The Latest
وحدت نیوز(لاہور) مجلس وحدت مسلمین کے سربراہ علامہ ناصرعباس جعفری کی اپیل پر آج ملک بھر کی طرح لاہور میں بھی شام میں اصحاب رسولؓ کے مزارات کی بے حرمتی پر یوم احتجاج منایا گیا۔اس موقع پر جمعہ کے خطبات میں آئمہ جمعہ نے صحابہ کرامؓ کی شان ، فضیلت بیان کی اورشام میں حضرت عمار یاسرؓ اور حضرت میثم تمارؓ کے رو ضہ مبارک کی بے حرمتی کی شدید الفاظ میں مذمت کی مجلس وحدت مسلمین پنجاب کے ضلعی سیکرٹری علامہ امتیازکاظمی نے جمعہ کے اجتماع سے خطاب کرتے ہوئے کہا کہ شام میں اصحاب رسولؓ کے مزارات کی بے حرمتی ناقابل برداشت ہے۔ انہوں نے کہاکہ اگر حکومت نے شام میں تکفیری گروہوں کی مدد کے لیے پاکستان سے لوگ بھیجے تو اس ناقابل برداشت حرکت پر شدید مذمت کریں گے۔ انہوں نے کہاکہ آج پاکستان میں صحابہ کرامؓ کا نام لے کر انتشار پھیلانے والی جماعتیں کہا ں ہیں ؟آج حضرت اعمار یاسرؓ اور حضرت میثم تمارؓ کے روضوں کی بے حرمتی پر دینی جماعتیں کیوں خاموش بیٹھی ہیں ؟ انہوں نے کہا کہ ہم پاکستان میں تکفیری گروہوں کو پاکستان کی سالمیت کے ساتھ نہیں کھیلنے دیں گے۔پاکستان کی سر زمین پر یارسول اللہ کہنے والوں کا غلبہ ہے۔ یہ صوفیاء کرام کے صدقے میں ہم کو ملا ہے کسی کو بھی یہ اجازت نہیں دیں گے کہ وہ اس سرزمین سے تکفریوں کی مدد کر۔انہوں نے حکومت پاکستان سے بھی مطالبہ کیا ہے کہ وہ حکومتی سطح پربزرگ صحابیوں کی بے حرمتی کے خلاف احتجاج رکارڈ کرواے۔
وحدت نیوز(نصیرآباد) شام میں صحابی رسول (ص)حضرت اویس قرنی (ر ض)حضرت عمار یاسر(ر ض) کی مزارات پر بم حملوں کے خلاف ناصر ملت علامہ راجہ ناصرعباس جعفری کی اپیل پر ملک گیر یوم عظمت ناموس صحابہ(رض)کے حوالے سے نصیر آباد میں بھی ایم ڈبلیوایم کے زیر اہتمام بعد نماز جمعہ احتجاجی ریلی نکالی گئی، ضلعی سیکریٹری جنرل سید اختر عباس نقوی اور حبدار علی حیدری کی زیر قیادت احتجاجی ریلی جامع مسجد حسینی (ع) سے نکالی گئی جو شہر بھر کا گشت کر تے ہو ئے امام خمینی چوک پر اختتام پزیر ہو ئی اس موقع پر شرکاء نے ہاتھوں میں بینر اور پلے کارڈ اٹھا رکھے تھے جن پر امریکہ مردہ باد ، اسرائیل مردہ باد، طالبان مردہ بادکے نعرے درج تھے۔
شرکائے احتجاج سے خطاب کرتے ہوئے مقررین نے کہا کہ ہم اپنی جانیں قربان کرسکتے ہیں لیکن پاک پیغمبر کے جلیل القدرصحابہ کرام کے مقدس مزارات کی بیحرمتی برادشت نہیں کرینگے اور ہمیں مجبور نہ کیا جائے ورنہ ہم شام پہنچ کرآل سعود کے ایجنٹوں کو مار بھگائیں ، سعودی حکمران خدا کا خوف کریں اور النصرہ فرنٹ اور الداعش فرنٹ کی پشت پناہی ترک کر دے ایسا نہ ہو کہ آنے والے وقتوں میں ان دہشت گردوں کا ہدف روضہ رسول (ص)اور خانہ کعبہ ہو۔
