وحدت نیوز(اسلام آباد) اسلام آباد میں مجلس وحدت مسلمین کے زیر اہتمام احتجاجی مظاہرے میں پریس ٹی وی اور المنار ٹی وی کو انٹرویو دیتے ہوئے مجلس وحدت مسلمین مرکزی کردار سازی کونسل کے رکن شیخ محمدجان حیدری نے کہا کہ خالصہ سرکار کے نام پر گلگت بلتستان کی طرح پاراچنار کے باسیوں کو بھی اپنی آبائی زمینوں سے بے دخل کرنے کے حوالے سے سازشیں ہورہی ہے۔

انہوں نے کہاکہ اس سازش کے خلاف پاراچنار میں قومی اتحاد تشکیل پاچکا ہے اور شیعہ سنی متحد ہوکر اپنے معاملات خود حل کرنے کی کوشش کررہے ہیں لیکن کھچہ نامرئی قوتوں کو یہ ناقابل برداشت ہے لہذا دہشت گردی کے ذریعے قومی اتحاد کو سبوتاژ کرنے کی سازش ہورہی ہے۔لہذا پاراچنار کے مومنین،علماء خصوصا جوانوں کو چاہئے کہ اپنی قوت وحدت و اتحاد کوقائم رکھیں اور مل جل کر اپنے معاملات حل کرنے کی کوشش کریں۔