وحدت نیوز (ہنزہ نگر) مجلس وحدت مسلمین کے حلقہ ۴ سے نامزد امید وار ڈاکٹرعلی محمد نے شینبر کا دورہ کیا چھلت نگر میں ایم ڈبلیو ایم کے آفس کھولنے کے حولے سے شینبر نگر سے تعلق رکھنے والے کارکنوں کے ساتھ اہم میٹنگ منعقد ہوئی ، جس میں چھلت یونٹ کے جوانوں نے اپنے امیدوار کو خوش آمدید کہا اور انتہائی مست کے ساتھ بھر پور کردار اد اکرنے کا عزم کیا ۔ میٹنگ میں کمپین آفس کو کھلنے کی اجازت دی گئی اور آفس کے باقائد انعقاد کے لئے آئندہ کے لئے پروگرام مرتب کیا گیا، ڈاکٹرعلی محمدنے اپنے کارکنوں کو یقین دلایا کہ اقتدار میں آنے کے بعد نہ صرف حلقے میں بلکہ پورے جی ،بی میں ترقیاتی پروگرامز میں انقلاب برپا کریں گے جس سے علاقے کے عوام گزشتہ ناانصافیوں کو ختم کرکے خوشحالی کے نئے دور کا آغاز ہوگا ، نے روز نامہ اخباررہبر کے نمائندہ سے گفتگو کرتے ہوئے کہاکہ میرے سیاست میں آنے کے وجوہات یہ ہیں کہ گزشتہ پارٹیوں نے کاروباری اور ٹھیکداروں کو نمائندے چن لئے اور انہوں نے عوام میں ضمیر فروش جیسے لعنت کو پروان چڑھایا اور انسانی ، سیاسی اقدار کو پامال کیا اور اسمبلی میں جاکر قوم کی بات کرنے کے بجائے اپنی بات منوانے کی کوشش کی اور ایک دوسرے کے ساتھ اتفاق کے بجائے گالی گلوچ پر اتر آئے اور مزید بات چیت کرتے ہوئے کہا کہ گزشتہ پارٹی ہمارے حقوق کے بارے میں کوئی بات نہ کرسکی اور وزیر اطلاعات کے اس بیان پر جس میں انہوں نے کہا کہ گلگت بلتستان پاکستان کا حصہ نہیں ہے اس پر بھی اس پارٹی نے کوئی آواز نہیں اٹھایا اور عوام کی طرف سے بھی آواز نہیں اٹھی ، انہوں نے مزید کہا کہ جو جغرافیائی طور پر ملک کا حصہ نہیں ہوتا وہاں پر ٹیکس بھی لاگو نہیں ہوتا ، اس لئے پاکستان ہمارے اوپر ٹیکس بھی لاگو نہیں کرسکتا انہوں نے مزید حلقہ کے بارے میں بتایا کہ گزشتہ حکومت نے ہماری صحت اور تعلیم کے سٹم کو اپ گریڈ نہیں کیاہم اس پرکا م کریں گے اور آخر میں انہوں نے بتایا کہ ہمارے پارٹی میں ہندو عیسائی و غیر ہ بھی کام کرسکتے ہیں۔

وحدت نیوز(کوئٹہ) مجلس وحدت مسلمین بلوچستان کے سیکریٹری جنرل علامہ مقصود علی ڈومکی نے کہا ہے کہ کوئٹہ میں دھشت گردی کے افسوسناک واقعات حکومتی کارکردگی پر سوالیہ نشان ہے، دہشت گردوں کے خلاف آپریشن ضرب عضب کا دائرہ انسانیت کے قاتل ان دھشت گردوں تک بڑھایا جائے، بلوچستان کے مختلف اضلاع میں کالعدم تکفیری ٹولے کے ٹریننگ کیمپس ہیں،جن کے خلاف آپریشن کا آغاز کیا جائے، تکفیری گروہ امت مسلمہ کے لئے ناسور بن چکا ہے، جس نے دہشت گردی اور قتل و غارتگری کو اپنا دین سمجھ رکھا ہے، ان سے نجات کے لئے امت مسلمہ متحد ہوجائے۔

انہوں نے کہاکہ تکفیری گروہ سے متعلق دھشت گردوں نے سب سے بڑہ کر دین اسلام کو نقصان پہنچایا ہے،امت محمد ﷺ اپنی بیداری اور اتحاد کے ذریعے ، عالم انسانیت کو امن و رحمت اور احترام انسانیت پر مبنی اسلام کا حقیقی پیغام پہنچائے۔