وحدت نیوز(کراچی) مجلس وحدت مسلمین کراچی اور امامیہ اسٹوڈنٹس آرگنائزیشن کراچی کے زیر اہتمام شام میں تکفیری دہشتگردوں کی جانب سے اصحاب رسول صل اللہ علیہ وآلہ وسلم حضرت اویس قرنی و عمار یاسر رضی اللہ تعالی عنہما کے مزارات کو مسمار کئے جانے کے خلاف کراچی میں نمائش چورنگی سے نکالی گئی، جس میں ایم ڈبلیو ایم پاکستان کے مرکزی ڈپٹی سیکرٹری جنرل علامہ شفقت حسین شیرازی، آئی ایس او کی مرکزی نظارت کے رکن علامہ عقیل موسیٰ، علامہ علی انور جعفری،علامہ مبشر حسن سمیت ایم ڈبلیو ایم اور آئی ایس او کے دیگر رہنماؤں نے خطاب کرتے ہوئے کہا کہ عرب ممالک شام کو امریکی و اسرائیلی کالونی بنانے کی کوشش کر رہے ہیں، تکفیری دہشتگردوں نے اسلام کا چہرہ مسخ کردیا ہے، وزیراعظم بھی ڈیڑھ عرب ڈالر کی امداد لیکر اب عرب ممالک کے نمک خواری کیلئے آمادہ ہوگئے ہیں، مقدس مزارات شعار اللہ ہیں، دہشتگردی کرنے والے دائرہ اسلام سے خارج ہیں۔
رہنماؤں نے کہا کہ ایک مخصوص مکتب فکر کی سوچ رکھنے والے اس سے قبل بھی نواسی رسول صلی اللہ علیہ وآلہ وسلم کے مقدس مزارات کو نشانہ بناچکے ہیں، القائدہ و طالبان میں کوئی فرق نہیں، شام میں جہاد کے نام پر پوری دنیا سے بھیجے جانے والے دہشتگردوں کا مقصد صرف اسلام کو بدنام کرنا ہے، نواز شریف حکومت نے دہشتگردوں سے مذاکرات شروع کرکے ملک کو امریکی کالونی بنانے کا عندیہ دے دیا ہے۔ انہوں نے کہا کہ مشرق وسطیٰ کے حالات امریکی ایماء پر خراب کئے جا رہے ہیں، عرب ممالک مملکت پاکستان کے خیر خواہ نہیں ہیں، نواز حکومت کو متنبہ کرتے ہیں کہ وہ عرب ممالک کی جنگ میں فریق بن کر پاکستان کی سالمیت کو داؤ پر نہ لگائیں۔ احتجاجی دفاع صحابہ ریلی میں شیعہ و سنی علماء و عمائدین کی بڑی تعداد موجود تھی، ریلی میں موجود شرکاء نے تکفیریت مردہ باد، القائدہ طالبان مردہ باد، امریکہ و اسرائیل مردہ باد سمیت شیعہ سنی اتحاد کے نعرے لگائے۔
وحدت نیوز(بلتستان) مجلس وحدت مسلمین پاکستان کے سربراہ علامہ ناصرعباس جعفری نے ڈویژنل سیکرٹریٹ بلتستان میں ذرائع ابلاغ کے نمائندوں سے پریس کانفرنس کرتے ہوئے کہا ہے کہ ایم ڈبلیو ایم پاکستان گلگت بلتستان میں استحصالی نظام کے خلاف عوامی جدوجہد کرے گی۔ اس خطے کے باہمت اور غیور عوام جنہوں نے اپنے ہاتھوں سے اس خطے کو آزاد کروایا اور ان کے احسانات اور نیکیوں کو فراموش کر دیا گیا، استحصالی نظام کو ان پر مسلط کرکے ان کے حقوق پر ڈاکہ ڈالا گیا۔ پارلیمنٹ اور سینیٹ تک 67 سالوں تک رسائی نہیں دی گئی۔ یہاں کے لوگوں پر باہر کی بیوروکریسی کو مسلط کرکے انکے حقوق کے لیے اٹھنے والی آواز دبائی گئی۔ گلگت بلتستان میں ریاستی عملداری نامی کوئی چیز نظر نہیں آتی۔ ان کا کہنا تھا کہ قدرتی وسائل سے مالامال اور پاکستان کے تمام صوبوں کے مقابلے میں کرائم ریٹ نہ ہونے کے برابر علاقے کو نظر انداز کر دیا گیا۔ پاکستان کو درپیش توانائی کے مسائل کا فوری حل اس علاقے میں موجود ہے۔ لیکن کسی بھی حکمران نے اس پر توجہ نہ دی کیونکہ یہ استحصالی حکمران اس خطے کو ترقی کرتے نہیں دیکھنا چاہتے۔ یہاں کے ہسپتال ویران اور تعلیمی ادارے زبوں حالی کا شکار ہیں۔ کرپشن مافیا کا راج ہے، تعلیم کا مقدس پیشہ بھی کرپشن کے پنجے میں جکڑا ہوا ہے۔ ان استحصالی حکمرانوں نے اس خطے کے غریب عوام پر آخری وار ان کے منہ سے نوالہ چھین کر کیا، یعنی گندم سبسڈی کو ختم کرکے غریب کش اقدامات کئے اور ہم اس ظالمانہ اقدام کی شدید مذمت کرتے ہیں۔
علامہ ناصر عباس جعفری کا کہنا تھا کہ مجلس وحدت مسلمین گلگت بلتستان کے مظلوم عوام کے ساتھ ہے، اور ہم عوامی طاقت سے ان کے حقوق ان خائن حکمرانوں سے چھین کر لیں گے اور استحصالی سیاسی فرعونوں، معاشی قارونوں اور مذہبی بلعم باعوروں کے خلاف شیعہ، سنی، اسماعیلی، نوربخشی سب کو متحد کرکے میدان عمل میں نکلیں گے۔ 18 مئی کو بلتستان میں منعقد ہونے والا عظیم الشان اجتماع جس میں تمام مکاتب فکر کے نمائندے شریک ہو کر اس خطے پر عرصہ دراز سے مسلط استحصالی نظام اور سیاسی فرعونوں کے خلاف علم بغاوت بلند کریں گے۔ یوں اس خطے میں موجود عظیم انسانی و قدرتی وسائل کو بروئے کار لاکر وطن عزیز پاکستان کو مضبوط اور مستحکم بنائیں گے۔ مجلس وحدت مسلمین پاکستان گلگت بلتستان کے آئندہ انتخابات کے حوالے سے لائحہ عمل اور منشور کا اعلان 18 مئی کے عظیم اجتماع میں کرے گی۔ یہ عظیم الشان اجتماع گلگت بلتستان اور پاکستان کی ترقی و استحکام کے لیے اہم سنگ میل ثابت ہوگا۔
وحدت نیوز(مانٹرنگ ڈیسک) شام میں بشار الاسد کی حکومت کے خلاف برسرپیکار القاعدہ اور سعودی عرب نواز شدت پسند تنظیم دولت اسلامیہ عراق و شام (داعش) نے شامی شہر الرقہ میں اصحاب رسول (ص) حضرت اویس قرنی (رض) اور حضرت عمار یاسر (رض) کے مزار کو دھماکے سے اڑا دیا، مزار مبارک شہید ہوگیا۔ ایرانی وزارت خارجہ کی ترجمان مرضیہ افخم نے شدت کے ساتھ حضرت اویس قرنی (رض) اور حضرت عمار یاسر (رض) کے روضہ جات کو شہید کرنے کی مذمت کی ہے اور کہا ہے کہ اقوام متحدہ اور او آئی سی تکفیریوں کے ان جرائم اور ثقافت کو روکے، تاکہ اس قسم کے اعمال اور تخریب کاری سے مقدسات کی حرمت کو بچایا جاسکے۔ حزب اللہ لبنان نے بھی اس واقعہ کو سنگین جرم قرار دیا ہے اور کہا ہے کہ جو عناصر بھی ان تکفیری دہشت گردوں کی پشت پناہی کر رہے ہیں، وہ سب اس کے ذمہ دار ہیں اور سب کو چاہیئے اس قسم کے اعمال کو روکنے کیلئے اپنا کردار ادا کریں۔
