وحدت نیوز(اسلام آباد)مجلس وحدت مسلمین پاکستان کےسربراہ علامہ راجہ ناصرعباس جعفری نے امامیہ اسٹوڈنٹس آرگنائزیشن پاکستان ڈیرہ اسماعیل خان ڈویژن کے سابقہ ڈویژنل صدر اور ریٹائرڈ ڈائریکٹر آف انفارمیشن خیبرپختونخوا برادر بزرگوار سید امیر حسین شاہ صاحب کے انتقال پر دلی افسوس اور رنج کا اظہار کیا ہے ۔
مرکزی سیکریٹریٹ سے جاری اپنے تعزیتی پیغام میں انہوں نے کہا کہ مرحوم سید امیر حسین شاہ انتہائی ملنسار اور درددل رکھنے والےشفیق انسان تھے،آج ایک بہترین دوست اور ساتھی ہم سے بچھڑ گیا۔خدا بحق محمدؐ و آل محمدؑ ان کی مغفرت فرمائے اور جوار آل محمد میں اعلیٰ مقام عطا فرمائےاور ان کے پسماندگان کو اپنی بارگاہ سے صابرین کا عظیم اجر عنایت فرمائے۔