در ایں اثناء مجلس وحدت مسلمین یوتھ ونگ کے صوبائی مسؤل برادر عبدالوہاب لغاری کی قیادت میں ایک وفد نے علامہ مقصود علی ڈومکی سے ملاقات کی۔ اس موقعہ پر علامہ مقصود علی ڈومکی نے کہا کہ بلوچستان میں جوانوں کی انقلابی الٰہی تعلیمات کے سائے میں تعلیم و تربیت یوتھ ونگ کی بنیادی ذمہ داری ہے۔ جوان اپنے پاکیزہ جذبات کے باعث معاشرے کو بدلنے کی صلاحیت رکھتے ہیں۔

وحدت نیوز(سکردو) مجلس وحدت مسلمین بلتستان کے سیکریٹری جنرل سید آغاعلی رضوی نے کہ کہ ہم اقتدار کی نہیں اقدار کی سیاست کرتے ہیں جن لوگوں نے ماضی میں کرپشن کی ہے اور نوکریاں بیچی ہیں عوام انہیں مسترد کریں گے کتنی شرم کی بات ہے بعض لوگوں نے مل کر گلگت بلتستان کے وسائل کو لوٹا اور معزز لوگوں کی عزتیں نیلام کی گئی اور ہر طرف لوٹ مار کا بازار گر کیا گیا ، غریب عوام کے حقوق غضب کئے گئے میں ، ہم حقوق غصب کرنے والوں کا راستہ روکنے کے لئے الیکشن میں حصہ لے رہے ہیں ،عوام ہمارے نامزد امیدوار کو کامیاب کرائیں ،مختلف مقامات پر انتخابی جلسوں سے خطاب کرتے ہوئے انہوں نے کہا کہ مجلس وحدت مسلمین عوام کے حقوق کی جنگ لڑ رہی ہے،چوروں اور لڑیروں کا یو م حساب قریب آگیا ہے،عوام کے حقوق پر ڈاکہ ڈالنے والوں کو نشان عبرت بنائیں گے انہوں نے کہا کہ ہم عوامی مسائل حال کرنے کی صلاحیت رکھتے ہیں،اگر پانچ سال میں ،مسائل حل نہ کرسکے تو ہم ہر قسم کی سزابگھتنے کے لئے تیار ہیں ، انہوں نے کہا کہ ہم وہ لوگ نہیں جو دعوے کرکے اقتدار میں آتے ہیں اور لوٹ مار کرتے ہیں حقوق پرڈاکہ ڈالنے والے جان لیں کہ ہم ان کی آنکھوں میں آنکھیں ڈال کر بات کریں گے۔

وحدت نیوز (اسکردو) مجلس وحدت مسلمین پاکستان کے مر کزی سیکریٹری امور تبلیغات علامہ اعجاز بہشتی نے کہا ہے کہ اقتدار میں آنیوالے حکمرانوں کو پنجاب اور سندھ کے سواکوئی صوبہ نظر نہیں آتا اور گلگت بلتستان کے عوام کے ساتھ بھی حکمرانوں کا سوتیلی ماں جیسے سلوک انتہا ئی شر مناک ہے ‘گلگت بلتستان کے عوام کے ساتھ 67 سالوں سے اپنے حقوق کی جنگ لڑ رہے ہیں ‘پیپلزپارٹی نے بھی وہاں کے عوام کو خودمختاری دینے کے نام پر صرف سیاسی دکانداری چمکائی ہے ۔گلگت بلتستان یوتھ سے خطاب کرتے ہوئے مجلس وحدت مسلمین کے مرکزی علامہ اعجاز بہشتی نے کہنا تھا کہ ہم نے گلگت بلتستان میں سیاسی میدان میں آنیکا فیصلہ اقتدار نہیں بلکہ وہاں کے عوام کو انکے حقوق دینے کیلئے آئے ہیں اورہم قوم سے وعدہ کر تے ہیں کہ انکو کسی صورت مایوس نہیں کر ینگے ۔ انہوں نے کہا کہ گلگت کے عوام اب (ن) لیگ یا پیپلزپارٹی کے کسی بہکاوے میں نہیں آئیں گے بلکہ اپنے ووٹ کی طاقت سے اپنے مقدر اور سیاسی مستقبل کا فیصلہ خود کر یں گے ۔ انہوں نے کہا کہ مجلس وحدت مسلمین کا سیاسی ہدف علاقے کے عوام کی محرومیوں کا خاتمہ ہے یہی وجہ ہے کہ ہمارے سربراہ نے حکمران جماعت کو پیشکش کی ہے کہ وہ گلگت بلتستان کو آئینی حقوق دیں مجلس وحدت مسلمین الیکشن سے دستبردار ہوگی۔ انہوں نے کہا کہ گلگت بلتستان کے انتخابات مکمل طور پر شفاف ہونے چاہیے فیصلہ انشاء اللہ مجلس وحدت مسلمین کے حق میں ہی آئیگا مگر حکمران جماعت اور ان کے کارندے سرکاری وسائل کے بے دریغ استعمال کے ساتھ الیکشن مہم چلانے میں مصروف ہیں،الیکشن کمیشن کی خاموشی مضحکہ خیز اور لمحہ فکریہ ہے۔