وحدت نیوز(مظفرآباد) مجلس وحدتِ مسلمین آزادکشمیر کے صوبائی سیکریٹری جنرل علامہ سید تصور حسین نقوی الجوادی نے کہا کہ نوجوان مسئلہ کشمیر کے آبرومندانہ حل اور بھارتی مظالم و انسانی حقوق کی سنگین خلاف ورزیوں کے خلاف منظم پرامن سفارتی جدوجہد کا آغاز کریں۔آزادریاست کی سیاسی قیادت مسئلہ کشمیر کے حل کے سلسلہ میں کسی بڑی پیش رفت میں ناکام رہی ہے۔نوجوان سوشل میڈیا سمیت تمام جدید طرق کار کو بروئے کار لاتے ہوئے عالمی سطح پر مسئلہ کشمیر کو اجاگر کریں۔ مجلس وحدتِ مسلمین مظلوم کشمیری عوام کے حق آزادی اور حق خودارادیت کی حمایت کا اعلان کرتی ہے۔اگراقوام متحدہ کے مبصرین کی نگرانی میں کشمیری عوام کی اکثریت حق خودارادیت کیلئے رائے شماری کے بعد یہ فیصلہ کرلے کہ انہیں کشمیرکی آزادی چاہئے تو پھربھارت کو انہیںآزادی دے دینی چاہئے ۔یہ انفارمیشن ٹیکنالوجی کی صدی ہے ، اب مظلوم کشمیری عوام کی قربانیوں اوران پر ڈھائے جانے والے مظالم کودنیاسے چھپایانہیں جاسکتا۔ مجلس وحدتِ مسلمین کشمیر کے مسئلے اور تنازع کو ایک سیاسی ، جغرافیائی ، انتظامی اور سفارتی مسئلے سے بڑھ کر اسے ایک انسانی مسئلہ تصور کرتی ہے اور اگر پوری دنیا میں سب سے بڑا انسانی مسئلہ ہے تو وہ مسئلہ کشمیر ہے ۔حکومت آزادکشمیرمیں جلدازجلد بلدیاتی انتخابات کروا ئے اورکشمیری عوام کا برسوں کادیرینہ مطالبہ پوراکیاجائے ۔ ان خیالات کااظہار انہوں مجلس وحدت مسلمین آزادکشمیر کے ریاستی کابینہ اور شعبہ نوجوانان کے زیر اہتمام تربیتی سیشن کے شرکاء سے خطاب کرتے ہوئے کیا۔
علامہ جوادی نے کہاکہ گزشتہ 65برسوں سے پاکستان میں مظلوم کشمیریوں، ان کے حقوق اور حق خودارادیت کیلئے تقاریب کا انعقاد ہوتارہا ہے لیکن ہم سب کو یہ فیصلہ کرنا ہوگاکہ کیاہم ہرسال اسی طرح صرف یوم یکجہتی ، یوم حقِ خودارادیت ،یوم شہداء کشمیرمناتے رہیں گے؟ ہرسال کی طرح اس مرتبہ بھی کشمیری عوام کی آزادی ، خودمختاری اور انکے حق خودارادیت کے مطالبات کرتے رہیں گے؟اور مظلوم کشمیریوں کے نام پر صرف اور صرف سیاست کرتے رہیں گے؟ یا واقعتا کشمیری عوام کی آزادی کیلئے کوئی واضح حکمت عملی بھی بنائیں گے؟انہوں نے کہاکہ مجلس وحدتِ مسلمین اس ملک کی واحد جماعت ہے جس نے اپنے قیام کے دن سے آج تک کشمیر یا مظلوم کشمیری عوام کے نام پر سیاست نہیں کی بلکہ مظلوم کشمیری عوام کی عملاً مدد کی اور کرنا چاہتے ہیں ۔گزشتہ 65سالوں سے مقبوضہ کشمیر میں مظلوم کشمیری عوام کے ساتھ انسانیت سوز مظالم ہورہے ہیں، ان کے ساتھ غیرانسانی سلوک کیا جارہا ہے اورمسلسل کشمیری عوام اپنی آزادی ، خودمختاری اور حق خودارادیت کیلئے اپنی جانوں کے نذرانے پیش کررہے ہیں ۔انہوں نے بھارت کے حکمرانوں، سیاستدانوں ، دانشوروں ، قلمکاروں ، انسانی حقوق کی انجمنوں اور صحافیوں کو مخاطب کرتے ہوئے کہاکہ آخروہ کشمیری عوام کی خواہشات اور امنگوں کے خلاف طاقت کے بل پر کشمیر کو اپنے ساتھ زبردستی کیوں ملائے رکھنا چاہتے ہیں ؟ بھارت ایک بڑی طاقت ہے ، وہ کشمیری عوام کی خواہشات اور اقوام متحدہ کی متفقہ قراردادوں کے مطابق کشمیری عوام کو ان کی آزادی اور حق خودارادیت کیوں نہیں دے دیتا؟ بھارت یہ سمجھتا ہے کہ مقبوضہ کشمیر کے عوام کی اکثریت اس کے ساتھ ہے تو وہ اقوام متحدہ کی نگرانی میں کشمیری عوام کی رائے طلب کرلے ۔اگر کشمیری عوام کی اکثریت بھارت کے ساتھ الحاق کا فیصلہ کرتی ہے توپاکستان اس کو تسلیم کرے گا لیکن اگر اقوام متحدہ کے مبصرین کی نگرانی میں ہونیوالی رائے شماری کے نتیجے میں کشمیری عوام کی اکثریت یہ فیصلہ کرے کہ انہیں آزادی چاہئے تو پھر بھارت کوکشمیری عوام کو آزادی دے دینی چاہئے ۔
علامہ سید تصورجوادی نے کہاکہ بھارت کواس بات کوسمجھ لیناچاہیے کہ آج دنیاگلوبل ولیج کی شکل اختیارکرچکی ہے ، آج دنیاکے کسی بھی حصہ میں ہونے والے واقعات کودنیاسے چھپایانہیں جاسکتا، کل تک نہ میڈیااتناآزاد تھا اورنہ ہی انفارمیشن ٹیکنالوجی نے اتنافروغ پایاتھا ، انفارمیشن ٹیکنالوجی کی وجہ سے ہی آج دنیا کشمیری عوام پر ڈھائے جانے والے مظالم کواپنی آنکھوں سے دیکھ رہی ہے اور اب کشمیری عوام کی آواز اورانکی امنگوں، خواہشات اوران کی قربانیوں کو چھپایا نہیں جاسکتا۔انہوں نے بھارت کے حکمرانوں اورسیاستدانوں سے اپیل کی کہ وہ مزیدانسانوں کی جانوں کے زیاں کے بجائے ایساراستہ اختیار کریں جس میں بھارت کی بھی نیک نامی ہو اورکشمیری عوام کوپرنہ صرف مظالم بندہوں بلکہ انہیں انکی امنگوں کے مطابق آزادی بھی مل جائے ۔ انہوں نے حکومت پاکستان سے مطالبہ کیاکہ مسئلہ کشمیرکے حل کیلئے بھارت کے ساتھ بامقصد،مخلصانہ اورایماندارانہ مذاکرات کئے جائیں۔پاکستان کے حکمران اورسیاستدان بھی ایمانداری سے مذاکرات کریں ،اسی طرح بھارت کے حکمراں،اسٹیبلشمنٹ اورسیاستداں بھی ایمانداری سے مذاکرات کریں تو مسئلہ حل ہوجائے گااوردونوں ممالک میں جنگ وجدل کاخطرہ بھی ختم ہوجائے گا۔کشمیر کے مسئلے کو انسانیت کا مسئلہ سمجھ کر ان کے بنیادی حقوق تسلیم کئے جائیں ، بنیادی حقوق کی پاسداری کی جائے اور بین الاقوامی قوانین کی پاسداری کی جائے ۔مسئلہ کشمیرکے دو فریقین پاکستان اور انڈیا کی بات ہوتی ہے ہم سمجھتے ہیں کہ تیسرے فریق جو کشمیر کے عوام ہیں انہیں بھی مسئلہ کشمیر کے حل کیلئے شامل کرنا ہوگا اور ان کی رائے اور انہیں اعتماد میں لیکر کشمیر کے مسئلے کو حل کرنا ہوگا۔ انہوں نے کہاکہ میں کشمیری عوام کو یقین دلاتاہوں کے مجلس وحدتِ مسلمین ان کے ساتھ تھی، ساتھ ہے اور انشاء اللہ ساتھ رہے گی اور کشمیری عوام کے مسائل کے حل کیلئے ہرممکنہ اقدام کرے گی۔ انہوں نے حکومت سے مطالبہ کرتے ہوئے کہا کہ آزادکشمیرمیں جلدازجلد بلدیاتی انتخابات کرائے جائیں اور کشمیری عوام کا برسوں کادیرینہ مطالبہ پوراکیاجائے تاکہ گراس روٹ لیول پر عوامی نمائندے سامنے آسکیں۔
