وحدت نیوز (کراچی) 24گھنٹوں میں چار شیعہ افراد کی ٹارگٹ کلنگ ریاستی اداروں کی نااہلی ہے ،عوام دہشتگردی کی بھیٹ چڑ رہی ہیں حکومت کالعدم دہشتگرد گرہوں کوسکیورٹی فراہم کر رہی ہے، شہر قائد شیعہ عمائدین کے قتل کی ذمہ داری سندھ حکومت پر عائد ہوتی ہے۔ان خیالات کا اظہار مجلس وحدت مسلمین کے رہنماء علامہ علی انور ،حسن ہاشمی،رضا نقوی ،علامہ مبشر حسن نے گزشتہ روز کراچی میں ٹارگٹ کلنگ کا نشانہ بنے والے پروفیسر محمد سلیمان اور شہزاد حسین زیدی ،سر ور عباس ،صفدر حسین کی نماز جنازہ کے بعد شرکاء سے خطاب میں کیا رہنماؤں کا کہنا تھا کہ حکومت جواب دے کے دہشتگردی کا نشانہ بنے والے شیعہ افراد کے قتل میں کن دہشتگردوں کا ہاتھ ہے گزشتہ کئی عرصے سے جاری شیعہ نسل کشی میں کون سے بیرونی اور اندرونی ہاتھ ملوث ہیں اور کس کے ایماں پر شیعہ مسلمانوں کی نسل کشی کی جا رہی ہے؟رہنماؤں کاکہنا تھا کہ حکومت سندھ کراچی میں شیعہ عمائدین کی ٹارگٹ کلنگ میں ملوث دہشتگردوں کو گرفتار کرنے میں ناکام ہو گئی ہے اور ایسا لگتا ہے کہ حکومت اور ریاستی ادارے کالعدم دہشت گرد گروہوں کی سرپرستی میں ملوث ہیں جس کا واضح ثبوت چوبیس گھنٹوں میں چار شیعہ عمائدین کی ٹارگٹ کلنگ ہے، علامہ علی انور کا کہنا تھا کہ شیعہ علماء واکابرین ،ڈاکٹر ز، وکلا، مساجد و امام بارگاہ کے ٹرسٹیز اور سر کاری و نیم سرکاری اداروں میں موجود آلہ عہدوں پر فائض افراد بلخصوص شیعہ تاجروں کوایک سوچھی سمجھی سازش کے تحت نشانہ بنایا جا رہا ہے، جو قانون نافذکرنے والے اداروں اور صوبائی حکومت پر سوالیہ نشان بن گیا ہے۔اور تمام قتل کی ذمہ داری گورنر اور وزیر اعلیٰ پر عائد ہوتی ہے۔ علامہ علی انور نے حکومت کو متنبہ کیا کے اولیاء کرام کی سر زمین سندھ میں معصوم لوگوں کو نشانہ بنایا جانا بر داشت نہیں کیا جائیگا سندھ حکومت کالعدم گروہوں کو سر پرستی فراہم کرنا چھوڑ دے کراچی میں حقیقی امن طالبا ن حمایت یافتہ کالعدم جماعتوں کے خلاف آپریشن اور ان کو فوجی عدالتوں کی طرض پر سزا دیئے جانے سے ہی ممکن ہے ۔قبل ازیں پروفیسر محمد سلیمان اور شہزاد حسین کی نماز جنازہ مسجد وا امام بارگاہ شاہ کربلا رضویہ میں ادا کردی گئی اس موقع شیعہ و سنی علماء و عمائدین کی بڑی تعداد موجود تھی اس موقع پر نماز جنازہ میں شامل افراد نے دہشتگردی مردہ باد، شیعہ و سنی بھائی بھائی ، سندھ حکومت مردہ باد ،طالبان مردہ باد کے نعرے لگائے بعد ازاں ٹارگٹ کلنگ کا نشانہ بنے والے دو افراد کے جست خاکی کو وادی حسین قبرستان میں سپرد خاک کر دیا گیا۔