وحدت نیوز(سکردو) مجلس وحدت مسلمین بلتستان ڈویژن کے سیکریٹری سیاسیات محمد علی نے کہا کہ بلتستان کے مختلف حلقوں میں پولنگ سٹیشن بڑھانے کی بجائے کم کرنے پری پول رکنگکا حصہ اور انتظامیہ کی بدنتی ہے ،انہوں نے کہا کہ بلتستان کے تمام حلقوں میں پولنگ سٹیشنز کا اضافہ کیا گیا تو احتجاج کرنے پر مجبور ہونے گے، انہوں نے کہا انتخابات میں حصہ لینا یہاں کے عوام کا جمہوری حق ہے اس حق رائے دہی کو چھینانا انصافی ہے اور مسلم لیگ نواز کی ملک بھر کے عام انتخابات کی طرح گلگت بلتستان کے انتخابات میں بھی پنکپھرلگانے کی سازش ہے جسے کسی صورت کامیاب نہیں ہونے دینگے مسلم لیگ شکست کے خوف سے غیر جمہوری ہتھکنڈوں ہر اتر آئی ہے ، انہوں نے کہا کہ بلتستان میں کسی بھی حلقہ میں سیٹ ایڈجسمنٹ نہیں ہوئی بلخصوص حلقہ نمبر ایک اسکردو میں کسی بھی جماعت کے حق میں نہیں بیٹھا اور اس حلقہ سے نامور عالم دین شیخ زاہد حسین زاہدی مجلس وحدت مسلمین کے نمائندہ اور انتخابات میں بر پور حصہ لیں گے۔

وحدت نیوز (کوئٹہ) مجلس وحدت مسلمین کوئٹہ ڈویژن کے میڈیا سیل سے جاری شدہ بیان میں ایم ڈبلیو ایم کے رکن شوریٰ عالی علامہ سید ہاشم موسوی نے کہا ہے کہ یمن کے عوام اپنے حقوق کے لیے کھڑے ہوئے ہیں انہیں باغی کہنا سراسر ظلم ہے۔ بیان میں یمن کے صورتحال پر کہا گیا ہے کہ یمن خدا کی رحمت اور قدرتی وسائل سے تو مالا مال ہے مگر پھر بھی وہ ترقی کے میدان میں دوسرے ممالک سے کافی پیچھے ہے اس کی وجہ وہاں کے حکمرانوں کی کرپشن میں ملوث اور نا اہلی ہے ایسے حکمرانوں کے خلاف ثابت قدم رہنے والوں کو باغی نہیں کہا جا سکتا، کوئی بھی عاقل ملک کے اکثریت پر مشتمل عوامی تعداد کو باغی کہنے کی اجازت نہیں دے گی البتہ ان کے خلاف کچھ افواہیں ہوئی کہ حوثیوں کانشانہ حرمین اور مقدس مقامات ہے مگر بعد اً یہ ثابت ہو گیا کہ یہ صرف اور صرف حوثیوں کے خلاف پروپیگنڈے تھے اس بات میں کوئی حقیقت نہیں محض مسلمانوں کو حوثیوں کے خلاف بھڑکانے کی سازش تھی، یمن سے پاکستان پہنچنے والے مسافروں نے ان افواہوں کا پول کھول کر قوم کے سامنے رکھ دیا اور ساتھ ہی ساتھ میڈیا کی مدد سے پورے ملک کو بتا دیا کہ حوثیوں کا رویہ ان کے ساتھ کیسا تھا اور وہ کیسے لوگ ہیں اس کے باوجود چند ملکوں نے یمن کے خلاف جنگ میں حصہ لیا جس کی ہم نے شروع سے مذمت کی اور کرتے ہیں، یمن کے عوام پر ایسے ہتھیار استعمال کئے گئے اور ایسے کلسٹر بم استعمال کئے گئے جنکی اجازت نہ صرف اسلام بلکہ انسانیت بھی نہیں دیتی، معصوم بچوں اور عورتوں تک کو نہیں بخشا گیا وہاں اتنے بے گناہ لاشیں گرانے کے بعد کوئی بھی سپاہی اگر خوش اور مطمئن ہے تو ان کے لیے انسانیت کے دائرے میں کوئی جگہ نہیں انہیں انسان کہنا انسانیت کی توہین ہوگی۔