وحدت نیوز(بلتستان) یوم پاکستان کی مناسبت سے مجلس وحدت مسلمین پاکستان بلتستان ڈویژن کی جانب سے "استحکام پاکستان کانفرنس" کا انعقاد ہوا، جس میں لوگوں کی کثیر تعداد شریک تھی۔ کانفرنس کی ابتداء تلاوت کلام پاک سے ہوئی۔ نعت رسول مقبول (ص) کے بعد شرکاء سے انجمن امامیہ بلتستان کے سٹی صدر علامہ شیخ زاہد حسین زاہدی، ڈاکٹر میثم شجاعت، پروفیسر محمد علی، پروفیسر حشمت کمال الہامی، شیخ احمد علی نوری اور مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی نے خطاب کیا۔ مقررین نے اپنے خطاب میں کہا کہ آج سوچنے کا مقام یہ ہے کہ 23 مارچ 1940ء کو برصغیر کی مسلمان قوم کے لیے ایک الگ وطن کی ضرورت تھی جس کے لیے لاہور میں قرارداد پیش کی گئی لیکن آج وطن کو ایک مستحکم نظریاتی اور غیرتمند قوم کی ضرورت ہے۔ آج پاکستان کو مسلمان قوم کی ضرورت ہے۔ آج ہم مسلمان قوم کم جبکہ پنجابی، سندھی، پٹھان، بلوچی اور شیعہ، سنی و مہاجر زیادہ ہیں۔ ہماری بدقسمتی یہ ہے کہ آج ہم نے قوم کے غداروں کو ایوانوں میں بھیجا ہے جو قوم کا سودا کر کے اپنی تجوریاں بھرتے ہیں۔
مقررین نے کہا کہ آج ہمارے نمائندے ڈالر اور ریال کے عوض قومی غیرت و حمیت کا علی الاعلان سودا کر رہے ہیں۔ ہمارے تعلیمی اداروں، اقتصادی اداروں، ریاستی اداروں، معاشی اداروں اور عسکری اداروں کو امریکی و سعودی ایماء پر مفلوج کیا جا رہا ہے۔ آج ہم اس نتیجے پر پہنچ چکے ہیں کہ ساٹھ سال سے زائد کا عرصہ گزرنے کے بعد پاکستان کی بقاء و سلامتی اور استحکام کے لیے سوچنے پر مجبور کیا جا رہا ہے۔ ضرورت اس امر کی ہے کہ من حیث القوم اپنے اندر اتحاد پیدا کریں اور قوم کے سوداگروں سے چھٹکارا پانے کے کوشش کریں۔ اس وقت اقبال و قائد کے نظریات کے احیاء اور ان پر عمل کرنے کی ضرورت ہے۔
استحکام پاکستان کانفرنس سے خطاب کرتے ہوئے سیکرٹری جنرل مجلس وحدت مسلمین علامہ آغا علی رضوی نے کہا کہ اگرچہ اسوقت مختلف صوبوں، مسلکوں، خطوں پر ظلم کے پہاڑ توڑے جا رہے ہیں لیکن سب سے بڑا ظلم وطن عزیز پاکستان پر ہو رہا ہے۔ وطن عزیز پاکستان کا چپہ چپہ اپنے ہی شہریوں کے خون سے رنگین ہے۔ شیطان بزرگ امریکہ کی جانب سے وطن عزیز کی سرحدوں کی پائمالی کا سلسلہ جاری ہے۔ ملک کو خانہ جنگی کی طرف دھکیلنے کے لیے تمام پاکستان دشمن طاقتیں متحد ہیں اور دہشت گردی و فرقہ واریت کے ذریعے اس ملک کو عدم استحکام کی طرف دھکیلا جا رہا ہے جسے اس ملک کے غیور شیعہ و سنی اپنی جانوں کا نذرانہ دے کر کامیاب ہونے نہیں دیں گے۔
