وحدت نیوز (سکردو) مجلس وحدت مسلمین پاکستان کے ڈپٹی سیکرٹری جنرل و سربراہ امورخارجہ نے گلگت بلتستان الیکشن کے دوران حلقہ نمبر 3 میں جشن امام مہدی عجل اللہ فرجہ سے خطاب کرتے ہوئے کہا کہ خدا نے تمام انبیاء کرام کو عدل کے قیام اور ظلم کے خاتمہ کے لئے بھیجا لیکن سب انبیاء کا یہ خواب ظہور حجت خدا کے بعد پورا ہوگا۔  مہدویت ظالم و جابر اور کرپٹ نظاموں سے ٹکرا جانے کا نام ہے۔ انہوں نے گلگت بلتستان الیکشن کے حوالے سے گفتگو کرتے ہوئے کہا کہ ہمارا موجودہ حکومت سے اختلاف ہی یہی ہے کہ وہ ظلم کرتے ہیں اور پاکستانی عوام کے قاتلوں اور ظالموں کی سرپرستی کرتے ہیں۔

ہم عادلانہ نظام کی کوشش کر رہے ہیں جب کہ حکومت وقت کے ہاتھ معصوم عوام کے خون سے رنگین ہیں ۔ قائد وحدت نے اتمام حجت کرتے ہوئے ن لیگ کو پیشکش کی تھی کہ اس خطے کی عوام کو آئینی حقوق دے دیں تو ہم الیکشن سے دستبردار ہو جائیں گے۔ کیونکہ ہم اقتدار کے بھوکے نہیں بلکہ مظلومین کے حقوق کی جنگ لڑ رہے ہیں۔ نواز حکومت نے یہ آفر ٹھکرا کر اس خطے سے عدم دلچسبی یا دشمنی کا ثبوت دے دیا ہے ۔ اب پھر کس منہ سے  اس عوام سے ووٹ مانگتے پھر رہے ہیں۔ عوام اب انہیں پہچان چکی ہے اور 8جون کو انشاء اللہ انہیں وہ جواب ملے گا کہ ان کے ہوشش ٹھکانے آجائیں گے ۔ الیکشن کے نتائج جو بھی ہوں ایم ڈبلیو ایم کل بھی عوام کے حقوق کی جنگ لڑ رہی تھی اور آئندہ بھی لڑتی رہے گی۔

وحدت نیوز(لاہور)مرکزی کوآرڈینیٹر مجلس وحدت مسلمین شعبہ خواتین خانم زہرا نقوی نےگلگت بلتستان الیکشن کےحوالے سے گفتگو کرتے ہوئے کہا کہ گلگت بلتستان ملک کا انتہائی اسٹریٹجک اور اہم علاقہ ہے جو اپنے بنیادی ترین آئینی حقوق سے محروم ہے ۔گلگت بلتستان ہی وہ علاقہ ہے جو پاکستان کے لئے چین سے تجارت کی واحد راہداری اور ملک کو دریائے سندھ اور دریائے جہلم کی فراہمی کا واحد ذریعہ ہے ۔

گلگت بلتستان کی عوام کے بارے میں ان کا کہنا تھا کہ پاک سرزمین سے والہانہ محبت کرنے والے ،پرامن گلگتی اور بلتی عوام اپنے حقوق اور آئینی حق کے لئے الیکشن میں بھرپور حصہ لیں۔بالخصوص مومنہ خواتین ،مائیں ،بہنیں اور بیٹیاں قومی اور شرعی فریضہ سمجھ کر ووٹ کی طاقت کے ذریعہ سے اپنے حقوق کا دفاع کریں ۔
انہوں نے کہا کہ گلگت بلتستان میں مجلس وحدت مسلمین شعبہ خواتین کی تمام ذمہ دارخواتین ،الیکشن کیمپین اور ووٹ ڈالنے میں خواتین کی بھرپور معاونت کریں ۔

