وحدت نیوز (اسکردو) عوام کی بیداری کو دیکھتے ہوئے میں یقین رکھتا ہوں کہ اب مسلم لیگ ن کے لئے دھاندلی کرنا محال ہو چکا ہے،تاریخ گواہ ہیں کہ عوام کی بیداری نے بڑے سے بڑے فرعونوں کو جھکنے پر مجبور ہوئے،8 جون کو عوامی بیدار کے ذریعے ڈوگرہ راج کی طرح وائسرائے آف گلگت بلتستان گورنر برجیس طاہر سے آزادی حاصل کریں گے،ان خیالات کا اظہار مجلس وحدت مسلمین بلتستان کے سیکرٹری جنرل آغا سید علی رضوی نے حلقہ 3 سکردو کے عوام سے خطاب میں کیا، انہوں نے کہا کہ جمہوریت کے فروغ کے لئے اب آزاد اور منصفانہ الیکشن ناگزیر ہو چکے ہیں ،جمہوریت کی بقا کے لئے اب کسی غلطی کی گنجائش نہیں،گلگت بلتستان کے الیکشن پر اثر انداز ہونے کے ہر حکومت حربے کو عوامی طاقت سے ناکام بنائیں گے،اضلاع کے نام پر پیپلز پارٹی اور ن لیگ نے عوام کو بیووقف بنایا انشااللہ عوام کی یہ دیرینہ خواہش عوامی جماعت مجلس وحدت مسلمین ہی حل کریگی ،گلگت بلتستان میںاب من مانی کی سیاست کا دور گذر چکا،یہاں کسی وائسرائے کا نہیں عوام امنگوں کیمطابق کام ہوگا۔

وحدت نیوز(روندو)عوام کو سبز باغ دکھا کر گمراہ کرنے والے ناکام رہیں گے،اور روندو کی تعمیر ترقی کے دشمنوں کے ہر سازش کا ڈٹ کر مقابلہ کریں گے،ہم نے ہمیشہ عوامی حقوق، علاقائی ترقی اور وطن عزیز کی سلامتی کے لئے آواز بلند کی ہے،مجلس وحدت مسلمین عوامی طاقت  اور عوامی خدمت پر یقین رکھنے والی جماعت ہے،یہی وجہ ہے کہ ہماری جماعت نے روائتی سیاست دانوں سے ہٹ کر باشعور ،تعلیم یافتہ اور نوجوان قیادت کو متعارف کروائے،تاکہ برسوں سے مسلط اس فرسودہ نظام کا خاتمہ ہو،ان خیالات کا اظہار مجلس وحدت مسلمین کے امیدوار برائے روندو راجہ ناصر علی خان نے عوامی جلسہ سے خطاب میں کیا،انہوں نے کہا کہ گذشتہ دور کے حکمرانوں نے روندو کے عوام کو کچھ نہیں دیا علاقے میں صحت اور تعلیمی سرگرمیاں نہ ہونے کے برابر ہیں،عوام کو بنیادی انسانی حقوق میسر نہیں،تلو بروق اور ستک سمیت دیگر علاقوں میں آمد رفت کے لئے سڑکیں نہ ہونے کے برابر ہیں،آج گذشتہ دور کے نمائندے کس منہ سے عوام سے حمایت مانگ رہے ہیں،انشااللہ ہماری جماعت برسر اقتدار آ کر احتسابی عمل شروع کریگی اور عوام کی عدالت سے کوئی بھی بچ نہیں پائے گا،ہم عوامی حقوق پر سمجھوتا نہیں کریں گے،انشااللہ 8 جون روندو کے باشعور عوام کے لئے فتح کا دن ثابت ہوگا اور علاقے میں تعمیر و ترقی کی راہیں کھلے جائیں گے۔