اْنہوں سندھ حکومت کو متنبہ کرتے ہوئے کہا کہ ملت جعفریہ محب و طن ہیں اور اولیاء کرام کی سر زمین سندھ میں معصوم لوگوں کو نشانہ بنایا جانا بر داشت نہیں کیا جائیگا۔ اس موقع پر علامہ عباس کمیلی نے کہا کہ سندھ حکومت کالعدم گروہوں کو سر پرستی فراہم کرنا چھوڑ دے۔ انہوں نے کہا کہ کراچی میں حقیقی امن طالبا ن حمایت یافتہ کالعدم جماعتوں کے خلاف آپریشن اور ان کو فوجی عدالتوں کی طرض پر سزا دیئے جانے سے ہی ممکن ہے۔ علامہ عباس کمیلی نے قانون نافذ کرنے والے اداروں بلخصوص سی آئی ڈی پولیس متنبہ کیا کے وہ کالعدم جماعتوں کے سر پرستوں اور دفاتر میں حفاظت کرنے کی بجائے شہر قائد میں معصوم عوام کو تحفظ فراہم کرے۔

وحدت نیوز(لاہور) مجلس وحدت مسلمین پاکستان شعبہ خواتین کے زیراہتمام افواج پاکستان اور شہدائے پاکستان سے اظہار یکجہتی کیلئے پیامِ شہداء و اتحادِ امت کانفرنس منعقد ہوئی،اس عظیم الشان کانفرنس کا اہتمام لبرٹی کیسل مین بلیووارڈ گلبرگ میں کیا گیا تھا ، مجلس وحدت مسلمین کے مرکزی ڈپٹی سیکرٹری جنرل علامہ حسن ظفر نقوی، مرکزی مسئول شعبہ خواتین محترمہ سکینہ مہدوی، منہاج القرآن کے ناظم اعلٰی خرم گنڈا پور، علامہ ابوزر مہدوی، علامہ حسن ہمدانی، مولانا ہاشم موسوی، ممبر بلوچستان اسمبلی آغا سید رضا، مسیحی برادری سے بشپ نذیر عالم نے شرکت کی جبکہ کوئٹہ سے خانوادہ شہداءکو خصوصی طور پر اس ، پی این ایس مہران پر دہشت گردوں کے حملے کو ناکام بناتے ہو ئے جام شہادت نوش کر نے والے لیفٹینٹ یاسر عباس کے والد کرنل (ر)جعفر عباس نے بھی خصوصی شرکت کی ۔شہداء کے اہل خانہ نے اپنے ہاتھوں میں اپنے پیارے شہداء کی تصاویر اٹھا رکھی تھیں ، شہید وقار کی والدہ کے خطاب کے موقع پر انتہائی رقت آمیز مناظر دیکھنے میں آئے ،شہید کی والدہ نے جب شہید کے حالات ِ زندگی بیان کئے تو ہر آنکھ اشک بار تھی ،خواتین دھاڑے مار مار کر رو رہی تھیں ،    کانفرنس سے خطاب میں مرکزی ترجمان اور مرکزی ڈپٹی سیکرٹری جنرل مجلس وحدت مسلمین پاکستان علامہ حسن ظفر نقوی نے کہا کہ آج ان کی یاد منائی جا رہی ہے جن کے بارے میں یہ سوال ہے کہ کس جرم میں مارے گئے، اگر میں کہوں کہ پاکستان میں شریعت کے تحت حکومت قائم کی جائے تو کوئی غیر مسلم بھی انکار نہیں کرے گا، کیونکہ سب جانتے ہیں کہ اسلام امن کا دین ہے، آج اسلام کے نام پر جو تماشہ کیا جا رہا ہے اس کی وجہ سے لوگ شریعت سے ڈر رہے ہیں، یہ بزدل حکومت اپنے پانچ سال پورے کرنے کیلئے حیلے بہانے بنا رہی ہے، نام نہاد اسلامی جماعتوں کے رہنماء طالبان کی محبت میں اتنا گر گئے کہ یہ کہہ گئے کہ کربلا میں دونوں طرف صحابی تھے، یہ بغض چودہ سو سال سے ان کے دلوں میں تھا، قاتل و مقتول کی تمیز بھول گئے ہیں۔