وحدت نیوز (سکردو) مجلس وحدت مسلمین پاکستان بلتستان ڈویژن حلقہ ایک اور حلقہ دو کے امیدواروں کی کمپئین کے سلسلے میں ایک عظیم الشان ریلی بعنوان استحکام پاکستان ریلی نکالی گئی۔ ریلی میں ایم ڈبلیو ایم کی اعلٰی قیادت کے علاوہ وائس آف شہداء پاکستان کے سربراہ سید فیصل رضا عابدی، سنی اتحاد کونسل کے سربراہ صاحبزادہ حامد رضا، مجلس وحدت مسلمین سندھ کے سربراہ علامہ مختار امامی، ایم ڈبلیو ایم ہزارہ کے سربراہ وحید کاظمی بھی شریک تھے۔ ریلی کا آغاز مجلس وحدت مسلمین بلتستان ڈویژن کے سربراہ علامہ آغا علی رضوی کے حکم سے صبح نو بجے ہوا۔ ریلی میں ہزاروں کی تعداد میں گاڑیاں اور موٹر سائیکل سوار شریک تھے۔ شرکاء ریلی نے ہاتھوں میں پاکستان اور مجلس وحدت مسلمین کے پرچم اٹھا رکھے تھے جبکہ پرجوش شرکاء ایم ڈبلیو ایم، راجہ ناصر عباس جعفری، علامہ آغا علی رضوی کے حق میں نعرے بھی لگا کر رہے تھے۔ شرکائے ریلی کے نعروں سے اسکردو کی فضا گونجتی رہی۔ ریلی بلتستان کی تاریخ کی سب سے بڑئی ریلی تھی۔ ریلی جہاں جہاں سے گزرتی بچے، بوڑھے اور خواتین استقبال کرتے رہے اور مختلف مقامات پر ریلی میں موجود مہمانوں اور قیادتوں کو پھولوں کے ہار بھی پہنائے۔

ریلی صبح نو بجے کچورا سے شروع ہوئی، امامیہ چوک اسکردو، علی چوک، پریشان چوک، الڈینگ، نیا بازار سے ہوتی ہوئی جب یادگار شہداء اسکردو پر پہنچی تو وائس آف شہدائے پاکستان کے سربراہ سید فیصل رضا عابدی نے شرکاء ریلی سے خطاب کیا۔ انہوں نے اپنے خطاب میں کہا کہ بلتستان کی عوام نے مجھے جتنی محبت دی ہے اس پر آپ کا احسان مند ہوں اور امید کرتا ہوں کہ غیرت مند قوم 8 جون کو اپنی ٖغیرت و شجاعت کا مظاہرہ کرتے ہوئے دہشتگرد جماعتوں کے سیاسی ونگ نواز لیگ کو بدترین شکست دے کر نئی تاریخ رقم کرے گی۔ انکے خطاب کے بعد ریلی امامیہ چوک اسکردو پہنچی، وہاں سے یولتر روڈ سے ہوتی ہوئی عظیم الشان ریلی گمبہ اسکردو پہنچ گئی۔ گمبہ اسکردو مالک اشتر چوک پر ریلی کے استقبال کے لئے ہزاروں کی تعداد میں مجلس وحدت مسلمین کے سپورٹر ز موجود تھے۔ انہوں نے ریلی کا پرجوش استقبال کیا۔ ایم ڈبلیو ایم کے صرف دو حلقوں کی جانب سے نکالی گئی اس ریلی نے سیاسی مخالفین کی کمر توڑ کر رکھ دی ہے اور وہ شدید دباو کا شکار ہیں۔ ایم ڈبلیو ایم کی اس ریلی کو اسکردو کا ٹھنڈا موسم اور شدید بارش بھی متاثر نہ کرسکی۔ ہزاروں کی تعداد میں موجود شرکائے ریلی نے مجلس وحدت مسلمین کی فتح کو یقینی بنا دیا ہے۔

وحدت نیوز (نومل) مجلس وحدت مسلمین پاکستان کے مرکزی سیکرٹری جنرل علامہ ناصرعباس جعفری نے کہا ہے کہ امام خمینی نے پوری دنیا کے مظلومین کو ظالمین کے مقابل سینہ تان کر کھڑا ہونے کا حوصلہ فراہم کیا، ، انقلاب اسلامی ایران سیکولرازم، کمیونزم اور کیپٹل ازم جیسے نظاموں کے خلاف بغاوت کا نام ہے جس کی اصل اسلام کا آفاقی نظام ہے۔ان تمام نظاموں نے دین کو سیاست سے جدا کر کے پیش کیا ہے۔ جب کہ اگر دین سیاست سے جدا ہو جائے تو بربریت اور ظلم پروان چڑھتا ہے، ان خیالات کا اظہار انہوں نے نومل گلگت میں عوامی اجتماع سے خطاب کرتے ہوئے کیا۔

