وحدت نیوز(مظفرآباد) سیکرٹری جنرل مجلس وحدت مسلمین آزاد جموں و کشمیر علامہ سید تصور حسین نقوی الجوادی کی ریاست جموں و کشمیر کے نو منتخب صدر بیرسٹر سلطان محمود چوہدری کی تقریب حلف برداری میں شرکت ۔
تفصیلات کے مطابق مظفرآباد میں منعقدہ پروقار تقریب میں نو منتخب صدر بیرسٹر سلطان محمود چوہدری نے چیف جسٹس آف آزاد جموں وکشمیر سےاپنے عہدے کا حلف اٹھایا تقریب میں سابق صدر سردار مسعود خاں اور نو منتخب وزیراعظم آزاد حکومت ریاست جموں وکشمیر سردار عبد القیوم خان نیازی کے علاوہ نو منتخب اراکین اسمبلی اور اعیان حکومت کے ساتھ ساتھ شہریان آزادکشمیر و مظفرآباد نے بڑی تعداد میں شرکت کی آزاد کشمیر کی تاریخ میں پہلی مرتبہ کسی نو منتحب صدر کی حلف برداری کی تقریب کھلے میدان میں کثیر تعداد میں عوام و خواص کی موجود گی میں منعقد ہوئی ۔
اس موقع پرمجلس وحدت مسلمین آزاد جموں کشمیر کے سیکریٹری جنرل علامہ تصور جوادی نے تقریب میں شرکت کی اور بیرسٹر سلطان محمودکو صدرآزادکشمیر منتخب ہونے پر مبارکباد پیش کی۔