وحدت نیوز(مظفرآباد) انسانیت کی خدمت ہی ہمارا مشن و مقصد ہے، جس نے ایک انسان کی جان بچائی گویا اس نے ساری انسانیت بچا لی، اور جس نے ایک نفس کو قتل کیا گویا اس نے ساری انسانیت کا قتل کیا، فرمان پرودگار کو عملی جامہ پہنانے کے لیئے وحدت اسکاؤٹس اوپن گروپ کا قیام عمل میں لایا گیا، ان خیالات کا اظہار مجلس وحدت مسلمین آزاد جموں و کشمیر کے سیکرٹری جنرل علامہ سید تصور حسین نقوی الجوادی نے وحدت اسکاؤٹس اوپن گروپ کے اجلاس سے خطاب کرتے ہوئے کیا ، انہوں نے کہا کہ مجلس وحدت مسلمین بلا امتیاز تکریم انسانیت ، تعظیم انسانیت اور فلاح انسانیت کے مقاصد کے حصول کے لیئے سرگرم عمل ہے، نوجوان کسی بھی قوم ، تنظیم یا جماعت کے لیئے ریڑھ کی ہڈی کی حثیت رکھتے ہیں، نوجوانوں کے جنون کو صیح سمت میں استعمال کرنے میں ہی ملت و قوم کی بقاء ہے، تاریخ گواہ ہے آج تک جتنی بھی تبدیلیاں و انقلاب آئے ہیں نوجوانوں کا اس میں اہم کردار ہے ، علامہ تصور جوادی نے کہا کہ اسکاؤٹس کا کام خدمت انسانیت ہے، خواہ اس کا تعلق کسی بھی گروہ سے ہو، ملت و ملک کی خدمت کو اپنا شعار بنانا اسکاؤٹس کا بنیادی فریضہ ہے، ہمارے نزدیک انسان چاہے کافر ہی کیوں نہ ہو بلا جواز اسکا قتل، اس کی عزت و ناموس سے کھیلنا جائز نہیں، ہم تو رحمت العالمین صلی اللہ علیہ و آلہ وسلم کے پہنچائے ہوئے اسلام پر عمل پیرا ہیں ، اپنے ملک میں اقلیتوں پر ظلم کے خلاف ہیں ، نہ کہ ظلم کرنے والے، ان کی جان مال عزت و آبرو کے محافظ ہیں ، لائق تکریم سمجھتے ہیں، اس وقت تک جب تک وہ اس ملک کے وفادار رہیں گے، اس قوم سے خیانت نہیں کریں گے، قوم، ملت و ملک کے غدار چاہے وہ اسلام کا لبادہ کیوں نہ اوڑھے ہوئے ہو ، ہم نے نہ کل مانا تھا نہ اب مانیں گے، ہم ملک و ملت کی سربلندی کے لیئے خون کے آخری قطرے تک میدان میں موجود رہیں گے، ملک دشمن عناصر کے خلاف آواز بلند کرتے رہیں گے، انہوں نے کہا کہ وحدت اسکاؤٹس اسی شعار کو عملی جامہ پہنانے کے لیئے اپنا کردار ادا کریں گے، انسانیت کی بلا امتیاز خدمت کے لیئے اپنے آپ کو آمادہ رکھیں ، قوم جب بھی مشکل میں ہو اپنے آپ کو اس کی خدمت کے لیئے پیش پیش رکھیں۔

وحدت اسکاؤٹس اوپن گروپ آزاد جموں و کشمیرکا اجلاس ریاستی دفتر مجلس وحدت مسلمین آزاد جموں وکشمیر مظفرآباد میں ہوا، اجلا س کی صدارت مجلس وحدت مسلمین آزاد جموں وکشمیر کے سیکرٹری وحدت اسکاؤٹس برادر سید انصر عباس نقوی نے کی۔جب کہ علامہ سید تصور حسین نقوی الجوادی اجلاس میں بطور مہمان خصوصی شریک ہوئے ہوئے ، ریاستی سیکرٹری جنرل کے ہمراہ سیکرٹری ویلفیئر سید محسن رضا سبزواری ایڈووکیٹ ، سیکرٹری تعلیم سید عمران حیدر و سیکرٹری روابط مولانا سید حمید حسین نقوی نے بھی اجلا س میں خصوصی شرکت کی، اجلاس میں وحدت اسکاؤٹس کی ریاستی کابینہ کی تشکیل عمل میں لائی گئی۔