انہوں نے کہا کہ تمام اسلامی ممالک خط امام کو رول ماڈل قرار دیتے ہوئے اپنی ہاں امریکی مداخلت کا نفوذ ختم کر سکتے ہیں۔ امام خمینی ایسی ہستیاں تاریخ ساز ہوتی ہیں جن کا دنیا صدیاں انتظار کرتی ہے اور جنھیں طلوع محشر تک یاد رکھا جائے گا۔  ایرانی قوم کے ساتھ ساتھ امت مسلمہ مبارکباد کی مستحق ہے کہ جسے امام خمینی جیسی امت کا درد رکھنے والی ہستی ملی۔ جنھوں نے مسلک و مکتب سے بالا تر ہو کر شرق سے غرب تک ہر جگہ مسلمانوں کے حقوق کے لئے موثر آواز بلند کی اور انہیں اپنی صفوں میں اتحاد اور اتفاق کو رواج دینے پر زور دیا۔ انہوں نے کہا کہ رہبر کبیر کا پیغام وحدت ہے اور جس دن ہم نے وحدت کا اپنا شعار بنا لیا اس دن امریکہ اور اس کی حواری قوتوں کا ناپاک وجود پاک سرزمین سے ہمیشہ کے لئے نابود ہو جائے گا۔

ان کامزیدکہنا تھا کہ امام خمینی نے ظلم کی مسلک و مذہب سے ہٹ کر ہر جگہ اور ہر سطح پر مخالفت کی اور اسلامی اقدار کو عالمی سطح پر رواج دینے میں کلیدی کردار ادا کیا ہے،امام خمینی کا پیغام وحدت کا پیغام ہے، لہذا ہمیں فرقہ واریت سے دور رہنا ہے اور وحدت کا پرچار کرنا ہے، اگر ہم نے ایسا کیا پاکستان امن کا گہوارہ بن جائے گا، انہوں نے کہا کہ اس ملک میں شیعہ اور سنی کا مسئلہ نہیں ہے، لیکن کچھ استعماری ایجنٹ ہیں کہ جو امریکی اشاروں پر چلتے ہوئے اس ملک کو فرقہ واریت کی دلدل میں دھکیلنا چاہتے ہیں، لیکن ملت اسلامیہ اپنے اتحاد سے ان کی اس سازش کو ناکام بنائے گی۔

وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ ناصر عباس جعفری نے سانحہ مستونگ کے حوالے سے ہونے والی کل جماعتی کانفرنس کے اعلامیہ پر اطمینان کا اظہار کرتے ہوئے کہا ہے کہ کہ دہشت گردی کے خلاف سیاسی و عسکری قوتوں کا یکساں ردعمل قومی جذبات کی تائید ہے۔ دشمن طاقتیں ملک میں مذہبی و لسانی بنیادوں پر ایک دوسرے کو دست و گریبان کرکے مذموم مقاصد حاصل کرنا چاہتی ہیں۔ عوام کو دانشمندی اور بصیرت سے ان سازشوں کو ناکام بنانا ہوگا۔ انہوں نے کہا کہ اس قوم کو مذہب کے نام پر تقسیم کرنے کی سازش کو پروان نہیں چڑھنے دیا جائے گا۔ یہاں بسنے والے متعدد قبائل اور مختلف قومیں صدیوں سے آباد اور باہم شیر و شکر ہیں، انہیں جدا جدا نہیں کیا جاسکتا۔ آل پارٹیز کانفرنس کا یہ موقف لائق تحسین ہے کہ اکنامک کوریڈور منصوبے کو کسی صورت سبوتاژ نہیں کرنے دیا جائے گا۔ پاکستان اور چائنا کے تعلقات کی مضبوطی ہمارے ازلی دشمن بھارت کے پیٹ میں مروڑ پیدا کرنا شروع کر دیتی ہے۔ اقتصادی راہدری پر بھارتی ردعمل اسی درد کا نتیجہ ہے۔

علامہ ناصر عباس نے کہا کہ اس منصوبہ کو ملک کی ترقی و خوشحالی کی ضمانت سمجھا جا رہا ہے۔ ہمارے پڑوسی ملک بھارت کو یہ گوارہ نہیں کہ پاکستان قومی ترقی کے میدان میں انقلابی کامیابیاں حاصل کرے۔ ملک میں جاری دہشت گردی کے واقعات میں بھارت براہ راست ملوث ہے، جس کا مقصد ہمارے امن کو تباہ کرنا ہے، تاکہ ہمیں اقتصادی بدحالی کا سامنا رہے۔ ہماری حکومت کو چاہیے کہ وہ بھارت کے اس جارحانہ رویے کو معمول کا ردعمل خیال کرنے کی بجائے حالات کے حقیقی تناظر میں دیکھے۔ اقوام عالم کو بھی بھارت کے اس انتہا پسندانہ رویہ پر فوری اور سخت ردعمل کا اظہار کرنا چاہیے، جو خطے میں حالات کو سنگینی کی طرف لے جانے میں کلیدی کردار ادا کر رہا ہے۔