وحدت نیوز(سکردو) مجلس وحدت مسلمین کے مرکزی کور کمیٹی کے رکن سید اسد عباس نقوی،مرکزی سیکرٹری تنظیم سازی یعقوب حسینی اور سیکرٹری اطلاعات پنجاب مظاہر شگری کا دورہ شگر،مجلس وحدت مسلمین شگر کے رہنماوُں ،عمائدین اور مجلس وحدت مسلمین شگر کے امید وار فدا علی سے ملاقات،ایم ڈبلیوایم کے تحصیل آفس میں عمائدین اور کارکنان سے خطاب کرتے ہوئے سنٹرل کورکمیٹی کے رکن سید اسد عباس نقوی کا کہنا تھا کہ مجلس وحدت مسلمین کا ہدف مظلوم اور محکوم لوگوں کو ان کا حق دلانا ہے،اگر یہاں کے مظلوم متحدہو جائیں تو ظالموں میں یہ ہمت نہیں رہیگی کہ وہ آپ کا استحصال کرے،الیکشن کو الیکشن تک ہی محدود رہنا چاہیئے،جمہوریت کا اصل حسن اختلاف رائے کا احترام کرنا ہے،انہوں نے ایک کارکن کے سوال کے جواب میں کہا کہ مجلس وحدت مسلمین خیبر پختونخواہ سمیت پورے ملک میں دینی جماعتوں سے اتحاد کی خواہاں ہیں،لیاقت بلوچ صاحب کا گلگت بلتستان کے بارے میں تجزیہ زمینی حقائق کے منافی ہے،مجلس وحدت مسلمین گلگت بلتستان کے عوام کے دلوں کی آواز بن چکی ہے،جی بی کے عوام بیدار ہو چکے ہیں،اب وہ کسی ظالم جابراور مذہبی بلعم بعوروں کو اپنے حقوق کو غصب کرنے نہیں دینگے،یہاں عوام مسلم لیگ ن ،پیپلز پارٹی سمیت ہر اس جماعت سے جو کہ سینٹ اور قومی اسمبلی میں نمائندگی رکھتی ہے سے یہ سوال کرتے ہیںکہ گندم سبسڈی کو جب ختم کیا جارہا تھا اس وقت یہ جماعتیں کہاں تھی؟آج تک یہی جماعتیں قومی اسمبلی اور سینٹ میں گلگت بلتستا کے عوام کے حقوق کی آواز کو بلند کیوں نہیں کیا؟اب گلگت بلتستان کے عوام کسی شکاری کے جال میں آنے کے لئے تیار نہیں

وحدت نیوز(کھرمنگ)عوام مورثی سیاست کے خاتمے کے لئے کردار ادا کریں کھرمنگ کے ترقی کی راہ میں حائل ہر رکاوٹ کو عوامی طاقت سے ہٹائیں گے،گذشتہ دور کے نمائندوں نے عوام کو مایوسی کے سوا کچھ نہیں دیا،آج کھرمنگ کے مضافاتی علاقوں کے عوام اب بھی پتھروں کے دور کی زندگی گذار رہے ہیں،سادہ لوح عوام کو یہاں کے مورثی سیاست دان کبھی مذہب ،کبھی برداری اور کبھی علاقے کے نام پر بیوقوف بناتے رہے،اب اس فرسودہ نظام کے خلاف مجلس وحدت مسلمین کے علم جہاد بلند کیا ہے انشااللہ ہم اس طبقاتی سسٹم کا خاتمہ کر کے دم لیں گے،ان خیالات کا اظہار مجلس وحدت مسلمین کھرمنگ حلقہ 5 کے امیدوار ڈاکٹر شجاعت میثم نے ہلال آباد میں انتخابی جلسے سے خطاب کرتے ہوئے کیا انہوں نے کہا کہ کھر منگ کے عوام بیدار ہیں ان روائتی سیاست دانوں نے انہیں محرومی کے سوا کچھ نہیں دیا،آج یہ سادہ لوح عوام کو پھر سے گمراہ کرنے کے لئے کمر کس چکے ہیں،یہاں کے باشعور عوام اب ان کے دھوکے میں نہیں آئے گی،اور اپنے حق کے خاطر عوام کے نام پر اقتدار کے مزے لوٹنے والوں کا احتساب کریگی،انشااللہ 8 جو کھرمنگ میں حقیقی تبدیلی کا دن ثابت ہوگا ۔

وحدت نیوز (گلگت) جیسے جیسے الیکشن کے دن قریب آتے جا رہے ہیں ، گلگت بلتستان میں سیاسی سرگرمیاں عروج پکڑتی جارہی ہیں، اس سلسلے میں ایم ڈبلیوایم کے قائدین اور کارکنان ملک بھر سے جوک درجوک گلگت بلتستان پہنچنا شروع ہو چکے ہیں، ایم ڈبلیوایم کے مرکزی ڈپٹی سیکریٹری جنرل علامہ امین شہیدی، چیئرمین خیرالعمل فاونڈیشن نچار علی فیضی ،سندھ کے سیکریٹری جنرل علامہ مختار امامی، جھنگ کے سیکریٹری جنرل علامہ اظہر کاظمی اور متعدد رہنما اور کارکنان گلگت بلتستان پہنچ چکے ہیں جبکہ سینکروں کی تعداد گلگت بلتستان کی جانب رخت سفر باندھ چکی ہے، جو کہ گلگت بلتستان پہنچ کر ایم ڈبلیوایم کی انتخابی مہم کا حصہ بنیں گے، واضح رہے کہ ایم ڈبلیوایم کے سربراہ علامہ راجہ ناصرعباس ، فضل نقوی، ناصرشیرازی اور دیگر رہنماگذشتہ ماہ سے ہی گلگت بلتستان میں موجود ہیں ۔