وحدت نیوز(حیدرآباد) مجلس وحدت مسلمین ضلع حیدرآباد کی جانب سے جاری کردہ بیان میں MWM ضلع حیدرآباد کے سیکریڑی جنرل مولانا امداد علی نسیمی نے کہا کہ حکمران ہوش میں آئیں اگر قاتلوں کے مطالبات مانے گئے تو 70ہزار شہداکے خون کا حساب کون دیگا ۔ مولانا امداد علی نسیمی نے مزید کہا کہ ہمارے ملک پاکستان کے وزیرا عظم کو کونسی چیز نے آپریشن سے روک رکھا تھا حکمرانوں نے تو آہستہ آہستہ ہمارے ملک کے کافی حصوں کو بیچ دیا ہے حکمرانوں نے جہاز اور ٹینک بھی فروخت کردیے ہیں اتنی دہشتگردی ہورہی ہے یہ چیزیں آپریشن میں نظر نہیں آئی کیوں ؟ اب یہ جو وزیرستان میں آپریشن شروع کیا ہیں اب اس آپریشن کوچلنے دیں کیوں کہ آپریشن شروع ہوا ہے تو کئی لوگوں کے چہرے کھل کر سامنے آگئے جیسا کہ منور حسن نے ظاہر کردیا کہ وہ طالبان کے ساتھ ہیں اور اس کی زبان سے توہین امام عالی مقام ہوئی منورحسن کے بیان کی پر زور مذمت کرتے ہیں اور مطالبہ کرتے ہیں منورحسن کے خلاف توہین امام عالی مقام کا مقدمہ چلا یا جائے ۔ اگر گرفتا ر دہشتگردوں کو سزائیں دی جاتی تو آج اتنی دہشتگردی نہ ہوتی طالبان کے خلاف آپریشن کر کے صفایا کریں اور اپنے ملک کو طالبان سے بچائیں طالبان ملک کے اندر کس طرح اپنی جگہ بنار ہے ہیں یہ تو حکمران جانتے ہی ہونگے کراچی اور پشاور میں ہونے دھماکوں میں خود کش حملوں نے نہاد امن مذاکرات کا بھرم کھول دیا ہے۔

انہوں نے مذید کہا کہ شہدا کے قاتلوں کے ساتھ سودے بازی کا کسی حکمران کو حق نہیں ہے ہمارے ملک پر مذہب کی آڑ میں تبا ہ کن تبدیلیاں لانے کی سازش ہورہی ہے دہشتگردی کے خلاف پورے ملک کی عوام اور محب وطن قوتوں کو یکجا ہونا ہوگا افسو س کی بات ہے کہ دہشتگرد دہشتگر د ی کرنے کے بعد ذمہ داری قبول بھی کرتے ہیں اور انہی دہشتگروں کے ساتھ حکمرانوں کا نرم رویہ نا قابل فہم ہے۔ ہم پشاور میں ہونے والے بم دھماکے کی پرزور مذمت کرتے ہیں ہم حکومت کو آگاہ کرنا چاہتے ہیں کہ کچھ روز قبل ہالہ شہر میں کچھ دہشتگردوں نے ہالہ کی امام بارگاہ کے علم پاک کو نظر آتش کر کے اس کی بے حرمتی کی ہم حکومت سندھ کو متنبہ کرتے ہیں کہ ان دہشتگردوں کو روکا جائے ورنہ ایسا نہ ہوکہ ہمارے پیار ے ملک کے پیارے صوبے سندھ میں بھی ایسے دہشتگرد نا پیدا ہوجائے جو صوبائے سندھ کے لیے نا سور بن جائے ہم ہالہ میں ہونے والے واقع کی پرزور مذمت کرتے ہیں آخر میں دعا کرتے ہیں کہ ہمارے ملک کی فوج کے خدا حوصلہ بلند رکھے اور ان دہشتگروں کو ختم کرنے میں خدا ہماری فوج کی مدد فرمائے اور ہمارے ہر سپاہی کو کربلا والے سپاہیوں کے نقشے قدم پر چلنے کی توفیق عطا فرمائے ۔(آمین )