وحدت نیوز(نومل) وزیر اعلیٰ گلگت بلتستان کے معاون خصوصی برائے معدنیات اور مجلس وحدت مسلمین کے صوبائی ترجمان محمد الیاس صدیقی نے محکمہ برقیات کے آر ای اور انجنیئرکے ہمراہ 14 میگاواٹ بجلی گھر کا دورہ کرکےمشتعل مظاہرین کو والٹچ کا مسئلہ حل کرنے کی یقین دہانی کرائی اور عوام سے صبر کا دامن تھامے رکھنے کی اپیل کی جس کے بعد مشتعل شہریوں نے پولیس تھانہ نومل کے پاس پیش قدمی روک دی ہے۔
محمد الیاس صدیقی کی بروقت کوششوں سے ایک گھنٹے کے اندر اندر مسلے کو حل کیا گیا،بروقت ایکشن لینے پر نومل کے عوام نے وزیر اعلیٰ گلگت بلتستان کے معاون خصوصی برائے معدنیات اور مجلس وحدت مسلمین کے صوبائی ترجمان محمد الیاس صدیقی کا شکریہ ادا کیا۔