر پابندی نہیں لگنی چاہئے، اپنی شناخت قائم رکھنے کیلئے دوسروں کی شناخت مٹانے کی کسی مذموم حرکت کی اجازت نہیں دینی چاہئے ورنہ خانہ جنگی شروع ہوجائے گی۔
نفاذ فقہ جعفریہ کی تحریک کے قیام اور اس کے بعد مسلسل تحریکوں کی تشکیل کے سوال کے جواب میں علامہ محمد امین شہیدی کا کہنا تھا کہ تحریک نفاذ فقہ جعفریہ اہل تشیع کے حقوق کے حصول کیلئے چلی، تحریک نفاذ فقہ جعفریہ کسی دوسرے فقہ پر اپنی فقہ مسلط کرنے کیلئے نہیں بلکہ فقہ جعفریہ کے ماننے والوں کو ان کی فقہ کے مطابق عمل کی اجازت دلوانے کیلئے چلی، اگر اس طرح کی کسی تحریک کے ذریعے اپنی فکر دوسروں پر مسلط کی جائے، کسی کی حق تلفی کی جائے تو اس طرح کی کسی بھی تحریک کی حوصلہ شکنی ہونی چاہئے، لیکن اگر کوئی اپنے حقوق کے تحفظ کیلئے اس طرح کی تحریک چلاتا ہے تو اس کی اجازت ہونی چاہئے ، پاکستان میں بغیر طاقت اور بغیر دباؤ کے کسی کو حق نہیں ملتا ، لہٰذا اپنے حق کے حصول کیلئے میدان میں کھڑا ہونا چاہئے لیکن اس کا مطلب یہ نہیں ہے کہ آپ ریاست اور اٹھارہ کروڑ عوام پر اپنا فقہ مسلط کریں،اگر فتوؤں کی بنیاد پر کسی کو کافر قرار دیا جاتا ہے تو پھر تو تمام فرقوں کے لوگوں نے ایک دوسرے کو کافر قرار دیا ہوا ہے۔
طلعت حسین کی جانب سے شہید محرم علی کو ریاست کا مجرم قرار دیتے ہوئے علامہ امین شہیدی کی شہید محرم علی کی قبر پر فاتحہ خوانی پر اعتراض کے جواب میں علامہ امین شہیدی کا کہنا تھا کہ عالمی استعماری طاقتوں نے پوری دنیا میں امام خمینی کے اسلامی انقلاب کا راستہ روکنے کی کوشش کی، اس کے نتیجے میں پاکستان میں ایک تکفیری ٹولہ پیدا ہوا جس کا کام شیعؤں کی تکفیر کرنا تھا یہ تحریک جھنگ سے شروع ہوئی اور پاکستان کے مختلف علاقوں میں پھیلائی گئی، اس کے نتیجے میں ہزاروں گھر اجڑ گئے اور بڑی بڑی شخصیات ماری گئیں، اس صورتحال میں مختلف گروپس پیدا ہوئے اور جن لوگوں کے رشتہ داروں کومارا گیا ، انہوں نے انتقامی کارروائیاں بھی کیں۔ریاست کے قانون کے مقابلے میں کوئی اپنی اجارہ داری قائم نہیں کرسکتا، ریاست کے قانون کے مطابق کوئی مجرم ہے تو اسے مجرم ہی کہا جائے گا، لیکن ریاست کے قانون کی روشنی میں اگر کوئی شخص مجرم ہے تو اس شخص نے جن لوگوں کو مارا ہے وہ بھی مجرم ہے اس لئے کہ وہ لوگ ہزا ر و ں لوگوں کے قاتل ہیں، اس چیز کو سامنے رکھتے ہوئے کسی ایسے شخص کی مغفرت کی دعا کی جاسکتی ہے، ریاست اگر کسی مجرم کو خود نہ روکے تو عوام اسے روکنے کیلئے میدان میں آ نے پر مجبور ہوجاتی ہے، کوئٹہ میں جو قتل ہوئے اسے روکنا ریاست کی ذمہ داری تھی،ریاست کی رِٹ قائم ہونا چاہئے، اگر ریاست کی رِٹ قائم نہیں ہوتی اور عوام اسلحہ ہاتھ میں لے لیتی ہے یا اس طرح کی زبان استعمال کرتی ہے تو اس میں قصور ریاست کا ہے۔ انہوں نے کہا کہ اکیسویں ترمیم کے بعد بھی لوگوں نے تکفیری نعرے لگائے، معاشرے میں فساد پھیلایا، دوسروں کی دل آزاری کی، اب وزیر داخلہ ، وزیراعظم ،فوج اور ریاست کہاں ہے۔کالعدم دہشت گرد جماعت سپاہ صحابہ کے سرغنہ احمد لدھیانوی کے ساتھ بیٹھنے کے سوال پر علامہ امین شہیدی کا کہنا تھاکہ کسی بھی قیمت پر دہشت گردوں کے ساتھ بیٹھنے پر تیار نہیں۔
وحدت نیوز (پشاور) مجلس وحدت مسلمین پاکستان کے مرکزی ڈپٹی سیکرٹری جنرل علامہ محمد امین شہیدی نے خیبر پختونخوا میں امن و امان کی صورتحال پر تشویش کا اظہار کرتے ہوئے کہا ہے کہ دہشتگردوں کو بھرپور ریاستی طاقت سے کچلے بغیر امن قائم نہیں ہوسکتا، دہشتگردی کے ناسور سے وطن عزیز کو نجات دلانے کیلئے وفاقی اور تمام صوبائی حکومتوں کو اپنی ذمہ داریاں پوری کرنا ہوں گی۔ وحدت میڈیا سیل خیبر پختونخوا سے جاری پریس ریلیز کے مطابق انہوں نے کہا کہ ملک کے دیگر صوبوں کی طرح خیبر پختونخوا میں بھی امن و امان کی صورتحال ابتر ہے، دہشتگردوں کیخلاف آپریشن کو ملک کے دیگر حصوں تک وسعت دینے کی ضرورت ہے، مصلحتوں سے بالاتر ہوکر دہشتگردوں کو انسانیت اور ملک دشمن کے طور پر دیکھناہوگا، انہوں نے مزید کہا کہ قومی ایکشن پلان پر اب تک اس کی روح کے مطابق عمل نہیں ہورہا، جوکہ قوم کیلئے باعث تشویش ہے، انہوں نے پشاور میں جاری ٹارگٹ کلنگ پر بھی تشویش کا اظہار کرتے ہوئے کہا کہ پشاور میں ٹارگٹ کلنگ کو روکنا حکومت کی ذمہ داری ہے، ریاست کا فرض ہے کہ وہ عوام کو جان و مال کا تحفظ فراہم کرے، ٹارگٹ کلنگ کے سلسلے کو روکنے کیلئے ہنگامی بنیادوں پر اقدامات کئے جائیں، اورپشاور سمیت خیبر پختونخوا میں بھی دہشتگردوں کیخلاف فوری طور پر آپریشن کیا جائے۔علاوہ ازیں علامہ محمد امین شہیدی نے شیعہ علماء کونسل خیبر پختونخوا کے صدر علامہ محمد رمضان توقیر کے والد گرامی حاجی غلام حیدر کے انتقال پر افسوس کا اظہار کیا۔
وحدت نیوز (کراچی) مجلس وحدت مسلمین کراچی کے رہنماؤں نے جمعہ کے روز کراچی اور پشاور میں شیعہ مسلمانوں کو ہدف بناکر قتل کرنے کی شدید مذمت کرتے ہوئے ان واقعات میں ملوث تکفیری دہشت گردوں کی فوری گرفتاری اور کھلے عام پھانسی کی سزادینے کا مطالبہ کیا ہے۔ایم ڈبلیوایم کے رہنماؤں علامہ مختار امامی، حسن ہاشمی، علامہ مبشر حسن اور علی حسین نقوی نے شہداء کے اہل خانہ سے تعزیت کا اظہار کرتے ہوئے انہیں اپنے بھرپور تعاون کا یقین دلایا۔ دوسری جانب انہوں نے کہا کہ اورنگی ٹاؤن میں مسجدو امام بارگاہ حیدر کرارؑ کے ٹرسٹی نفیس حیدر کے بیٹے علی حیدرزیدی اور سلیم کا قتل اس لئے ممکن ہوا کہ شہر کے مختلف علاقوں میں کالعدم جماعتوں کے دفاترتاحال کھلے ہوئے ہیں اوردہشت گرد گروہ کے جھنڈے شہر بھر میں لہرارہے ہیں۔پشاور میں قیصر حسین کا قتل اس لئے ممکن ہوا کہ وہاں تحریک انصاف کی حکومت نے سانحہ مسجد امامیہ حیات آباد میں ملوث دہشت گردوں کے خلاف کوئی کارروائی نہیں کی۔
سندھ میں سانحہ شکار پور میں ملوث دہشتگردوں کے ماسٹر مائنڈ کا پکڑا جانا ریاستی اداروں پولیس ،رینجرز اور سندھ حکومت کی قابل ستائش کار کردگی ہے لیکن ناکامیوں کو کامیابیوں میں تبدیل کرنے کے لئے حکومت کو مزید عملی اقدامات میں تاخیر سے گریز کرنا ہوگا۔سندھ حکومت اور ریاستی ادارے کراچی میں موجود ان دہشتگردی کے اڈوں کے خلاف فوری کاروائی کریں سندھ حکومت تکفیری دہشتگرد کالعدم جماعتوں کے خلاف فوری آپریشن کرے ،سزا یافتہ کالعدم جماعتوں کے دہشتگردوں کو فوری پھانسی دی جائے ،ان کا کہنا تھا کہ ملک میں بڑھتی ہوئی دہشتگردی ،ٹارگٹ کلنگ اور بم دھماکوں کی اصل ذمہ دار مسلم لیگ ن کی وفاقی وصو بائی حکومت ہے کیونکہ وفاقی وزیر چوہدری نثار اور پنجاب حکومت کالعدم تکفیری گروہ سے اتحاد ہے۔ کالعدم لشکر جھنگوی کی ماں جو تنظیم ہے ، اس کے سرغنہ چوہدری نثار اور پنجاب حکومت کے بڑوں کے ساتھ اجلاس کرتے ہیں اور فوٹو سیشن سے معلوم ہوتا ہے کہ نواز لیگی حکمرانوں کو کالعدم گروہ کے سرغنہ اور دیگر افراد بہت محبوب ہوچکے ہیں۔نواز لیگی وفاقی وزیر داخلہ کے بعض بیانات دہشتگردوں اور ان کے سہولت کاروں کوسیف ایگزٹ فراہم کرنے کے مترادف ہیں۔نواز حکومت نے مذاکرات کے نام پر طالبان سمیت تمام دہشتگرد گرہوں کو منظم کیا ملک میں دہشتگردی کے خاتمہ کیلئے واحد حل دہشتگردو ں کے خلاف فوری کاروائی اور انہیں جلد از جلد ان کے منطقی انجام تک پہنچایا جائے۔
وفاقی و صوبائی حکومت مساجد امام بارگاہوں کو فل پروف سکیورٹی فراہم کرے سکیورٹی کے حوالے سے وفاقی حکومت کی جانب سے زبانی جمع خرچ سے کام چلایا جارہا ہے ۔ انہوں نے کہا کہ پاکستان میں شیعہ سنی اتحاد نے تکفیری عناصر کی نیندیں حرام کر دی ہیں اور عوام نے بھی پاک وطن کو فرقہ وارانہ کشیدگی کی جانب دھکیلنے والے عناصر کو مسترد کردیا ہے، جبکہ ملک میں وجود رکھنے والی کالعدم تکفیری دہشت گرد گروہوں کی جانب سے وطن عزیز میں فرقہ واریت پھیلانے کی سازشوں کا سلسلہ تاحال رکا نہیں ہے۔