وحدت نیوز (ہنزہ نگر) مجلس وحدت مسلمین پاکستان کے سربراہ علامہ راجہ ناصر عباس جعفری نے کہا ہے پاکستان میں برسر اقتدار حکمرانوں نے استحصال اور ظلم و جبر کا بازارگرم کر رکھا ہے اور حکمران عیاش،ظالم، شرابی اور جابر ہیں۔ ملک و قوم کی تعمیر و ترقی کے بجائے اپنے عیاشیوں اور کرپشن میں مگن ہیں جس کی وجہ سے وطن عزیز دہشت گردی بد انتظامی اور افراتفری کا شکار ہے۔ ملک میں کرپشن کاآج یہ حال ہے کہ نوازشریف امیر اور پاکستان غریب ہے پنجاب ہو یا گلگت بلتستان غریب ہر جگہ پسا جارہا ہے اور طاقت ور اپنے زور بازو سے اور ناجائز طریقے سے ملکی وسائل اپنے ذاتی مفاد میں استعمال کرہے ہیں۔

علامہ راجہ ناصر عباس جعفری نے ہوپر نگر کے عوام سے اپیل کی وہ اس بار اپنے حقوق کے ضامن تنظیم کو ووٹ دیکر آزمائیں اور ظالم اور جابر حکمرانوں کو اس بار مسترد کرکے ان کو ان کی حیثیت کا احساس دلائیں۔

انہوں نے کہا کہ اگر گلگت بلتستان میں عادل منصف عوام پرست حکومت ہوتی تو بے پناہ وسائل سے ملا مال یہ خطہ آج سویزرلینڈ سے زیادہ ترقی یافتہ ہوتا مگر ان غافل ظالم اور کرپٹ حکمرانوں کی بے حسی کی وجہ سے آج یہ علاقہ بنیادی وسائل سے محروم ہیں۔ انہوں نے کہا کہ عوام اس بار ایسے امیدواروں کا انتخاب کریں جو شفاف ماضی کے حامل ہیں اور ایسے پارٹی کو ووٹ دے جو انصاف، میرٹ ، قانون کا بول بالا کرے جو عوام کے مفاد کے لئے قانون سازی کرے۔ یہ کام ایم ڈبلیو ایم اگر عوام گلگت بلتستان کا تعاون رہا تو کرسکتی ہے ۔ ہم ایسا حکومت قائم کریں گے جو پاکستان اور چاروں صوبوں کے لئے مشالی ہوگا۔ ہم یہاں تعلیمی انقلاب لائینگے اور اس علاقے کے آینئی حقوق چھین کر لائیںگے اور مظلوم کو باعزت جینے کا حق دینگے۔

سنی اتحاد کونسل پاکستان کے سربراہ صاحبزادہ حامد رضانے اپنے خطاب میں کہا کہ آج اختیار عوام کے ہاتھ میں ہے، عوام کھلی آنکھوں سے لوگوں کا انتخاب کریں۔ مجھے امید ہے کہ گلگت بلتستان کے باشعور عوام اس بار اپنے گھر کے لئے ڈاکووں کا انتخاب نہیں کریںگے۔ عوام لوگوں کا ماضی دیکھ کر ووٹ کریں۔ حامد رضا نے کہا کہ نواز حکومت دراصل تکفیریت اور دہشت گردی کی علمبردار ہے اورنواز شریف جیسے نااہل شخص کو پرائمری سکول میں داخل کرنے کی ضرورت ہے جو امریکی صدر سے بات کرنے کے لئے اپنے ساتھ پرچی لیکر گیا تھا ۔ انہوں نے عوام پر زور دیا کہ وہ حق اور میرٹ کے لیئے آٹھ جون کو ایم ڈبلیو ایم کے امیداور کو کامیاب کریں۔ تقریب سے علمائے کرام کے علاوہ ایم ڈبلیوایم کے امیدوارحاجی رضوان نے بھی خطاب کیا۔