وحدت نیوز (کوئٹہ) مجلس وحدت مسلمین کے رکن بلوچستان اسمبلی سید محمد رضا نے کہا ہے کہ آج کی یہ پریس کانفرنس کوئٹہ شہر میں ہونے والے سانحے کے حوالے سے ہے، جس میں ایک شیعہ ہزارہ تاجر کو شہید کیا گیا اور ایک کو زخمی کیا گیا۔ جس کے بعد ایک منظم سازش کے تحت شہر کو آگ و خون میں جھونکنے کی بھرپور کوشش کی گئی۔ کچھ شرپسندوں نے شہر کے اندر نقاب لگا کے، زبردستی دوکانوں کو بند کرنے کی کوشش کی۔ ساتھ ہی تکفیری نعرے لگاتے ہوئے، فائرنگ کرتے ہوئے دندناتے پھرتے رہے اور نہتے عوام پر فائرنگ کرتے رہے۔ سلیم کمپلیس کے قریب پانچ افراد کو نشانہ بنایا گیا، جس میں شیعہ ہزارہ قوم کے دو افراد شہید اور تین شدید زخمی ہوئے۔ جن میں دو خواتین بھی شامل ہیں، جو صوبے کی قبائلی روایات کے مکمل خلاف ہے۔ اس تمام صورت حال میں قانون نافذ کرنے والے ادارے خاموش تماشائی کا کردار ادا کرتے رہے۔ ہزاروں حکومتی اہلکاروں کی موجودگی میں کچھ شرپسند عناصر مسلسل شہر میں اپنی وارداتوں سے فرقہ واریت کی آگ بھڑکاتے رہے۔ افسوس کے ساتھ کہنا پڑ رہا ہے کہ اس ساری صورتحال میں صدر انجمن تاجران کوئٹہ رحیم کاکڑ کا نام بھی لیا جا رہا ہے، جو شرپسندوں کے ساتھ ملکر تکفیری نعرے لگاتے رہے، جو انتہائی قابل مذمت ہے۔ عجیب بات ہے کہ ہمارے لوگوں کو قتل بھی کیا جاتا ہے اور بےگناہ افراد جو اپنے دوکانوں سے گھروں کی جانب جا رہے ہوتے ہیں۔ اُنہیں اُنکے لائسنس یافتہ اسلحے کے ساتھ گرفتار کرکے حوالات میں بند کیا جاتا ہے۔ جو انتظامیہ کی جانب سے ہمیں دیوار سے لگانے کی کوشش ہے، جس کو ہم کسی صورت قبول نہیں کرینگے۔ آئے روز شہر میں تاجر پیشہ افراد، راہگیر اور عام شہری اپنے آپ کو غیر محفوظ محسوس کرنے لگے ہیں جبکہ قانوں نافذ کرنے والے ادارے دہشت گردوں کو پکڑنے میں ناکام رہتے ہیں۔

انکا مزید کہنا تھا کہ یہاں ہم ہر قسم کی دہشتگردی، انتہا پسندی کو صوبے اور شہر میں امن و امان، بھائی چارگی کے لئے زہر قاتل قرار دیتے ہوئے مطالبہ کرتے ہیں کہ حکومت اور ریاستی ادارے اس طرح کے واقعات کی روک تھام کیلئے اپنی ذمے داریاں پوری کریں تاکہ بے گناہ اور نہتے عوام کا قتل عام نہ ہو۔ ہم اس سانحے کے خلاف تین روزہ سوگ کا اعلان کرتے ہیں اور سیاسی، مذہبی، تاجر برادری سے مشاورت کے بعد کل شٹر ڈاون ہڑتال کا اعلان کرینگے۔ شہداء کے اہل خانہ کے باہمی مشورے سے شہید کی تدفین کا فیصلہ کرینگے اور فی الحال ہم شہید کے جنازے کی تدفین نہیں کرینگے۔ اس سانحے میں شہید ہونے والے تمام افراد کے اہلخانہ سے دلی تعزیت اور زخمی ہونے والے افراد کی جلد صحت یابی کی دعا کرتے ہیں۔ اپنے آئندہ کا لائحہ عمل کا اعلان بعد میں کرینگے، جسکی خبر آپ کو کردی جائے گی۔