وحدت نیوز(کوئٹہ) مجلس وحدت مسلمین کوئٹہ ڈویژن سے جاری کردہ بیان کے مطابق ایم ڈبلیوایم کے رہنما اور رکن صوبائی اسمبلی آغا محمد رضا رضوی نے ہزارہ فٹبال ایسوسی ایشن اورہزارہ گرین فٹبال کلب کی جانب سے منعقدہ تقریب تقسیم انعامات میں کھلاڑیوں اوردیگرشرکاء سے خطاب میں کہا کہ قوم کی امیدیں نوجوانوں سے وابستہ ہے۔نوجوان قوم کا سرمایہ ہیں۔سہولیات کی عدم دستیابی، سیکیورٹی حالات کی ابتری اورسپورٹس کے شعبہ میں موجودناانصافیوں کی موجودگی کے باوجود ملکی سطح پر منعقدہونے والے مقابلوں میں ہزارہ گرین فٹبال کلب کی شاندارکامیابیاں قابل تحسین ہیں۔اِن کی کامیابیوں سے قوم کا سرفخرسے بلند ہوا ہے۔اِن کی کامیابیاں اس بات کا ثبوت ہے کہ ہزارہ قوم کے جوانوں میں کسی بھی شعبہ میں ترقی کے لئے ٹیلنٹ کی کمی نہیں۔
انہوں نے کہاکہ صحت مندمعاشرے اورصحت مندذہن کے لئے صحت مندجسم کا ہونالازمی ہے۔جن معاشروں اوراقوام کے نوجوان کھیلوں کی سرگرمیوں میں مصروف رہتے ہیں ایسی قوم کے جوانوں کو کوئی بھی منشیات کی لعنت اوردیگرجرائم میں ملوث نہیں کرسکتے۔آغارضانے مزیدکہاکہ نوجوان ہمارافخرہیں۔تمام عوامی منصوبے قوم کی ملکیت ہیں۔ عوامی پروجیکٹ کے لئے مختص فنڈکوسوفیصد عوامی بہبودکے لئے ہی استعمال کیاجائے گا۔اُن کا کہناتھا کہ جب تک میری سانس میں سانس ہے اورجب تک میری رگوں میں خون دوڑرہاہے میں اپنی قوم کوتنہانہیں چھوڑوں گا۔میراجینااورمیرامرنااسی قوم اوراسی صوبے کے عوام کے ساتھ ہے۔
انہوں نے کہاکہ قوم کے درمیان سے مزیدٹیلنٹ کی تلاش اورعلاقے میں کھیل کے فروغ کے لئے سابقہ سینیئرکھلاڑی اورموجودہ کھلاڑیوں کومتحدہوکرذہنی ہماہنگی اوراتفاق رائے سے فٹبال، ہاکی، کرکٹ، مارشل آرٹس، باکسنگ، سکواش، بیڈمنٹن اوردیگرکھیلوں کے اکیڈمیاں قائم کرنی چاہیے ۔ جہاں نوجوان لڑکے اورلڑکیوں کی کھیل کے مختلف شعبوں میں تربیت کااہتمام ہو۔ آپ کے نمائندے کی حیثیت سے آپ کی آوازکووفاق تک پہنچانامیری ذمہ داری ہے۔میں آپ کی آوازبن کرکھیل اورکھیل کے میدان کے حوالے سے آپ کے مسائل کے حل کے لئے ہرممکن کوشش کروں گا۔
انہوں نے کہاکہ وہ ہزارہ سپورٹ ایسوسی ایشن اورہزارہ گرین فٹبال کلب کے ممبروں کی فٹبال کی ترقی میں کوششوں اوراخلاص کوقدرکی نگاہ سے دیکھتاہوں ۔ انہوں نے آخرمیں ہزارہ گرین فٹبال کلب کے لئے سپورٹس فنڈسے پچاس ہزارروپے کااعلان بھی کیا۔
وحدت نیوز(بلتستان) مجلس وحدت مسلمین پاکستان کے مرکزی سیکرٹری جنرل علامہ راجہ ناصرعباس جعفری نے اپنے دورہ بلتستان کے موقع پر مرکزی جامع مسجد امامیہ اسکردو کے امام جمعہ و الجماعت علامہ شیخ محمد حسن جعفری سے ملاقات کی۔ اس موقع پر سیکرٹری اطلاعات صوبہ پنجاب مظاہر شگری، علامہ شیخ احمد نوری، علامہ سید مظاہر موسوی، آغا علی رضوی اور محمد علی موجود تھے۔ شیخ حسن جعفری نے علامہ راجہ ناصر عباس جعفری کو بلتستان آمد پر خوش آمدید کہا، دونوں علماء کرام نے گلگت بلتستان کی سیاسی اور سماجی صورتحال پر تبادلہ خیال کیا۔
