شام کی فوج نے دمشق اور دیگر شہروں میں امریکہ، اسرائیل، سعودی عرب ، قطر اور ترکی سے وابستہ دہشت گردوں کے خلاف وسیع کارروائی کرکے 4 ہزار دہشت گردوں کو ہلاک اور 7ہزار کو گرفتار کرلیا ہے ہلاک اور گرفتار ہونے والے دہشت گردوں میں القاعدہ کی بڑی تعداد شامل ہے گرفتار ہونے والوں میں مغربی اور عربی ممالک کے 18 انٹیلیجنس افسر بھی شامل ہیں۔ النشرہ کے نامہ نگارماہر الخطیب اس وقت دمشق میں موجود ہیں اس کے مطابق  شام کے وزیر دفاع ، نائب وزیر دفاع اور دو دیگر اعلی فوجیوں کی بم دھماکے میں ہلاکت کے بعد دمشق میں دہشت گردوں نے بلوے شروع کردیئے لیکن شامی فوج نے فوری طور پر وارد ہوکر دہشت گردوں کا دمشق سے صفایا کردیا اور اس وقت دمشق کی سڑکوں پر آرام  وسکون کا ماحول برقرار ہوگیا ہے۔ ماہر الخطیب کا کہنا ہے دمشق کے تمام محلوں میں اب امن ہی امن ہے اور لوگ شامی فوج کو دعائیں دے رہے ہیں جنھوں نے بے رحم دہشت گردوں کا مقابلہ کرکے شامی عوام کو دہشت گردوں کے شر سے محفوظ رکھا۔

ماہرین طب کہتے ہیں کہ انسانی جسم کو افطاری کے وقت پانی، گلوکوز اور آکسیجن کی سخت ضرورت ہوتی ہے۔ ایسے میں سگریٹ کے ایک کش سے شریانیں سکڑ جاتی ہیں اور خون میں آکسیجن مناسب مقدار میں جذب نہیں ہوتی، خون گاڑھا ہو جاتا ہے جس سے اسکے جمنے کا خطرہ بھی بڑھ جاتا ہے۔ اس سے دل کی دھڑکن بے ربط ہو جاتی ہے، بلڈ پریشر اور کولیسٹرول کی مقدار بڑھ جاتا ہے ، جس سیدل کی بیماریاں لاحق ہونے کا خطرہ کئی گنا بڑھ جاتا ہے۔

مجلس وحدت مسلمین پاکستان کے مرکزی سیکرٹری فلاح و بہبود نثار علی فیضی نے کہا ہے کہ گلگت بلتستان کے وزیر اعلیٰ سید مہدی شاہ نے اپنے خلاف عوامی جذبات کے اظہار کو انا کا مسئلہ بنا لیا ہے۔ وزیر اعلیٰ انتقامی کاروائیوں پر اتر آئے ہیں ۔ 49 سرکاری ملازمین کی انتقاماً برطرفی مہدی شاہ کی بوکھلاہٹ کا ثبوت ہے۔ ان خیالات کا اظہار انہوں نے بلتستان کے دورے سے واپسی پر مرکزی سیکرٹریٹ میں مرکزی کابینہ کے اراکین سے گفتگو کرتے ہوئے کہی۔ ان کا کہنا تھا کہ مہدی شاہ حکومت نے جن بے گناہ افراد کی معطلی کا حکم نامہ جاری کیا ہے ان میںسے زیادہ تر کا تعلق محکمہ تعلیم، پی ڈبلیو ڈی اور ایگریکلچر سے ہے۔ مہدی شاہ حکومت کے دوہرے رویے پر تنقید کرتے ہوئے انہوںنے کہا کہ جن سرکاری ملازمین نے مہدی شاہ کے خطاب کوسنااور وہاں پر اسلحہ کی نمائش کی ان پر کسی قانون کااطلاق نہ ہونا افسوسناک امر ہے۔ پیپلز پارٹی کی اعلیٰ قیادت کو متوجہ کرتے ہوئے نثار فیضی نے کہا کہ مہدی شاہ ایسے نااہل شخص کی بوکھلاہٹ اور عوام دشمن پالیسیاں پی پی پی کو نقصان پہنچانے کا باعث بن رہی ہیں۔ اور وزیر اعلیٰ کی موجودگی میں پی پی پی کو کسی دشمن کی ضرورت نہیں ہے۔ نثار فیضی نے ایس پی اور ڈی سی سکردوسمیت مقامی انتظامیہ کی جانبدارانہ پالیسیوں کوغیرآئینی و قانونی قرار دیتے ہوئے کہا کہ بیورو کریسی شاہ سے زیادہ شاہ کے وفادار کا کردار اداکر رہی ہے۔ مجلس وحدت مسلمین پاکستان کی بڑھتی ہوئی عوامی مقبولیت کے پیش نظر غیرعوامی نمائندے عوامی جذبات کو کچلنے کے لئے اوچھے ہتھکنڈے استعمال کر رہے ہیں۔ انہوں نے صدر پاکستان سے اپیل کی ہے کہ وہ پیپلز پارٹی کی عوامی سطح پر جگ ہنسائی کا باعث بننے والے وزیر اعلیٰ سید مہدی شاہ کے خلاف فوری طور پر کاروائی کریں۔ نثا ر فیضی کا کہنا تھا کہ مجلس وحدت مسلمین پاکستان دنیا بھر کے مظلوموں اور محروموںکی آواز بن چکی ہے۔