وحدت نیوز(اسلام آباد) مجلس وحدت مسلمین پاکستان کے سربراہ علامہ راجہ ناصرعباس جعفری نے شام کے اندر اصحاب رسول (ص) کے مزارات کی بےحرمتی کے واقعے کو سنگین جرم قرار دیا ہے اور کہا ہے کہ جو عناصر بھی ان تکفیری دہشت گردوں کی پشت پناہی کررہے ہیں وہ سب اس دل خراش واقعے میں برابر کے ذمہ دار ہیں ، صحابی رسول حضرت اویس قرنی رضی اللہ تعالیٰ عنہ اور عمار یاسررضی اللہ تعالیٰ عنہ کے مزار ات مقدسہ کی تکفیری دہشت گردوں کے ہاتھوں تباہی پر امت مسلمہ کے دل مجروح ہو ئے ہیں ، شام لگائی گئی فرقہ واریت کی یہ آگ اس پر ہاتھ تاپنے والوں کو بھی جھلسا کر رکھ دے گی، امت مسلمہ شام ہو نے والی بے حرمتی کےاس اندہوناک واقعے پر سراپا احتجاج بن جائے ، صحابہ کرام اجمعین کے مزارات مقدسہ کی تباہی کے خلاف کل ملک بھر میں بھر پور یوم عظمت ناموس صحابہ رضی اللہ تعالیٰ عنہ منایا جائےگا، ان خیالات کا اظہار انہوں نے مرکزی سیکریٹریٹ سے جاری اپنے مذمتی بیان میں کیا ۔
مجلس وحدت مسلمین پاکستان کے سربراہ علامہ راجہ ناصر عباس جعفری نےشام کے علاقے الرقہ میں مزارات اصحاب رسول (ص) واقعہ پر اپنے شدید غم و غصے کا اظہار کرتے ہو ئے کہا ہے کہ شام میں بشار الاسد کی حکومت کے خلاف برسرپیکار القاعدہ اور عرب شہنشاہیت نواز شدت پسند تنظیم دولت اسلامیہ عراق و شام (داعش) نے شامی شہر الرقہ میں اصحاب رسول (ص) حضرت اویس قرنی (رض) اور حضرت عمار یاسر (رض) کے مزار کو دھماکے سے اڑا کر ملت اسلامیہ کا امتحان لیا ہے، امت مسلمہ نے اگر اس جسارت پر خاموشی ترک نہ کی تو کل خانہ کعبہ اور روضہ رسول (ص)بھی ان تکفیری دہشت گردوں کی بربریت کا نشانہ بنائے جا سکتے ہیں ،جنت البقیع میں مزارات اہل بیت ؑ ، امہات المومنین ؓاور اصحاب کرام ؓکو پہلے ہی مسمار کیا جا چکا ہے، اس وقت دنیا میں اسلام کی ترویج و تشریح سفاک درندے کر رہے ہیں ، جن کا اصل تعلیمات اسلامی سے دور دور تک کا کوئی واسطہ نہیں، شام میں ہو نے والی دہشت گردی کا فقط ایک ہی مقصد ہے اور وہ صرف مسلم امہ کی Resistans shieldکو کمزور کر نا ہے ، شام ہی وہ واحد ریاست ہے جو ہمیشہ مقاومتی تحریکوں کا ہیڈکوارٹر رہااورمشرق وسطیٰ میں امریکی و اسرائیلی مفادات کے راستے کی سب سے بڑی رکاوٹ ہے۔
ان کاکہنا تھاکہ مجلس وحدت مسلمین شام میں اصحاب کرام ؓ کے مزارات مقدسہ پر تکفیری دہشت گردوں کے میزائل حملے کے خلاف بھر پور احتجاج کا اعلان کر تی ہے ، کل بروز جمعہ ملک بھر میں یوم عظمت ناموس صحابہ ؓ کے عنوان پر منایا جائے گا، تمام اضلاع میں احتجاجی مظاہرے اور ریلیاں نکالی جائیں گی ،انہوں نے تمام حقیقی مدافعان ناموس صحابہ ؓ سے اپیل کی ہے کہ وہ سنگین جرم پر خاموش نہ بیٹھیں اور ہمارے ساتھ اس احتجاج میں شرکت کریں ۔
